Thursday, April 22

ചെന്ന് കയറിയത് ജീവിതത്തില്‍ കിട്ടിയ ഏറ്റവും നല്ല സര്‍പ്രൈസിലേയ്ക്ക് !!! അശ്വതി ശ്രീകാന്ത്

Pinterest LinkedIn Tumblr +

അവതാരികയായും റേഡിയോ ജോക്കിയായും പ്രേക്ഷകരുടെ പ്രിയങ്കരിയായ ആയ താരമാണ് അശ്വതി ശ്രീകാന്ത് സോഷ്യല്‍ മീഡിയയില്‍ വളരെ സജീവമായ അശ്വതി തന്നെ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്.

തന്റെ ജീവിതത്തിലെ പ്രധാനപ്പെട്ട ഒരു ദിവസത്തെ സന്തോഷം ആണ് താരം ആരാധകര്‍ക്കായി പങ്കുവെച്ചിരിക്കുന്നത്. കഴിഞ്ഞ ദിവസമായിരുന്നു താരത്തിന്റെ പിറന്നാള്‍. ഡ്യൂട്ടി ദിവസം ആയതിനാല്‍ പിറന്നാള്‍ ആഘോഷിക്കാത്തതിന്റെ വിഷമത്തിലായിരുന്നു താനെന്നും പക്ഷേ ജീവിതത്തില്‍ തനിക്ക് ഏറ്റവും വലിയ സര്‍പ്രൈസ് ആയിരുന്നു കഴിഞ്ഞ ദിവസം ബന്ധുക്കള്‍ തന്നത് എന്നും താരം കൂട്ടിച്ചേര്‍ത്തു. സോഷ്യല്‍ മീഡിയയിലൂടെ ചടങ്ങിന്റെ വീഡിയോകളും ചിത്രങ്ങളും താരം പങ്കുവെച്ചിട്ടുണ്ട്. നിരവധി ആരാധകരാണ് താരത്തിന് പിറന്നാളാശംസകള്‍ അറിയിച്ചിരിക്കുന്നത്.പോസ്റ്റ് വളരെ ചുരുങ്ങിയ സമയം കൊണ്ടാണ് സോഷ്യല്‍ മീഡിയ വൈറലായത്.

കുറിപ്പ് വായിക്കാം:

പിറന്നാള്‍ ദിവസം ഷൂട്ട് ഉണ്ടെന്ന് അറിഞ്ഞപ്പോള്‍ മുതല്‍ സങ്കടത്തിലായിരുന്നു. എട്ടു മണിക്ക് തീരും എന്ന് വിചാരിച്ച ഷൂട്ട് നീണ്ട് നീണ്ട് പത്തു മണിയും കടന്നപ്പോള്‍ ഒരുമിച്ച് ഡിന്നര്‍ കഴിക്കാന്‍ കെട്ടിയോനും കൊച്ചും നോക്കിയിരിക്കുന്നതോര്‍ത്ത് ആകെപ്പാടെ വെപ്രാളം. പത്തരയ്ക്ക് ഷൂട്ട് തീര്‍ത്ത് മേക്കപ്പ് പോലും തുടക്കാന്‍ നില്‍ക്കാതെ മണീട് നിന്ന് കാക്കനാട് എത്തിയപ്പോള്‍ സമയം 11.05 ഫ്രണ്ടിന്റെ ഫ്‌ലാറ്റിലാണ്, അവിടെ കയറിയിട്ട് പോകാംന്ന് കെട്ടിയോന്‍. ഒരു കേക്ക് കട്ടിങ് ഉറപ്പിച്ച് ചെന്ന് കയറിയത് ജീവിതത്തില്‍ കിട്ടിയ ഏറ്റവും നല്ല സര്‍പ്രൈസിലേയ്ക്ക്… പാതി രാത്രി ദാ കാത്തു നില്‍ക്കുന്നു ഏറ്റവും പ്രിയപ്പെട്ടവര്‍. അതും പാലായിലെ വീട്ടിലാണെന്ന് അഞ്ചു മിനിറ്റ് മുന്‍പ് പറഞ്ഞ് ഫോണ്‍ വച്ച അമ്മ,
അച്ഛന്‍, അനിയന്‍, നാത്തൂന്‍, എന്റെ കുഞ്ഞാമി…പക്ഷേ ആ നേരത്ത് എന്‍ട്രി കൊണ്ട് ഏറ്റവും ഞെട്ടിച്ചത് മാത്തുവും ആനന്ദും ആയിരുന്നു.. (സമയം വല്ലാതെ വൈകിയത് കൊണ്ട് എത്താന്‍ പറ്റാതെ പോയ ദാമു ഉള്‍പ്പെടെ ഉള്ളവരുടെ ലിസ്റ്റ് വേറെ…)പ്രിയപ്പെട്ടവര്‍ ഇങ്ങനെ ചേര്‍ന്ന് നില്‍ക്കുമ്പോള്‍ ജീവിതത്തിന് എന്ത് ഭംഗിയാണ്…’കൂട്ട്’ എന്നതും ‘കുടുംബം’ എന്നതും എത്ര സുന്ദരമായ വാക്കുകളാണെന്ന് നിങ്ങളെന്നെ വീണ്ടും വീണ്ടും ഓര്‍മിപ്പിക്കുന്നതിന് ഞാന്‍ എന്ത് പകരം തന്നാലാണ് മതിയാവുക

teevandi enkile ennodu para
Loading...
Share.

About Author

Comments are closed.