ജൂനിയര് എന്ടിആറും രാം ചരണ് തേജയും കേന്ദ്രകഥാപാത്രങ്ങളായി എത്തിയ ആര്ആര്ആര് റെക്കോര്ഡുകള് സൃഷ്ടിച്ച് മുന്നേറുന്നു. റിലീസ് ചെയ്ത് മൂന്ന് ദിവസം കൊണ്ട് ചിത്രം 500 കോടി ക്ലബ്ബില് ഇടംപിടിച്ചു. കേരളത്തില് നിനന്് പത്തുകോടി ഗ്രോസ് കളക്ഷനാണ് ചിത്രം നേടിയത്.
റിലീസ് ചെയ്ത അന്നു മുതല് തീയറ്ററുകളില് നിറഞ്ഞാടുകയാണ് ആര്ആര്ആര്. ത്രീ ഡി ഷോകളില് ഇതുവരെ കാണാത്ത വിധത്തിലുള്ള കാഴ്ചാനുഭവമാണ് സംവിധായകന് എസ്.എസ് രാജമൗലി പ്രേക്ഷകര്ക്ക് നല്കിയിരിക്കുന്നത്. സിനിമാ രംഗത്തു നിന്ന് നിരവധി പേര് ചിത്രത്തെ പ്രശംസിച്ച് രംഗത്തെത്തി. സംവിധായകന് ശങ്കര്, അല്ലു അര്ജുന്, സംവിധായകന് അറ്റ്ലി, പൃഥ്വിരാജ്, മഞ്ജു വാര്യര്, ടൊവിനോ തോമസ്, ഉണ്ണി മുകുന്ദന് ഉള്പ്പെടെയുള്ളവര് ചിത്രത്തെ പ്രശംസിച്ചു.
കേരളത്തില് മാത്രം 500-ല് അധികം സ്ക്രീനുകളിലായാണ് ആര്ആര്ആര് പ്രദര്ശനത്തിനെത്തിയത്. ലോകത്താകമാനം 10,000 സ്ക്രീനുകളിലായാണ് ആര്ആര്ആറിന്റെ റിലീസ്. മാര്ച്ച് 25-നാണ് ചിത്രം റിലീസ് ചെയ്തത്. ഇന്ത്യയില് ഒരേ സമയം അഞ്ച് ഭാഷകളില് പുറത്തിറങ്ങിയ ചിത്രം ഏറ്റവും കൂടുതല് കളക്ഷന് നേടിയത് തെലുങ്കില് നിന്നാണ്. ആദ്യ ദിവസം തന്നെ ചിത്രം തെലുങ്കില് നിന്ന് സ്വന്തമാക്കിയത് 127 കോടിയില് അധികമാണ്.