തെന്നിന്ത്യന് സിനിമ പ്രേമികളുടെ പ്രിയപ്പെട്ട താരമാണ് 2010 ല് കോളിവുഡിലൂടെ സിനിമ മേഖലയില് അരങ്ങേറ്റം കുറിയ്ക്കുകയും പിന്നീട് തെലുങ്ക്, മലയാളം എന്നീ മേഖലകളിൽ തന്റേതായ സ്ഥാനമുറപ്പിക്കുകയും ചെയ്ത ഐശ്വര്യ രാജേഷ്. ദുൽഖർ സൽമാൻ നായകനായ ജോമോന്റെ സുവിശേഷം എന്ന ചിത്രത്തിലൂടെയാണ് ഐശ്വര്യ മലയാള സിനിമയിലേക്ക് എത്തിയത്. പിന്നീട് നിവിൻ പോളി ചിത്രമായ സഖാവിലും ഒരു പ്രധാന വേഷത്തെ ഐശ്വര്യ അവതരിപ്പിച്ചിരുന്നു.’കാക്കമുട്ടൈ’, ‘കനാ’ എന്നീ ചിത്രങ്ങളിലെ ഐശ്വര്യയുടെ പ്രകടനത്തെ എല്ലാ ഭാഷക്കാരും ഏറ്റെടുത്തിരുന്നു. ഇപ്പോൾ താരത്തിന്റെ വിവാഹവാർത്തകൾ സോഷ്യൽ മീഡിയയിൽ ചർച്ചാ വിഷയമാവുകയാണ്.
ഐശ്വര്യ ഒരു നടനുമായി പ്രണയത്തിലാണെന്നും ഇരുവരുടെയും വിവാഹം ഉടൻ നടക്കുമെന്നുമുള്ള വാർത്തകൾ പുറത്തു വന്നിരുന്നു. ഇതിനെതിരെ പ്രതികരണവുമായി രംഗത്തെത്തിയിരിക്കുകയാണ് ഐശ്വര്യ രാജേഷ്. ട്വിറ്ററിലൂടെയാണ് താരം തന്റെ പ്രതികരണം പങ്കുവെച്ചിരിക്കുന്നത്.
ഇപ്പോൾ നടക്കുന്നതെല്ലാം വ്യാജപ്രചാരണങ്ങൾ ആണെന്നും അത്തരം കാര്യങ്ങൾ പ്രചരിപ്പിക്കരുതെന്നും ഐശ്വര്യ ട്വിറ്ററിൽ കുറിക്കുന്നു.താൻ വിവാഹം കഴിക്കാൻ പോകുന്ന ആളുടെ പേരെങ്കിലും തന്നോട് പറയണമെന്ന് ഐശ്വര്യ പറയുന്നു. ഇപ്പോൾ താൻ സിംഗിൾ ആണെന്നും അതിൽ സന്തോഷം കണ്ടെത്തുന്നു എന്നും കൂട്ടിച്ചേർക്കുന്നു.