Wednesday, November 14

ലാലേട്ടൻ, മമ്മുക്ക ചിത്രങ്ങൾ ഒന്നിച്ചുവന്നാൽ ആദ്യം ലാലേട്ടൻ ചിത്രം ചെയ്യും: ആസിഫ് അലി

Google+ Pinterest LinkedIn Tumblr +

മലയാളത്തിലെ യുവതാരനിരയിൽ ഏറെ ശ്രദ്ധേയനായ നടനാണ് ആസിഫ് അലി. അവസാനമിറങ്ങിയ ബി ടെക്ക് അടക്കം മികച്ച വിജയങ്ങൾ കുറിച്ച് മുന്നേറുന്ന ആസിഫ് അലിയുടെ അടുത്തതായി പുറത്തിറങ്ങാൻ പോകുന്ന ചിത്രം മന്ദാരമാണ്. സിനിമ ഡാഡി എക്‌സ്‌ക്ല്യൂസീവ് ഫൺ ചാറ്റ് ഷോയായ ‘എങ്കിലേ എന്നോട് പറ’ എന്ന ഷോയുടെ അവതാരിക ആസിഫ് അലിയെ കുടുക്കുന്ന ഒരു ചോദ്യം ചോദിച്ചു. അതിപ്പോൾ ആസിഫ് അലിയെന്നല്ല ഏത് നടനോട് ചോദിച്ചാലും അവർ വെള്ളം കുടിച്ചു പോകുന്ന ചോദ്യമാണ്. ഒരേ സമയം മമ്മുക്കയുടെയും ലാലേട്ടന്റെയും ചിത്രങ്ങളിലേക്ക് ഓഫർ വന്നാൽ ഏതു സ്വീകരിക്കുമെന്നായിരുന്നു അവതാരകന്റെ ചോദ്യം. ആസിഫ് അലി അപ്പോൾ തന്നെ ലാലേട്ടന്റെ പടത്തിൽ അഭിനയിക്കുമെന്ന് ഉത്തരം നൽകി. കാരണം മറ്റൊന്നുമല്ല. ജവാൻ ഓഫ് വെള്ളിമലയിൽ മമ്മുക്കയോടൊപ്പം ഒരു ഫുൾ ലെങ്ത് റോൾ ആസിഫ് ചെയ്‌തിട്ടുണ്ട്‌. ലാലേട്ടന്റെ കൂടെ റെഡ്‌വൈൻ എന്ന ചിത്രത്തിൽ അഭിനയിച്ചെങ്കിലും കോമ്പിനേഷൻ സീൻസ് ഇല്ലായിരുന്നു. അതിനാൽ തന്നെ അത്തരത്തിൽ ഒരു ഓഫർ ലഭിച്ചാൽ തീർച്ചയായും ലാലേട്ടൻ ചിത്രം തിരഞ്ഞെടുക്കുമെന്ന് ആസിഫ് അലി പറഞ്ഞു.

Share.

About Author

Leave A Reply