Thursday, August 13

നിവിനും ഫഹദും ദുൽഖറും പാർവ്വതിയും തനിക്ക് ആരാധനയുള്ള താരങ്ങൾ;മനസ്സ് തുറന്ന് അദിതി റാവു

Pinterest LinkedIn Tumblr +

മലയാളത്തിന്റെ ആദ്യ ഡയറക്റ്റ് ഒ ടി ടി റിലീസായി പ്രേക്ഷകർക്കിടയിലേക്ക് എത്തിയ ചിത്രമാണ് സൂഫിയും സുജാതയും. ജയസൂര്യ, അദിതി റാവു എന്നിവർ പ്രധാന കഥാപാത്രങ്ങളെ അവതരിപ്പിച്ച ചിത്രം നിർമിച്ചത് വിജയ് ബാബു ആണ്. ആമസോൺ പ്രൈമിൽ റിലീസ് ചെയ്ത ചിത്രത്തിന് മികച്ച പ്രതികരണമാണ് സോഷ്യൽ മീഡിയയിൽ നിന്നും ലഭിക്കുന്നത്. സൂഫിയുടെയും സുജാതയുടെയും പ്രണയത്തിന്റെ കഥ പറഞ്ഞ ചിത്രത്തിൽ താരങ്ങളുടെ പ്രകടനവും എം. ജയചന്ദ്രന്റെ സംഗീതവും കൈയടി നേടുന്നു. മലയാളത്തിലെ ആദ്യത്തെ ഡയറക്റ്റ് ഓ ടി ടി റിലീസിന്റെ വരവിനെ മലയാളികൾ ആഘോഷമാക്കുന്നതാണ് സോഷ്യൽ മീഡിയയിൽ കാണുന്നത്.

ഇപ്പോൾ മലയാളത്തിലെ തന്റെ ഇഷ്ടതാരങ്ങളെ കുറിച്ച് മനസ്സ് തുറക്കുകയാണ് അദിതി റാവു. ഫഹദ് ഫാസിലിനോടും ദുൽഖർ സൽമാനോടും നിവിൻ പോളിയോടും പാർവതിയോടുമെല്ലാം തനിക്ക് വലിയ ആരാധന ഉണ്ടെന്ന് തുറന്ന് പറയുകയാണ് പ്രിയനടി. സിനിമാ ഡാഡിക്ക് അനുവദിച്ച ഓൺലൈൻ അഭിമുഖത്തിൽ ആണ് അദിതി മനസ്സ് തുറന്നത്. സിനിമയിലെ വിശേഷങ്ങളെ കുറിച്ചും ചിത്രത്തിലേക്ക് താൻ എങ്ങനെ വന്നു എന്നതിനെ കുറിച്ചും താരം അഭിമുഖത്തിൽ സംസാരിക്കുന്നുണ്ട്.

നരണിപ്പുഴ ഷാനവാസാണ് ചിത്രത്തിന്റെ സംവിധായകൻ. നിരൂപക ശ്രദ്ധ നേടിയെടുത്ത ‘കരി’ എന്ന ചിത്രമൊരുക്കിയ ആളാണ് നരണിപ്പുഴ ഷാനവാസ്. അനു മൂത്തേടത്താണ് ഛായാഗ്രഹണം. എം.ജയചന്ദ്രൻ സംഗീത സംവിധാനം നിർവഹിക്കുന്നു. ദീപു ജോസഫാണ് എഡിറ്റിങ്. ഫ്രൈഡേ ഫിലിം ഹൗസിന്റെ പന്ത്രണ്ടാമത്തെ ചിത്രമാണ് സൂഫിയും സുജാതയും.

“Lucifer”
Loading...
Share.

About Author

Comments are closed.