Sunday, October 25

ഇനി ഡ്രൈവിംഗ് സീറ്റിലും സൂരജ് മിന്നിത്തിളങ്ങും..! ഡ്രൈവിംഗ് ലൈസൻസ് കരസ്ഥമാക്കി താരം

Pinterest LinkedIn Tumblr +

ആൻഡ്രോയ്ഡ് കുഞ്ഞപ്പൻ എന്ന സിനിമയിലെ കുഞ്ഞപ്പൻ എന്ന റോബോട്ടായി സിനിമാ പ്രേക്ഷകരെ അടുത്തിടെ വിസ്മയിപ്പിച്ച നടനാണ് സൂരജ് തേലക്കാട്. കലോത്സവങ്ങളിലൂടെ വളര്‍ന്ന് കോമഡി പരിപാടികളിലൂടെ ശ്രദ്ധനേടി പിന്നീട് സിനിമയിലേക്കെത്തിയ ‘ചെറിയ’ വലിയ കലാകാരനാണ് സൂരജ്. സിനിമയ്ക്ക് പുറമെ കോമഡി ഷോകളിലും അവാര്‍ഡ് നിശകളിലും ഏവരേയും പൊട്ടിചിരിപ്പിക്കുന്ന താരമാണ് സൂരജ്. ചാര്‍ളി, ഉദാഹരണം സുജാത, വിമാനം, കാപ്പിച്ചിനോ തുടങ്ങിയ സിനിമകളിലൂടെ ശ്രദ്ധ നേടിയ താരം ഒരു അഡാറ് ലവ്, അമ്പിളി, ആൻഡ്രോയ്ഡ് കുഞ്ഞപ്പൻ, എന്നോട് പറ ഐ ലവ് യൂന്ന് തുടങ്ങിയ സിനിമകളിലാണ് അടുത്തിടെ അഭിനയിച്ചത്.

ഏറെ നാളത്തെ ഒരു സ്വപ്‌നം പൂർത്തീകരിച്ച ഒരു സന്തോഷത്തിലാണ് സൂരജ് ഇപ്പോൾ. ഡ്രൈവിംഗ് ലൈസൻസ് സ്വന്തമാക്കിയിരിക്കുകയാണ് താരം. സോഷ്യൽ മീഡിയയിലൂടെയാണ്‌ സൂരജ് തന്റെ സന്തോഷം ലോകത്തെ അറിയിച്ചത്. അതോടൊപ്പം തന്നെ പെരിന്തൽമണ്ണ RTO ബിനോയ് സാറിന് നന്ദി പറയാനും സൂരജ് മറന്നില്ല.

ഗൂഗിളിൽ സൂരജിനെകുറിച്ച് ഏറ്റവും കൂടുതൽ പേര്‍ തിരയുന്നത് സൂരജിന്‍റെ പ്രായമാണ്. പ്രായം ഇരുപത്തിനാലായെങ്കിലും മലയാളത്തിൽ മമ്മൂട്ടിയുള്‍പ്പെടെ നിരവധി താരങ്ങളുടെ എളിയിൽ കയറി ഇരിക്കാൻ ഭാഗ്യം ലഭിച്ചിട്ടുള്ളയാളുമാണ് സൂരജ്. മലപ്പുറം പെരിന്തൽമണ്ണ സ്വദേശിയായ സൂരജിന്‍റെ അച്ഛൻ മോഹനൻ ബാങ്കിലെ കലക്‌ഷൻ ഏജന്‍റാണ്. അമ്മ ജ്യോതിലക്ഷ്മി, സഹോദരി സ്വാതിശ്രീ, അമ്മാമ്മ എന്നിവരാണ് വീട്ടിലുള്ളവര്‍. 110 സെ.മീ ആണ് സൂരജിന്‍റെ പൊക്കം.

“Lucifer”
Loading...
Share.

About Author

Comments are closed.