മലയാളികൾ ആകമാനം കാത്തിരിക്കുന്ന ലാലേട്ടന്റെ ബ്രഹ്മാണ്ഡചിത്രം രണ്ടാമൂഴത്തെപ്പറ്റിയുള്ള ചർച്ചകൾ എങ്ങും നിറഞ്ഞുനിൽക്കുകയാണ്. 1000 കോടി ബഡ്ജറ്റിൽ ഒരുങ്ങുന്ന ചിത്രത്തിനായി പ്രേക്ഷകർ കാത്തിരിക്കുന്നതിനിടയിൽ ഇന്ത്യൻ സിനിമയിൽ പെർഫെക്ഷനിസ്റ്റ് എന്നറിയപ്പെടുന്ന അമീർ ഖാനും മഹാഭാരതകഥയുമായി എത്തുന്നുവെന്നാണ് റിപ്പോർട്ടുകൾ.ഇപ്പോൾ ഷൂട്ട് ചെയ്തുകൊണ്ടിരിക്കുന്ന തഗ്സ് ഓഫ് ഹിന്ദോസ്ഥാൻ എന്ന ചിത്രത്തിന് ശേഷം ആമിർ ഖാൻ മഹാഭാരത സീരീസ് തുടങ്ങുമെന്നാണ് സ്ഥിരീകരിക്കാത്ത റിപ്പോർട്ട്. മുകേഷ് അംബാനിയുടെ ഉടമസ്ഥതയിലുള്ള റിലൈൻസ് എന്റർടൈൻമെന്റ് 1000 കോടി മുതൽമുടക്കിൽ ഈ ചിത്രം ചെയ്യുമെന്നാണ് അറിയുന്നത്. അമീർ ഖാൻ ചെയ്യാൻ പോകുന്നത് കർണന്റെ റോളാണോ അതോ കൃഷ്ണന്റെ റോളാണോ എന്നാണ് ഇനി അറിയേണ്ടത്.