Thursday, April 22

‘സീ യു സൂണി’നു ശേഷം കുഞ്ചാക്കോ ബോബന്‍ ചിത്രവുമായി മഹേഷ് നാരായണന്‍

Pinterest LinkedIn Tumblr +

സീ യു സൂണിനു ശേഷം കുഞ്ചാക്കോ ബോബന്‍ കേന്ദ്ര കഥാപാത്രമായി എത്തുന്ന അറിയിപ്പുമായി മഹേഷ് നാരായണന്‍. കുഞ്ചാക്കോ ബോബന്റേതായി 2021ല്‍ വരാനിരിക്കുന്ന പല സിനിമകളും ഈ വര്‍ഷം പ്രേക്ഷകര്‍ ഏറ്റവുമധികം കാത്തിരിക്കുന്ന പ്രൊജക്ടുകളാണ്.

ടേക്ക് ഓഫിന് ശേഷം മഹേഷ് നാരായണന്റെ സംവിധാനത്തില്‍ കുഞ്ചാക്കോ ബോബന്‍ അഭിനയിക്കുന്ന ചിത്രവുമാണ് ‘അറിയിപ്പ്’. ഷെബിന്‍ ബക്കറും മഹേഷ് നാരായണനുമൊപ്പം ചാക്കോച്ചനും നിര്‍മ്മാണ പങ്കാളിയാകുന്നു.

2021 ജൂണില്‍ ചിത്രീകരണം തുടങ്ങും. എറണാകുളമാണ് പ്രധാന ലൊക്കേഷന്‍. ഫഹദ് ഫാസിലിനെ നായകനാക്കി സജിമോന്‍ പ്രഭാകരന്‍ സംവിധാനം ചെയ്യുന്ന ‘മലയന്‍കുഞ്ഞ്’ എന്ന സിനിമയുടെ രചനയും ക്യാമറയും എഡിറ്റിംഗും മഹേഷ് നാരായണനാണ്. ഈ ചിത്രത്തിന് ശേഷം അറിയിപ്പ് പ്രീ പ്രൊഡക്ഷനിലേക്ക് കടക്കും. സീ യു സൂണിന് ശേഷം മഹേഷ് നാരായണന്‍ സംവിധാനം ചെയ്യുന്ന സിനിമയുമാണ് ‘അറിയിപ്പ്’. മേയ് റിലീസായ ‘മാലിക്ക്’ ആണ് മഹേഷ് നാരായണന്റെ അടുത്ത ചിത്രം.

മാര്‍ട്ടിന്‍ പ്രക്കാട്ടിന്റെ ‘നായാട്ട്’, അപ്പു ഭട്ടതിരിയുടെ ‘നിഴല്‍’, അഷ്റഫ് ഹംസ സംവിധാനം ചെയ്യുന്ന ഭീമന്റെ വഴി എന്നിവയാണ് കുഞ്ചാക്കോ ബോബന്റെതായി വരാനിരിക്കുന്ന മറ്റ് ചിത്രങ്ങള്‍.

teevandi enkile ennodu para
Loading...
Share.

About Author

Comments are closed.