Saturday, July 24

കമൽഹാസൻ – ലോകേഷ് ചിത്രം വിക്രമിൽ ഫഹദിനൊപ്പം ആന്റണി വർഗീസും?

Pinterest LinkedIn Tumblr +

തിരഞ്ഞെടുപ്പ് തിരക്കുകളിൽ നിന്നും ഒഴിവ് കിട്ടിയതോടെ ഉലകനായകൻ കമൽ ഹാസൻ നായകനാകുന്ന പുതിയ ചിത്രമായ വിക്രം ഷൂട്ട് തുടങ്ങുമെന്ന പ്രതീക്ഷയിലാണ് ആരാധകർ. കൈതി, മാസ്റ്റർ തുടങ്ങിയ ചിത്രങ്ങൾ ഒരുക്കിയ ലോകേഷ് കനകരാജ് സംവിധാനം നിർവഹിക്കുന്ന ഈ ചിത്രം 1986ഇൽ പുറത്തിറങ്ങിയ വിക്രം എന്ന കമൽഹസൻ ചിത്രത്തിലെ നായക കഥാപാത്രത്തിന്റെ സ്പിൻ-ഓഫ് ആണെന്നാണ് റിപ്പോർട്ട്. രാജ് കമൽ ഇന്റർനാഷണലിന്റെ ബാനറിൽ കമൽ ഹാസൻ തന്നെയാണ് ചിത്രത്തിന്റെ നിർമാണം.

Fahad Faazil to play the antagonist in Kamal Haasan – Lokesh Kanakaraj movie Vikram

മലയാളികളുടെ പ്രിയ താരം ഫഹദ് ഫാസിൽ ചിത്രത്തിൽ അഭിനയിക്കുന്നുവെന്ന വാർത്ത പ്രേക്ഷകർക്ക് ഏറെ പ്രതീക്ഷ പകർന്നിരുന്നു. ഇപ്പോഴിതാ അങ്കമാലി ഡയറീസ്, സ്വാതന്ത്ര്യം അർദ്ധരാത്രിയിൽ, ജെല്ലിക്കെട്ട് തുടങ്ങിയ ചിത്രങ്ങളിലൂടെ മലയാളി പ്രേക്ഷകരുടെ മനം കവർന്ന ആന്റണി വർഗീസും ചിത്രത്തിന്റെ ഭാഗമാകുന്നുവെന്ന റിപ്പോർട്ടുകൾ പുറത്തു വരുന്നുണ്ട്. ലോകേഷ് കനകരാജ് ഒരുക്കിയ വിജയ് ചിത്രം മാസ്റ്ററിൽ ആന്റണി വർഗീസിനെ ഉൾപ്പെടുത്തിയിരുന്നെങ്കിലും അവസാനനിമിഷം ഒഴിവാക്കി ആ റോൾ അർജുൻ ദാസിന് നൽകുകയായിരുന്നു.

വിക്രത്തിൽ വിജയ് സേതുപതിയും അഭിനയിക്കുന്നുണ്ട് എന്ന റിപ്പോർട്ടുകളും പുറത്തു വരുന്നുണ്ട്. കാസ്റ്റിനെ കുറിച്ചുള്ള ഔദ്യോഗിക അറിയിപ്പിനായി കാത്തിരിക്കുകയാണ് ആരാധകർ. സത്യൻ സൂര്യനാണ് ചിത്രത്തിന്റെ ഛായാഗ്രഹണം നിർവഹിക്കുന്നത്. അനിരുദ്ധ് രവിചന്ദർ സംഗീത സംവിധാനം നിർവഹിക്കുന്നു.

teevandi enkile ennodu para
Loading...
Share.

About Author

Comments are closed.