അങ്കമാലി ഡയറീസ്, ആട് 2 എന്നീ സൂപ്പർഹിറ്റ് ചിത്രങ്ങൾക്ക് ശേഷം ഫ്രൈഡേ ഫിലിം ഹൗസ് നിർമിക്കുന്ന ചിത്രമാണ് ജൂൺ. 2019 ഫെബ്രുവരി മാസം തീയറ്ററുകളിൽ എത്തുന്ന ചിത്രത്തിലൂടെ ക്യാമറക്ക് മുന്നിലും പിന്നിലുമായി പതിനാറോളം പുതുമുഖങ്ങളെ മലയാളസിനിമയിലേക്ക് അവതരിപ്പിക്കുകയാണ് ഫ്രൈഡേ ഫിലിം ഹൗസ്. നവാഗതനായ അഹമ്മദ് ഖബീറാണ് ചിത്രത്തിന്റെ സംവിധാനം. 17 വയസ്സ് മുതൽ 25 വയസ്സ് വരെയുള്ള ജൂൺ എന്ന പെൺകുട്ടിയുടെ ജീവിതമാണ് ജൂണിലൂടെ അവതരിപ്പിക്കുന്നത്. ചിത്രത്തിന് വേണ്ടി വമ്പൻ മേക്കോവറാണ് റെജിഷ നടത്തിയിരിക്കുന്നത്. കഥാപാത്രത്തിന് വേണ്ടി റെജിഷ ഒൻപത് കിലോ ഭാരം കുറക്കുകയും മുടി വെട്ടുകയും ചെയ്തു. പല്ലിന് കമ്പിയിടുകയും ചെയ്തു. റെജിഷയുടെ മേക്കോവർ വീഡിയോ പുറത്തു വിട്ടിരിക്കുകയാണ് ചിത്രത്തിന്റെ അണിയറ പ്രവർത്തകർ.