സിനിമ ഒ ടി ടി പ്ലാറ്റ്ഫോമിൽ റിലീസ് ചെയ്യുന്നത് വെറും കച്ചവടമാണെന്നും അതിനപ്പുറം ഒന്നുമില്ലെന്നും നടൻ വിനായകൻ. മാധ്യമങ്ങളോട് സംസാരിക്കുമ്പോൾ ആയിരുന്നു വിനായകൻ ഇങ്ങനെ പറഞ്ഞത്. ആര് എന്ത് പറഞ്ഞാലും താനിത് തുറന്നുപറയും എന്നും വിനായകൻ പറഞ്ഞു. സിനിമ ഒ ടി ടിയിൽ റിലീസ് ചെയ്യുന്നത് പണത്തിന് വേണ്ടിയുള്ള വെറും കച്ചവടം മാത്രമാണ്. അതിനപ്പുറം ഒന്നുമില്ല. ഇത്രയും വലിയ സിനിമ ചെയ്യുന്ന ഇത്രയും നന്മയുള്ള ആളുകൾ ആരാണുള്ളതെന്നും വിനായകൻ ചോദിച്ചു. ആരുമില്ലെന്നും അത് നുണയാണെന്നും
പച്ചക്കള്ളമാണെന്നും വിനായകൻ പറഞ്ഞു. കാശുണ്ടാക്കുക എന്ന ഉദ്ദേശം മാത്രമേയുള്ളൂവെന്നും വിനായകൻ പറഞ്ഞു.
ആര് പറഞ്ഞാലും അത് താൻ തുറന്നു പറയുമെന്നും വിനായകൻ വ്യക്തമാക്കി. വിനായകന്റെ പട എന്ന ചിത്രം തിയറ്ററുകളിൽ റിലീസ് ചെയ്തതിനു പിന്നാലെ ഒരുത്തീ എന്ന ചിത്രവും റിലീസ് ചെയ്തിരുന്നു. നവ്യ നായർ ആണ് ഒരുത്തീ എന്ന ചിത്രത്തിൽ നായികയായി എത്തുന്നത്. പത്തു വർഷത്തിനു ശേഷം നവ്യ നായർ അഭിനയത്തിലേക്ക് തിരിച്ചെത്തിയ ചിത്രം കൂടി ആയിരുന്നു ഒരുത്തീ.
ഒരുത്തീ സിനിമയിൽ പൊലീസ് ഓഫീസറുടെ വേഷത്തിലാണ് വിനായകൻ എത്തുന്നത്. നവ്യ നായർ ഒരു ബോട്ട് കണ്ടക്ടറുടെ വേഷത്തിലാണ് ഈ സിനിമയിൽ എത്തുന്നത്. വി കെ പ്രകാശിന്റെ സംവിധാനത്തില് ഒരുങ്ങിയ ചിത്രം കഴിഞ്ഞദിവസമാണ് തിയറ്ററുകളിൽ എത്തിയത്. ദുൽഖർ സൽമാൻ നായകനായി എത്തിയ സല്യൂട്ട് സോണി ലിവിൽ റിലീസ് ചെയ്തതിനെ തുടർന്ന് തിയറ്റർ ഉടമകളുടെ സംഘടനയായ ഫിയോക്ക് ദുൽഖറിന് വിലക്ക് ഏർപ്പെടുത്തിയിരുന്നു.