മലയാളത്തിലെ ഏറ്റവും മികച്ച ഫൈറ്റ് മാസ്റ്റർ ആരാണെന്ന് ചോദിച്ചാൽ നിസ്സംശയം പറയാൻ പറ്റുന്ന പേരാണ് മാഫിയ ശശി എന്നുള്ളത്. മാഫിയ ശശി എന്ന പേരിൽ സിനിമ ഇൻഡസ്ട്രിയിൽ അറിയപ്പെടുന്ന ശശിധരൻ ഇതുവരെ സംഘട്ടനരംഗങ്ങൾ ഒരുക്കിയത് ഇരുന്നൂറിലധികം ചിത്രങ്ങളിലാണ്. മലയാളത്തിലെ സൂപ്പർസ്റ്റാറുകളായ മോഹൻലാലിനും മമ്മൂട്ടിക്കും വേണ്ടി ഫൈറ്റുകൾ ഒരുക്കുവാൻ ഭാഗ്യം ലഭിച്ചിട്ടുണ്ട് മാഫിയ ശശിക്ക്. ഇപ്പോൾ രണ്ടു പേരുടെയും ഫൈറ്റുകളെ കുറിച്ച് മനസ്സ് തുറക്കുകയാണ് മാഫിയ ശശി.
റോപ്പ് ഫൈറ്റിനോട് ഏറെ താല്പര്യമുള്ള വ്യക്തിയാണ് മമ്മൂക്ക എന്ന് പറയുകയാണ് മാഫിയ ശശി .റോപ്പ് ഉണ്ടെങ്കിൽ അദ്ദേഹം ഏറ്റവും പാടുള്ള ഫൈറ്റ് ആണെങ്കിൽ പോലും അത് വളരെ ആഹ്ലാദപൂർവം ചെയ്യുവാൻ ശ്രമിക്കും. അതേസമയം മോഹൻലാൽ നേരെ വ്യത്യസ്തനാണ് .അദ്ദേഹം ഡ്യൂപ്പില്ലാതെ ഫൈറ്റ് ചെയ്യാനാണ് ആഗ്രഹിക്കുന്നത്. ആദ്യമായി ഫൈറ്റ് ചെയ്യാൻ വരുന്ന ഏതെങ്കിലും ഒരു നടൻ ഉണ്ടെങ്കിൽ അദ്ദേഹത്തെ റ്റെൻഷൻ ഇല്ലാതെ നിർത്തുവാൻ മോഹൻലാൽ നടത്തുന്ന കാര്യങ്ങൾ ഏറെ പ്രശംസനീയമാണ്,മാഫിയ ശശി പറഞ്ഞു