സെലബ്രിറ്റികള് പിന്തുടരുന്ന ഡയറ്റ് പ്ലാനും അവര് കഴിക്കുന്ന ഭക്ഷണവുമെല്ലാം എന്നും വാര്ത്തകളില് ഇടംപിടിക്കാറുണ്ട്. അത്തരത്തില് ബോളിവുഡ് സൂപ്പര് താരം രണ്വീര് സിംഗ് തന്റെ പ്രഭാത ഭക്ഷണത്തെക്കുറിച്ച് വെളിപ്പെടുത്തിയിരിക്കുന്നതാണ് ഇപ്പോള് ആരാധകര് ഏറ്റെടുത്തിരിക്കുന്നത്. ഇന്സ്റ്റഗ്രാമില് നടത്തിയ ആസ്ക് മി എനിതിംഗ് സെക്ഷനിലാണ് രണ്വീര് തന്റെ പ്രഭാത ഭക്ഷണത്തെക്കുറിച്ച് വെളിപ്പെടുത്തിയത്.
കൃത്യസമയത്ത് എന്ന പോലെ കൃത്യ അളവിലാണ് രണ്വീര് ഭക്ഷണം കഴിക്കുന്നത്. 130 ഗ്രാം ഓട്സ്, പതിനഞ്ച് ഗ്രാം നട്സ്, 5 ഗ്രാം ചോക്ലേറ്റ് ചിപ്സ്, ഒരു ഡീറ്റോക്സ് ഡ്രിങ്ക്, പ്രൊബയോട്ടിക് ഡ്രിങ്ക്, കൂടെ ശിലാജിത്-അശ്വഗന്ധ ഡേറ്റ് ബോള്സ് എന്നിവയാണ് രണ്വീറിന്റെ പ്രഭാതഭക്ഷണം. ഇതില് ഒടുവില് പറഞ്ഞ ശിലാജിത്-അശ്വഗന്ധ ഡേറ്റ് ബോള്സ് ആണ് ഹൈലറ്റ്.
ഹിമാലയത്തിലെ പാറകളില് കാണപ്പെടുന്ന കറുപ്പും തവിട്ടും കലര്ന്ന നിറമുള്ള വസ്തുവാണ് ശിലാജിത്. വര്ഷങ്ങളോളം ചെടികള് അഴുകി ധാതുക്കളുമായി കലര്ന്ന് രൂപപ്പെടുന്ന ടാര് പോലെ ഒട്ടിപ്പിടിക്കുന്ന ശിലാജിത്തിന് നിരവധി ഔഷധഗുണങ്ങളുണ്ട്. ശിലാജിത്തിനൊപ്പം അശ്വഗന്ധവും കൂടി ചേരുമ്പോള് ഇവ ശരീരത്തിലെ ഫ്രീ റാഡിക്കല്സിനെ തടഞ്ഞ് കോശങ്ങളുടെ നാശം കുറയ്ക്കുകയും വാര്ധക്യത്തെ മെല്ലെയാക്കാന് സഹായിക്കുകയും ചെയ്യും. ശരീരത്തിലെ അണുബാധയും നീര്ക്കെട്ടുമൊക്കെ അകറ്റാനും അശ്വഗന്ധ ഫലപ്രഥമാണ്.