ബാലതാരമായി സിനിമാലോകത്ത് എത്തി പ്രേക്ഷകരുടെ മനം കവർന്ന നിരവധി താരങ്ങൾ മലയാളസിനിമയിൽ ഉണ്ട്. അവരുടെ കൂട്ടത്തിൽ മുൻപന്തിയിൽ നിൽക്കുന്ന താരമാണ് അനിഖ. മലയാളത്തിൽ മാത്രമല്ല തമിഴിലും സൂപ്പർ ചിത്രങ്ങളിൽ അഭിനയിച്ച് മുന്നേറുന്ന ഈ താരത്തെ ഭാവി തലമുറയിലെ താര നായികയായിട്ടാണ് പ്രേക്ഷകർ കാണുന്നത്. അനിഘയുടെ ചിത്രങ്ങൾ കഴിഞ്ഞ ദിവസം സോഷ്യൽ മീഡിയയിൽ വൈറൽ ആയിരുന്നു. പുതിയ ഫോട്ടോഷൂട്ട് ചിത്രങ്ങൾ ഇപ്പോൾ തരംഗം സൃഷ്ടിക്കുകയാണ്. ആരാധകർ ഇതിനോടകം ഈ ചിത്രങ്ങൾ ഏറ്റെടുത്തു കഴിഞ്ഞിരിക്കുന്നു. ചിത്രം കണ്ട ആരാധകരിൽ പലരും ചൂണ്ടികാണിക്കുന്നത് അനിഖക്ക് നയൻതാരയോടുള്ള സാമ്യമാണ്. ചിത്രം കണ്ട പലരും ഇത് നയൻതാരയെ പോലെ ഉണ്ടല്ലോ, ഇത് നയൻതാര 2.0 ആണ് എന്നൊക്കെ കമന്റുകൾ ഇട്ടിട്ടുണ്ട്. കമന്റുകൾക്ക് എല്ലാം അനിഖ മറുപടിയും നൽകുന്നുണ്ട്.
ഇമോജികളിലൂടെ കമന്റുകൾക്ക് മറുപടി നൽകി കൊണ്ടാണ് അനിഖ തന്റെ സന്തോഷം പ്രകടിപ്പിക്കുന്നത്. കഥ തുടരുന്നു എന്ന ചിത്രത്തിലൂടെ ബാലതാരമായി എത്തിയ അനിഖ പിന്നീട് നിരവധി സൂപ്പർസ്റ്റാറുകളുടെ കൂടെ അഭിനയിച്ചു. അഞ്ചു സുന്ദരികളിലെ സേതുലക്ഷ്മിയിലൂടെ മികച്ച ബാലതാരത്തിനുള്ള അവാർഡും താരം കരസ്ഥമാക്കി. “യെന്നെ അറിന്താല്, വിശ്വാസം” എന്നീ സിനിമകളില് അജിത്തിന്റെ മകളായും വിശ്വാസത്തില് അജിത്തിന്റേയും നയന്താരയുടേയും മകളായും താരം എത്തി. ജോണി ജോണി യെസ് അപ്പയാണ് മലയാളത്തില് അവസാനമായി അഭിനയിച്ച ചിത്രം.