സംവിധായകനും നടനുമായ സോഹന് സീനു ലാലിന്റെ വിവാഹ വിരുന്നില് താരമായി നടന് മമ്മൂട്ടി. മമ്മൂട്ടിയുമായി വര്ഷങ്ങളുടെ പരിചയമാണ് സോഹനുള്ളത്. സോഹന് ആദ്യമായി സംവിധാനം ചെയ്ത ചിത്രത്തില് മമ്മൂട്ടിയായിരുന്നു നായകന്. മമ്മൂട്ടിയെ കൂടാതെ ഇന്ദ്രജിത്ത്, രമേഷ് പിഷാരടി, സംവിധായകന്മാരായ ജോഷി, സിദ്ദിഖ്, നടിമാരായ അദിതി രവി, തെസ്നി ഖാന് തുടങ്ങിയവരും ചടങ്ങിനെത്തി.
ഇന്നലെയായിരുന്നു സോഹന് സീനു ലാലും സ്റ്റെഫി ഫ്രാന്സിസും തമ്മിലുള്ള വിവാഹം. കൊച്ചിയില് വച്ച് നടന്ന വിവാഹ ചടങ്ങില് അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. നിരവധി പേര് സോഹനും സ്റ്റെഫിക്കും ആശംസകളുമായി എത്തി.
സിദ്ദിഖ്- ലാല് സംവിധാനം ചെയ്ത കാബൂളിവാല എന്ന ചിത്രത്തില് ബാലതാരമായാണ് സോഹന് സീനു ലാല് സിനിമയിലെത്തിയത്. ഷാഫിയുടെ അസിസ്റ്റന്റായാണ് സംവിധാന രംഗത്തേക്ക് കടന്നത്. മമ്മൂട്ടിയെ നായകനാക്കി ഡബിള്സാണ് ആദ്യം സംവിധാനം ചെയ്ത ചിത്രം. പിന്നീട് വന്യം, അണ്ലോക്ക് എന്നീ ചിത്രങ്ങളും സംവിധാനം ചെയ്തു. ആക്ഷന് ഹീറോ ബിജു, പുതിയ നിയമം, ഒരേ മുഖം, മുന്തിരിവള്ളികള് തളിര്ക്കുമ്പോള്, പുത്തന്പണം, കുട്ടനാടന് മാര്പാപ്പ, ദ് പ്രീസ്റ്റ് തുടങ്ങി നിരവധി ചിത്രങ്ങളിലും സോഹന് അഭിനയിച്ചു. സുരാജ് വെഞ്ഞാറമൂടും ഇന്ദ്രജിത്തും പ്രധാനവേഷത്തിലെത്തിയ പത്താം വളവ് എന്ന ചിത്രത്തിലും സോഹന് പ്രധാനവേഷത്തിലെത്തുന്നുണ്ട്.