സംസ്ഥാനത്തെ മഴക്കെടുതിയില് ദുരിതമനുഭവിക്കുന്നവര്ക്ക് സഹായമായി പല താരങ്ങളും രംഗത്തെത്തിയിട്ടുണ്ട്. മമ്മൂട്ടിയായിരുന്നു ആദ്യം രംഗത്തെത്തിയത്.
ഇപ്പോഴിതാ തമിഴ് സൂപ്പര്സ്റ്റാര് സൂര്യയും കാര്ത്തിയും രംഗത്തെത്തിയിരിക്കുന്നു. ദുരിതാശ്വാസ ഫണ്ടിലേക്ക് 25ലക്ഷം രൂപയാണ് നല്കിയത്.കേരളത്തിന് 5 കോടി രൂപ നല്കുമെന്ന് തമിഴ്നാട് മുഖ്യമന്ത്രി എടപ്പാടി പളനിസ്വാമി നേരത്തെ അറിയിച്ചിരുന്നു. കൂടാതെ അയല് സംസ്ഥാനമായ കര്ണാടകയും ധനസഹായമായി 10 കോടി രൂപാ വാഗ്ദാനം ചെയ്തിരുന്നു.
കാലവര്ഷക്കെടുതിയില് ജനങ്ങളെ സഹായിക്കാന് വേണ്ടിയുള്ള മുഖ്യമന്ത്രിയുടെ ദുരിതാശ്വാസനിധിയിലേക്കുള്ള സംഭാവനയ്ക്ക് പിന്തുണയുമായി മെഗാസ്റ്റാര് മമ്മൂട്ടിയും രംഗത്ത് വന്നിരുന്നു. പറവൂരിലെ ദുരിതാശ്വാസ കേന്ദ്രത്തില് സന്ദര്ശനം നടത്തിയ മമ്മൂട്ടി ജനങ്ങള്ക്ക് സഹായം വാഗ്ദാനം ചെയ്യുകയും ചെയ്തു