മകളുടെ പിറന്നാള് ആഘോഷമാക്കി നടന് ആസിഫ് അലി. ആസിഫിന്റെ മകള് നാലു വയസുകാരി ഹയയുടെ പിറന്നാളാണ് താരം ഗംഭീരമാക്കിയത്. മകള്ക്കായി ഒരു വമ്പന് സര്പ്രൈസാണ് താരം ഒരുക്കിയത്. നാലു വയസ്സുകാരിയായ മധുരം ഒരുപാട് ഇഷ്ടമുള്ള ഹയക്ക് സ്വന്തമായൊരു ബേക്ക് ഹൗസാണ് ബര്ത്ത് ഡേ സമ്മാനമായി ആസിഫലി നല്കിയത്. കുടുംബത്തിലെ എല്ലാവരും ഹയയ്ക്കും ആദമിനും ഒപ്പം ബേക്ക് ഹൗസ് ജീവനക്കാരുടെ അതേ പോലുള്ള തൊപ്പിയും വസ്ത്രങ്ങളൊക്കെ ധരിച്ച് പിറന്നാള് ആഘോഷം ഗംഭീരം ആക്കി.
ജ്യൂസ് നിറച്ച കൈവണ്ടി ചേട്ടന് ആദമിനോട് ഒപ്പം ഹയ ഉന്തിത്തള്ളി ആര്ത്തു വിളിച്ചു കൊണ്ടാണ് ബേക്ക് ഹൗസ് ഉദ്ഘാടനം ചെയ്തത്. ആസിഫ് തന്നെയാണ് ചിത്രങ്ങളും വീഡിയോയും എല്ലാം സമൂഹമാധ്യമങ്ങളില് ഷെയര് ചെയ്തത്. 2017 ജൂണ് രണ്ടിനായിരുന്നു ആസിഫ് അലിയുടെ ഭാര്യ സമമസ്റീന് പെണ്കുട്ടിക്ക് ജന്മം നല്കിയത്. ആദം അലി, ഹയ തുടങ്ങിയവരാണ് ആസിഫ് അലിയുടെയും സമയുടെയും മക്കള്.