“നാട്ടിടവഴികളെ സുന്ദരമാക്കിയ പുഞ്ചിരി. വെയിലേറ്റു തിളങ്ങിയ കണ്ണാഴങ്ങൾ.ചിരിയിൽ മൗനങ്ങളിൽ, നോക്കുകളിൽ, ചിന്തകളിൽ, ഓളങ്ങളിൽ, സ്വപ്നങ്ങളിൽ ഒരാകാശത്തെ ഒളിപ്പിച്ചുവച്ച്.. പെണ്ണൊരുത്തിയിങ്ങനെ..❣️” വരികളിൽ നിറയുന്ന ആ സൗന്ദര്യവും ഐശ്വര്യവുമാണ് നടി ഐശ്വര്യ രാജന്റെ പുതിയ ഫോട്ടോഷൂട്ടിനുള്ളത്. വരുൺ അടുത്തില പകർത്തിയിരിക്കുന്ന താരത്തിന്റെ ഫോട്ടോസ് കണ്ട് ഐശ്വര്യത്തിന്റെയും നന്മയുടെയും പൊൻകിരണങ്ങളാണ് ഓരോരുത്തരിലേക്കും പ്രവഹിച്ചു കൊണ്ടിരിക്കുന്നതെന്ന് നിസംശയം പറയുവാൻ സാധിക്കും.
തണ്ണീർമത്തൻ ദിനങ്ങൾ എന്ന ചിത്രത്തിലെ കീർത്തിയായി പ്രേക്ഷകരുടെ മനം കവർന്ന നടിയാണ് അനശ്വര രാജൻ. ഗ്ലോബ് എന്ന ഷോർട്ട് ഫിലിമിലൂടെ അഭിനയരംഗത്തേക്ക് കടന്ന് വന്ന അനശ്വര സിനിമ ലോകത്തേക്ക് കടന്ന് വന്നത് മഞ്ജു വാര്യർ നായികയായ ഉദാഹരണം സുജാത എന്ന ചിത്രത്തിലൂടെയാണ്. സമക്ഷം, എവിടെ, ആദ്യരാത്രി തുടങ്ങിയ ചിത്രങ്ങളിലും അനശ്വര അഭിനയിച്ചിട്ടുണ്ട്. തൃഷ നായികയായ റാങ്കി എന്ന ചിത്രത്തിലൂടെ തമിഴിലേക്കും അനശ്വര അരങ്ങേറ്റം നടത്തുവാനുള്ള ഒരുക്കത്തിലാണ്. വാങ്ക് എന്ന ചിത്രമാണ് അടുത്തതായി ഇറങ്ങാനുള്ളത്.