നിവിന് പോളി, ആസിഫ് അലി എന്നിവരെ കേന്ദ്രകഥാപാത്രങ്ങളാക്കി എബ്രിഡ് ഷൈന് സംവിധാനം ചെയ്യുന്ന ചിത്രമാണ് മഹാവീര്യര്. ജൂലൈ 21നാണ് ചിത്രം പ്രേക്ഷകരിലേക്ക് എത്തുന്നത്. ഇപ്പോഴിതാ ചിത്രത്തില് ലാലു അലക്സ് അവതരിപ്പിക്കുന്ന കഥാപാത്രത്തിന്റെ ക്യാരക്ടര് പോസ്റ്റര് പുറത്തുവിട്ടിരിക്കുകയാണ് അണിയറപ്രവര്ത്തകര്. പബ്ലിക് പ്രോസിക്യൂട്ടറായാണ് ലാലു അലക്സ് ചിത്രത്തില് എത്തുന്നത്.
എം. മുകുന്ദന്റെ കഥയുടെ ചലച്ചിത്ര ഭാഷ്യമാണ് മഹാവീര്യര്. ചിത്രത്തിന്റെ തിരക്കഥയൊരുക്കിയിരിക്കുന്നത് എബ്രിഡ് ഷൈന് തന്നെയാണ്. ടൈം ട്രാവലറും ഫാന്റസിയും കോടതിയും നിയമവ്യവഹാരങ്ങളുമെല്ലാം പ്രമേയമാക്കുന്നതാണ് ചിത്രം. പോളി ജൂനിയര് പിക്ചര്സ്, ഇന്ത്യന് മൂവി മേക്കര്സ് എന്നീ ബാനറുകളില് നിവിന് പോളി, പി. എസ് ഷംനാസ് എന്നിവര് ചേര്ന്നാണ് ചിത്രം നിര്മിക്കുന്നത്. സിദ്ദിഖ്, ഷാന്വി ശ്രീവാസ്തവ, വിജയ് മേനോന്, മേജര് രവി, മല്ലിക സുകുമാരന്, സുധീര് കരമന, കൃഷ്ണ പ്രസാദ്, പദ്മരാജന് രതീഷ്, സുധീര് പറവൂര്, കലാഭവന് പ്രജോദ്, പ്രമോദ് വെളിയനാട്, ഷൈലജ പി അമ്പു തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
സംസ്ഥാന അവാര്ഡ് ജേതാവായ ചന്ദ്രു സെല്വരാജാണ് ചിത്രത്തിന്റെ ഛായാഗ്രഹണം നിര്വഹിച്ചിരിക്കുന്നത്. ഇഷാന് ചാബ്ര സംഗീതവും പശ്ചാത്തല സംഗീതവും ഒരുക്കിയിരിക്കുന്നു. ചിത്രസംയോജനം മനോജും ശബ്ദമിശ്രണം വിഷ്ണു ഗോവിന്ദ്, ശ്രീശങ്കര് എന്നിവര് ചേര്ന്നും നിര്വഹിച്ചിരിക്കുന്നു. അനീസ് നാടോടിയാണ് കലാ സംവിധാനം.