സിനിമ മുഴുവന് ലഹരിയാണെന്ന് നിര്മ്മാതാക്കള് ആക്ഷേപിച്ചതില് അതൃപ്തി പ്രകടിപ്പിച്ച് ആഷിഖ് അബു. ലഹരിക്കടിമകളാണ് സിനിമാക്കാര് എന്ന് അടച്ചാക്ഷേപിക്കുന്നത് ശരിയായ രീതിയല്ലെന്നും താരം തുറന്നടിച്ചു.
ലഹരി ഉപയോഗിക്കുന്നുണ്ടെന്ന് മനസിലാക്കിയത് നിര്മ്മാതാക്കള് ഇടയ്ക്കിടെ കാരവന് പരിശോധിക്കുന്നത് കൊണ്ടായിരിക്കുമെന്നും തനിക്ക് അത്തരത്തിലൊരു അനുഭവം ഇത് വരെ ഉണ്ടായിട്ടില്ലെന്നും ആഷിഖ് അബു തുറന്ന് പറഞ്ഞു. ഇത്തരം ആക്ഷേപമുന്നയിച്ച നിര്മ്മാതാക്കള് ആദ്യ ചെയ്യേണ്ടത് ബന്ധപ്പെട്ട വിവരം പോലീസില് അറിയിക്കുക എന്നതാണ് അല്ലാതെ സിനിമ മേഖലയെ ഒന്നാകെ അടച്ചാക്ഷേപിക്കുകയല്ല വേണ്ടതെന്നും ആഷിക് അബു തുറന്നടിച്ചു.
സംഘടന നടന് ഷെയ്ന് നിഗത്തിന് സിനിമയില് വിലക്കേര്പ്പെടുത്തിയ നടപടി അംഗീകരിക്കാന് സാധിക്കില്ലെന്നും കരാര് ലംഘനം ഉണ്ടായാല് നേരിടാന് കോടതിയുണ്ടെന്നും അതിലൂടെ മുന്നോട്ട് പോകാനും കാരാര് ലംഘനം സിനിമയില് മാത്രമല്ലെന്നും അതിനെ നേരിടുന്നത് കോടതിയാണെന്നും ആഷിഖ് അബു പറഞ്ഞു. സിനിമയില് ഇത് ആദ്യ സംഭവമല്ലെന്നും അന്നൊന്നും ഇത്തരത്തില് വിലക്ക് ഏര്പ്പെടുത്തിയിട്ടില്ലെന്നും ബന്ധപ്പെട്ടവര് ഇരുന്ന് ചര്ച്ച ചെയ്ത് സംഭവം തീര്പ്പ് കല്പ്പിക്കേണ്ടതാണെന്നും അദ്ദേഹം പറഞ്ഞു. മാത്രമല്ലഷെയ്ന് മുടിവെട്ടിയ സംഭവം തികച്ചും അപക്വമായി പോയെന്നും താരം കുറ്റപ്പെടുത്തി.നിരവധി താരങ്ങള് ഷെയ്നെ അനുകൂലിച്ച് രംഗത്ത് എത്തിയിട്ടുണ്ട്. സംവിധായകന് ശ്രീകുമാരന് തമ്പി നടനും നിര്മ്മാതാവും സംഘട്ടനം ആവശ്യമില്ല തിരിച്ചറിവ് മതി എന്ന് ഓര്മപ്പെടുത്തി തന്റെ പ്രതികരണം അറിയിച്ചിരുന്നു.