തമിഴ്, തെലുങ്ക്, കന്നഡ ചിത്രങ്ങളിലെ സ്ഥിരസാന്നിദ്ധ്യമാണ് നടി അഞ്ജലി. അഞ്ജലി ജനിച്ചത് ആന്ധ്രാപ്രദേശിലെ കിഴക്കൻ ഗോദാവരി ജില്ലയിൽ മൊഗാലികുഡുരു എന്ന പ്രദേശത്തായിരുന്നു. രണ്ട് സഹോദരന്മാരുണ്ട്. തെലുഗു ഭാഷയാണ് വീട്ടിൽ സംസാരിച്ചിരുന്നത്. പത്താം ക്ലാസ്സ് പഠനത്തിനുശേഷം തമിഴ്നാട്ടിലെ ചെന്നൈയിലേക്ക് മാറി താമസിച്ചു. പഠനം തുടരുകയും ഗണിതത്തിൽ ബിരുദം നേടുകയും ചെയ്തു. മോഡലിങ്ങ് രംഗത്ത് ശ്രദ്ധേയയായ അഞ്ജലിക്ക്, സംവിധായകനായ ശിവ നാഗേശ്വരം റാവു തന്റെ പുതിയ സിനിമയായ ഫോട്ടോ എന്ന തെലുഗു ചലച്ചിത്രത്തിൽ അഭിനയിക്കാൻ അവസരം നൽകി. പിന്നീട് സിനിമാ രംഗത്ത് സജീവമായി ഒട്ടനവധി ചലച്ചിത്രങ്ങളിൽ അഭിനയിച്ചിട്ടുള്ള അഞ്ജലിക്ക് നിരവധി പുരസ്കാരങ്ങൾ ലഭിച്ചിട്ടുണ്ട്. അങ്ങാടി തെരു, എങ്കേയും എപ്പോതും തുടങ്ങിയ ചിത്രങ്ങളാണ് അഞ്ജലിക്ക് വലിയൊരു ബ്രേക്ക് നൽകിയത്.
പാവ കതൈകൾ എന്ന നെറ്റ്ഫ്ലിക്സിന്റെ ആന്തോളജി ചിത്രത്തിലാണ് പ്രേക്ഷകർ അവസാനമായി അഞ്ജലിയെ കണ്ടത്. പയ്യൻസ്, റോസാപ്പൂ എന്നീ ചിത്രങ്ങളിലൂടെ മലയാളി പ്രേക്ഷകർക്കും അഞ്ജലി പരിചിതയാണ്. ആനന്ദഭൈരവി, വക്കീൽ സാബ്, പൂച്ചാണ്ടി തുടങ്ങിയ ചിത്രങ്ങളിലാണ് അഞ്ജലി ഇപ്പോൾ അഭിനയിച്ചുക്കൊണ്ടിരിക്കുന്നത്. അതിനിടയിൽ താരം പങ്ക് വെച്ചിരിക്കുന്ന ജോഗിങ് ചിത്രങ്ങളാണ് ഇപ്പോൾ ശ്രദ്ധ നേടുന്നത്. ജീവിക്കുക.. ചിരിക്കുക.. ഓടുക..! എന്നാണ് താരം അതിന് അടിക്കുറിപ്പ് ഇട്ടിരിക്കുന്നത്.