രോഹിത് വി എസ് – ഈ പേര് മലയാളികൾ ആദ്യം ശ്രദ്ധിക്കുന്നത് അഡ്വെഞ്ചേഴ്സ് ഓഫ് ഓമനകുട്ടനിലൂടെയാണ്. ഓമനക്കുട്ടൻ എന്ന അന്തർമൂഹനായ വ്യക്തിയുടെ ജീവിതത്തിലൂടെ തന്റെ ആദ്യ സിനിമ ഒരുക്കിയ രോഹിത് ആദ്യ സിനിമയിൽ തന്നെ പരീക്ഷണത്തിന്റെ ഒരു ബലികേറാമല തന്നെയാണ് കയറിയത്.
ആദ്യ ആഴ്ചപോലും സിനിമ തികയ്ക്കില്ല എന്നുറപ്പിച്ച സാഹചര്യത്തിൽ നിന്നുമാണ് ഇദ്ദേഹത്തിന്റെയും ചിത്രത്തിന്റെ നായകൻ ആസിഫ് അലിയുടെയും നിശ്ചയദാർഢ്യത്തിന് മുന്നിൽ സിനിമാ പ്രേമികൾ ആ സിനിമയെ നെഞ്ചോട് ചേർത്തത്.സോഷ്യൽ മീഡിയയിൽ ചിത്രത്തിന് വേണ്ടി ക്യാമ്പയിൻ ആരംഭിച്ചതും ചിത്രം ഒരു ഹിറ്റ് ചാർട്ടിൽ ഇടം നേടിയതും നാം കണ്ട കാഴ്ചയാണ്.ഒരു അസാധാരണ കഥയുമായി എത്തിയ രോഹിതിന്റെ സിനിമാക്കഥ ഇവിടെ തുടങ്ങുകയായിരുന്നു.
ഓമനക്കുട്ടൻ കൂട്ടുകെട്ട് വീണ്ടും,അതും ഒരു മുഴുനീള ഫാന്റസി ചിത്രത്തിനായി ഒന്നിക്കുന്നു എന്നത് സിനിമയെ സ്നേഹിക്കുന്ന ഏതൊരു പ്രേക്ഷകനും ഈ സിനിമയ്ക്ക് വേണ്ടി കാത്തിരിക്കുവാൻ പ്രേരിപ്പിക്കുന്ന ഒന്നായിരുന്നു.ഇബ്ലീസിലൂടെ ഫാന്റസിയുടെ അതിർവരുമ്പോൾ ഭേദിച്ച് സിനിമാ മേക്കിങിന്റെ എല്ലാ സ്ഥാപിത സങ്കല്പങ്ങളെയും പൊളിച്ചെഴുതുകയാണ് രോഹിത് ഇവിടെ.
ഇത്തരം പരീക്ഷകണങ്ങളിലൂടെ മലയാള സിനിമയിൽ തന്റേതായ സ്ഥാനം നേടിയ സംവിധായകനാണ് ലിജോ ജോസ് പെല്ലിശ്ശേരി.ആദ്യ സിനിമയായ നായകൻ മുതൽ അവസാന സിനിമയായ ഈ.മ.യൗ വിൽ വരെ ഇദ്ദേഹത്തിന്റെ മാത്രമായ സിനിമാ മേക്കിങ് രീതി നമ്മുക് കാണുവാൻ സാധിക്കും.ആ കൂട്ടത്തിലേക്കാണ് രോഹിത്തിന്റെ സഞ്ചാരവും.
പലപ്പോഴും ഒരു രണ്ടാം ലിജോ ജോസ് പെല്ലിശ്ശേരി എന്ന് വരെ തോന്നിപോകുന്ന മേക്കിങ് പാടവമാണ് രോഹിത് കാണിച്ചത്.ലിജോയുടെ തന്നെ ആമേൻ,ഡബിൾ ബാരൽ എന്നി സിനിമകളുടെ മേക്കിങിന്റെ ചുവ ഇബ്ലീസിലും കാണുവാൻ സാധിച്ചു.ഇബ്ലീസിൽ ഏതൊക്കെ താരങ്ങൾ അഭിനയിച്ചിട്ടുണ്ടെങ്കിലും ഇതിലെ യഥാർത്ഥ താരം സംവിധായകൻ രോഹിത് തന്നെയാണ്.മലയാള സിനിമയിലേക്ക് തന്റേതായ ശൈലിയിൽ മേക്കിങ്ങിന്റെ അത്ഭുത ലോകം തുറന്ന് കാണിച്ച സംവിധായകൻ ആണ് അദ്ദേഹം.ഇബ്ലീസ് ആ ‘അത്ഭുത ലോകത്തിന്റെ’ മായാകാഴ്ചകളും…