മമ്മൂട്ടിയെ നായകനാക്കി അമല് നീരദ് ഒരുക്കിയ ഭീഷ്മപര്വ്വത്തിന് പ്രേക്ഷകര്ക്കിടയില് വന് സ്വീകാര്യതയാണ് ലഭിച്ചത്. ഇപ്പോഴിതാ മമ്മൂട്ടിയുടെ ഒരു കുഞ്ഞു ആരാധകനെ പരിചയപ്പെടുത്തിയിരിക്കുകയാണ് നടി മിയ.ഭീഷ്മപര്വ്വത്തിന്റെ ഫൈറ്റ് സീന് കണ്ട് ചിരിക്കുന്ന മകന്റെ വിഡിയോയാണ് മിയ പങ്കുവച്ചിരിത്തുന്നത്. ‘ചെറിയ മമ്മൂക്ക ഫാന്’ എന്ന ക്യാപ്ഷനും മിയ വിഡിയോക്ക് നല്കിയിട്ടുണ്ട്.
മിയ പങ്കുവച്ച വിഡിയോ മമ്മൂട്ടി ആരാധകര് ഏറ്റെടുത്തു കഴിഞ്ഞു. നിരവധി ഫേസ്ബുക്ക് ഗ്രൂപ്പുകളിലൂടെ വിഡിയോ ആരാധകര് പങ്കുവയ്ക്കുന്നുണ്ട്. കൊച്ചുകുട്ടികള് മുതല് വൃദ്ധജനങ്ങള് വരെ മമ്മൂട്ടിയുടെ മാസ് രംഗങ്ങള് കണ്ടാല് ആവേശത്തിലാകും എന്നാണ് ആരാധകര് പറയുന്നത്.
മാര്ച്ച് മൂന്നിനായിരുന്നു ഭീഷ്മപര്വ്വം തീയറ്ററുകളിലെത്തിയത്. വന് സ്വീകരണമാണ് ചിത്രത്തിന് പ്രേക്ഷകര് നല്കിയത്. 1980കളിലെ കൊച്ചിയുടെ പശ്ചാത്തലത്തിലാണ് സിനിമ കഥ പറയുന്നത്. മൈക്കിള് എന്ന കഥാപാത്രത്തെയാണ് മമ്മൂട്ടി ചിത്രത്തില് അവതരിപ്പിച്ചത്. മമ്മൂട്ടിക്ക് പുറമേ, ഷൈന് ടോം ചാക്കോ, സൗബിന് ഷാഹിര്, ശ്രീനാഥ് ഭാസി, സുദേവ് നായര്, ലെന, ശ്രിന്ദ, അനഘ തുടങ്ങി വന് താരനിരയാണ് ചിത്രത്തില് അണിനിരന്നത്.