ലോകകപ്പ് ക്രിക്കറ്റിന്െറ ഫൈനലിലെത്താന് 240 റണ്സെന്ന ലക്ഷ്യവുമായി തുടക്കത്തിലേ തകര്ന്ന ഇന്ത്യ എം.എസ്. ധോണിയുടേയും (34) രവീന്ദ്ര ജഡേജയുടേയും (73) അപരാജിത ഏഴാം വിക്കറ്റ് കൂട്ടുകെട്ടില് പൊരുതുന്നു. 54പന്തില് 74 റണ്സെടുത്ത ജഡേജയും 61പന്തില് 34 റണ്സെടുത്ത ധോണിയും ഇന്ത്യന് പ്രതീക്ഷകള് അണയാതെ കാക്കുകയാണ്. 46 ഓവറില് ആറിന് 197 എന്ന നിലയിലാണ് ഇന്ത്യ. 24 പന്തില് നിന്ന് 42റണ്സാണ് വിജയിക്കാന് ആവശ്യം.
നേരത്തെ, 62 പന്തില് 32 റണ്സെടുത്ത് ഹാര്ദിക്പാണ്ഡ്യ സാന്ഡ്നര്ക്ക് വിക്കറ്റ് നല്കി മടങ്ങിയിരുന്നു. ഉയര്ത്തിയടിക്കാനുള്ള ശ്രമം ന്യൂസിലാന്ഡ് ക്യാപ്റ്റന് കെയ്ന് വില്യംസണിന്റെ കൈകളില് അവസാനിക്കുകയായിരുന്നു.
24 റണ്സിനുള്ളില് നാല് വിക്കറ്റ് നഷ്ടമായി വന് തകര്ച്ചയിലേക്ക് കൂപ്പുകുത്തിയ ഇന്ത്യയെ അഞ്ചാം വിക്കറ്റില് പന്തും ഹര്ദിക് പാണ്ഡ്യയും ചേര്ന്ന് രക്ഷിക്കുമെന്ന് തോന്നിപ്പിച്ചിരുന്നു.എന്നാല്, ഉറച്ചുനിന്നു കളിക്കേണ്ട നേരത്ത് അനാവശ്യ ഷോട്ടിന് ശ്രമിച്ചാണ് പന്ത് പുറത്തായത്. സ്പിന്നര് മിച്ചല് സാന്ഡ്നറെ ഉയര്ത്തിയടിക്കാനുള്ള ശ്രമം ബൗണ്ടറി ലൈനിന് ഏറെ മുന്നിലായി ഡി ഗ്രാന്ഡ്ഹോമിന്െറ കൈയില് അവസാനിക്കുകയായിരുന്നു.