കൊറോണ ഭീതിയിൽ ലോകം മുഴുവൻ ആഘോഷങ്ങളും മറ്റു ചടങ്ങുകളുമെല്ലാം ഒഴിവാക്കുകയോ ഏറ്റവും കുറച്ച് ആളുകളെയോ വെച്ച് സംഘടിപ്പിക്കുന്ന കാഴ്ചയാണ് കാണുവാൻ സാധിക്കുന്നത്. ഇന്ത്യയിലും കടുത്ത നിബന്ധനകളോട് കൂടിയാണ് ഇത്തരം ചടങ്ങുകൾ നടത്തുവാൻ കഴിയുകയുള്ളു. കൃത്യമായ നിബന്ധനകളോട് കൂടി നടത്തിയ ഒരു വിവാഹ ചടങ്ങിന്റെ ഫോട്ടോഷൂട്ട് ഇപ്പോൾ സോഷ്യൽ മീഡിയ കീഴടക്കിയിരിക്കുകയാണ്.
മടത്തുംപടി ജോയ് ഷൈനി ദമ്പതികളുടെ മകനായ അജോ ജോയും മേലേക്കുടിയിൽ ജെയ്സൺ മോളി ദമ്പതികളുടെ മകളായ ജെനി ജെയ്സണും തമ്മിലുള്ള വിവാഹ നിശ്ചയത്തിന്റെ ഫോട്ടോഷൂട്ടാണ് സോഷ്യൽ മീഡിയയിൽ വൈറലായിരിക്കുന്നത്. മൂന്നുമുറി സെന്റ് ജോൺ ദി ബാപ്റ്റിസ്റ്റ് ചർച്ചിൽ വെച്ച് നടന്ന ചടങ്ങിൽ വധുവരന്മാരും ബന്ധുമിത്രാദികളുമെല്ലാം മാസ്ക് ധരിച്ചാണ് പങ്കെടുത്തത്. മാതൃകാപരമായ ഈ ചടങ്ങിന്റെ ചിത്രങ്ങൾ പകർത്തിയത് വെൽമീറ്റ് എന്ന ഫോട്ടോഗ്രാഫി ടീമാണ്. അലക്സ്, നവീൻ എന്നിവരാണ് ഈ ഫോട്ടോഷൂട്ടിന്റെ ആശയത്തിനും ഫോട്ടോസിനും പിന്നിൽ.