ചെന്നൈ കോടമ്പാക്കത്ത് നിലകൊള്ളുന്ന തന്റെ രാഘവേന്ദ്ര കല്യാണമണ്ഡപത്തിന് ചെന്നൈ കോർപറേഷൻ ചുമത്തിയ ആറര ലക്ഷത്തിന്റെ നികുതി ഒഴിവാക്കി തരണമെന്ന് ആവശ്യപ്പെട്ട് സൂപ്പർസ്റ്റാർ രജനീകാന്ത് മദ്രാസ് ഹൈക്കോടതിയെ സമീപിച്ചിരുന്നു. കൊറോണ മൂലമുണ്ടായ ലോക്ക് ഡൗണിനെ തുടർന്ന് കഴിഞ്ഞ ആറുമാസമായി തന്റെ കല്യാണ മണ്ഡപം അടഞ്ഞു കിടക്കുവാണെന്നും യാതൊരു തരത്തിലുമുള്ള വരുമാനമില്ലെന്നും താരം പരാതിയിൽ പറയുന്നു. ഇത്തരം പരാതികളുമായി കോടതിയുടെ വിലപ്പെട്ട സമയം നഷ്ടപ്പെടുത്തരുതെന്നാണ് കേസ് വാദിച്ച താരത്തിന്റെ വക്കീലിനോട് ജഡ്ജി പറഞ്ഞത്. പ്രോപ്പർട്ടി ടാക്സിന് പ്രോപ്പർട്ടിയിൽ നിന്നുമുള്ള വരുമാനവുമായി യാതൊരു ബന്ധവുമില്ലെന്ന് ഓർമിപ്പിച്ച കോടതി ഇത്തരം കാര്യനഗൽ കോർപറേഷനുമായിട്ടാണ് സംസാരിക്കേണ്ടതെന്നും കൂട്ടിച്ചേർത്തു. കോടതിയിൽ നഷ്ടപരിഹാരം നൽകേണ്ടി വരുമെന്ന് ജഡ്ജി താക്കീത് നൽകിയതിനെ തുടർന്ന് കേസ് പിൻവലിക്കുകയും ചെയ്തിരിക്കുകയാണ്.
Author: webadmin
കോവിഡ് പടർന്ന് പിടിച്ചതോടെ ഒട്ടു മിക്കവരും വീടുകളിലേക്കും കൃഷിപ്പണികളിലേക്കും തിരിഞ്ഞിരിക്കുന്നത് നമ്മൾ ഇപ്പോൾ കാണുന്ന സ്ഥിരം കാഴ്ചകളിൽ ഒന്നാണ്. സെലിബ്രിറ്റികൾ അടക്കം കൃഷിപ്പണികൾ ചെയ്യുന്നതും ഇപ്പോൾ ശ്രദ്ധേയമായിരിക്കുകയാണ്. ആ ഒരു നിരയിലേക്ക് നടിയും അവതാരികയുമായ സുബി സുരേഷും എത്തിയിരിക്കുകയാണ്. ഈ കൊവിഡിനൊന്നും നമ്മളെ തോൽപ്പിക്കാനാവില്ല മാഷേ എന്നാണ് സുബി പറയുന്നത്. പാട്ടും മിമിക്രിയുമൊന്നുമില്ലെങ്കിലും ദേ ഇതുപോലെ മണ്ണിലിറങ്ങി നന്നായി കിളയ്ക്കും. പച്ചക്കറിയും കപ്പയും വാഴയും ചേനയും ചേമ്പുമൊക്ക് കൃഷിചെയ്ത് അന്തസായി ജീവിക്കും എന്നാണ് മിമിക്രി താരം കൂടിയായ സുബിയുടെ പക്ഷം. പറമ്പിൽ മൂത്തുപാകമായിനിന്ന ഞാലിപ്പൂവൻ വാഴക്കുല വെട്ടി തോളിൽവച്ച് നടക്കുമ്പോൾ മിമിക്രിതാരം സുബി സുരേഷിന് ഒരു പുരസ്കാരജേതാവിന്റെ ഭാവമാണ് കാണുവാൻ സാധിക്കുന്നത്.
മികച്ച സംവിധായകനുള്ള കേരള സംസ്ഥാന ചലച്ചിത്ര പുരസ്കാരം ലഭിച്ച ലിജോ ജോസ് പെല്ലിശ്ശേരിയെ കുറിച്ച് സംവിധായകൻ ആലപ്പി അഷറഫ് സോഷ്യൽ മീഡിയയിൽ പങ്ക് വെച്ച കുറിപ്പ് ശ്രദ്ധേയമാകുന്നു. കരിയറിന്റെ തുടക്കസമയത്തെ ലിജോ ജോസ് പെല്ലിശേരിയെ കുറിച്ചാണ് കുറിപ്പ്. ലിജോ ജോസ് പെല്ലിശ്ശേരി എന്ന സംവിധായകന് തികച്ചും അർഹതയ്ക്കുള്ള അംഗീകാരമാണ് സ്റ്റേറ്റ് അവാർഡ്. ഞാൻ സെൻസർ ബോർഡ് മെംബറായിരുന്നപ്പോൾ അദ്ദേഹത്തിൻ്റെ ‘നായകൻ’ എന്ന ആദ്യ ചിത്രം സെൻസർ ചെയ്തതിലൊരാളായിരുന്നു ഞാൻ. ഇരുത്തംവന്ന ഒരു സംവിധായകൻ്റെ മികവ് ആ ചിത്രത്തിൽ കൂടി എനിക്ക് കാണാൻ കഴിഞ്ഞു.. എന്നാൽ പടം ബോക്സോഫീസിൽ പരാജയമായിരുന്നു. ഇനിയൊരു ഫ്ലാഷ് ബാക്ക്.. നിർമ്മാതാവ് ഹസീബിൻ്റെ വീടിൻ്റെ പാലുകാച്ച് ..എർണാകുളത്ത്നിന്നു ഞാനും എത്തി. ആലപ്പുഴയിലെ സിനിമാക്കാർ എല്ലാവരുമുണ്ടയിരുന്നു. ഞാനും പ്രോഡക്ഷൻ കൺട്രോളർ കബീറുമായി ഭക്ഷണം കഴിച്ചു കൊണ്ടിരിക്കുമ്പോൾ എൻ്റെ പിന്നിൽ വന്ന് തട്ടി സംവിധായകൻ ഫാസിൽ പറഞ്ഞു . ” നീ തിരിച്ചു പോകുന്നവഴി വീട്ടിലൊന്നു കയറണേ” . ” ശരി…
ആക്ഷൻ ഹീറോ ബിജുവിലൂടെ മലയാളികൾക്ക് സുപരിചിതയായ ചലച്ചിത്ര താരം ജയശ്രീ ശിവദാസിന്റെ പുതിയ ലുക്ക് സോഷ്യൽ മീഡിയ കീഴടക്കുന്നു. മുടി ചുരുട്ടി കളർ ഒക്കെ കൊടുത്ത് തനി നാടൻ ലുക്കിൽ നിന്നും മോഡേൺ ലുക്കിലേക്ക് എത്തിയിരിക്കുകയാണ് പ്രിയ താരം. സെലിബ്രിറ്റി മേക്കപ്പ് ടീമായ സജിത്ത് & സുജിത്താണ് ഈ മേക്കോവറിന് പിന്നിലുള്ളത്. നെല്ലങ്കര ഐശ്വര്യ ഹൌസില് പി.ശിവദാസ്,എം. സ്വപ്ന ദമ്പതികളുടെ മൂത്ത മകളായ ജയശ്രീ ബ്ളസി സംവിധാനം ചെയ്ത ഭ്രമരം സിനിമയിലൂടെയാണ് അഭിനയ രംഗത്തേക്ക് എത്തിയത്. ഇരുപതോളം സിനിമകളിൽ ശ്രദ്ധേയമായ വേഷങ്ങളിൽ അഭിനയിച്ച ജയശ്രീ ശിവദാസ് ഡോ. ലൌ, പുള്ളിമാന്, ഭക്തജനങ്ങളുടെ ശ്രദ്ധയ്ക്ക്, വര്ഷം, ഇതുവഴി തിരിയുന്നിടം, ഇടുക്കി ഗോള്ഡ് എന്നീ ചിത്രങ്ങളിലെ ശ്രദ്ധേയമായ കഥാപാത്രങ്ങൾ കൂടാതെ 1948 കാലം പറഞ്ഞത്, നിത്യഹരിത നായകൻ എന്നീ സിനിമകളിൽ നായികയായും വേഷമിട്ടിട്ടുണ്ട്.
സന്തോഷവും സങ്കടവും തനിക്കുള്ളതെല്ലാം തന്റെ ഇണക്ക് പങ്ക് വെക്കുന്നതിലാണ് ഓരോ പ്രണയത്തിന്റെയും വിജയം നിറഞ്ഞു നിൽക്കുന്നത്. പരസ്പരം പൂർണമായി നൽകുന്ന ആ പ്രണയത്തിൽ ബാഹ്യശക്തികൾക്ക് ഒന്നും തന്നെ ചെയ്യുവാൻ സാധിക്കില്ല. ആ പ്രണയം ഓരോ ദിനം ചെല്ലുന്തോറും കൂടുതൽ ഉറച്ചതാകുന്നു.. മധുരതരമാകുന്നു..! അത്തരം പ്രണയ നിമിഷങ്ങൾ ഓർമകളിൽ സൂക്ഷിക്കുവാൻ കൊതിക്കുന്നവരാണ് നമ്മൾ ഓരോരുത്തരും. അങ്ങനെയുള്ള പ്രണയനിമിഷങ്ങൾ നിറഞ്ഞൊരു പോസ്റ്റ് വെഡിങ്ങ് ഷൂട്ടാണ് ഇപ്പോൾ ശ്രദ്ധേയമാകുന്നത്. അയന – വിവേക് ദമ്പതികളുടെ പോസ്റ്റ് വെഡിങ് ഫോട്ടോഷൂട്ട് ക്യാമറക്കണ്ണുകളിലൂടെ പകർത്തിയിരിക്കുന്നത് ഐവറി ടസ്ക് ഇവെന്റ്സാണ്. മനോഹരമായ ക്ലിക്കുകൾ എന്നാണ് ചിത്രങ്ങൾ കണ്ട ഓരോരുത്തരും പറയുന്നത്.
സഹോദരി ഷാഗുൺ, ബോയ്ഫ്രണ്ട് മതിയാസ് ബോ, കസിൻ സിസ്റ്റർ ഇവാനിയ പന്നു എന്നിവരോടൊപ്പം നടി തപ്സി പന്നു ഇപ്പോൾ മാലിദ്വീപിലാണ്. തിരക്കേറിയ ഷൂട്ടിംഗ് തിരക്കുകളിൽ നിന്നും മാറി താരം അവിടെ ഒഴിവു ദിനങ്ങൾ ആഘോഷിക്കുകയാണ്. അവിടെ നിന്നുമുള്ള ചിത്രങ്ങൾ താരം സോഷ്യൽ മീഡിയയിലൂടെ ആരാധകർക്കായി പങ്ക് വെക്കാറുമുണ്ട്. ഇപ്പോൾ താരം പങ്ക് വെച്ചിരിക്കുന്നത് രസകരമായ ഒരു ‘ബിഗിണി’ ഡാൻസ് ഷൂട്ടാണ്. രസകരമായ ഗാനത്തിന് അതിലും രസകരമായ ചുവടുകളുമായി സഹോദരിമാർ വീഡിയോ കിടിലനാക്കിയിട്ടുണ്ട്. വിജയ് സേതുപതി, യോഗി ബാബു എന്നിവരോടൊപ്പമുള്ള തമിഴ് ചിത്രം പൂർത്തിയാക്കിയ തപ്സിയുടെ അടുത്ത ചിത്രം അഹമ്മദ് സംവിധാനം നിർവഹിക്കുന്ന ജയം രവി ചിത്രം ‘ജന ഗണ മന’യാണ്.
മുൻ ഇന്ത്യൻ ക്രിക്കറ്റ് ടീം ക്യാപ്റ്റനും ഐ പി എല്ലിൽ ഇപ്പോൾ ചെന്നൈയുടെ നായകനുമായ ധോണിയോടും ചെന്നൈ ടീമിനോടുമുള്ള ആരാധന കാരണം ഫോട്ടോഷൂട്ടിലും ഒരു കളർഫുൾ കാഴ്ചകൾ ഒരുക്കിയിരിക്കുകയാണ് ജാക്സൺ, ജെനി ദമ്പതികൾ. ഇന്ത്യ മുഴുവൻ കോവിഡ് പ്രതിസന്ധിയിൽ ആണെങ്കിലും ഐ പി എൽ ആരവങ്ങൾക്ക് ഒട്ടും തന്നെ കുറവില്ല. അതിനിടയിലാണ് വേറിട്ട രീതിയിലുള്ള ഈ ഫോട്ടോഷൂട്ടുമായി ഇരുവരും എത്തിയിരിക്കുന്നത്. ഫോട്ടോഹബ് വെഡിങ് സിനിമാസാണ് ഈ വെറൈറ്റി ഫോട്ടോഷൂട്ടിന് ചുക്കാൻ പിടിച്ചിരിക്കുന്നത്.ഈ മാസം പത്തൊൻപതിനാണ് ഇരുവരുടെയും വിവാഹം നിശ്ചയിച്ചിരിക്കുന്നത്.
മലയാള സിനിമകളിലൂടെയും ടെലിവിഷൻ പരമ്പരകളിലൂടെയും മലയാളികൾക്ക് ഏറെ സുപരിചിതയായ നടിയാണ് മഞ്ജു പിള്ള. കോമഡി റോളുകൾക്കൊപ്പം തന്നെ ക്യാരക്ടർ റോളുകളിലൂടെയും പ്രേക്ഷകരെ അത്ഭുതപ്പെടുത്തിയിട്ടുള്ള മഞ്ജു പിള്ള മികച്ച സഹനടിക്കുള്ള കേരള സംസ്ഥാന ടെലിവിഷൻ പുരസ്കാരം തുടർച്ചയായ രണ്ടു വർഷങ്ങളിൽ നേടിയിട്ടുണ്ട്. മലയാളത്തിലെ പ്രശസ്ത കോമേഡിയൻ ആയിരുന്ന എസ് പി പിള്ളയുടെ കൊച്ചുമകളായ മഞ്ജു, ഛായാഗ്രാഹകനും സംവിധായകനുമായ സുജിത് വാസുദേവിന്റെ ഭാര്യ കൂടിയാണ്. ദയ സുജിത്താണ് മകൾ. ലോക്ക് ഡൗൺ സമയത്ത് ഫാം വിജയകരമായി നടത്തി ഏവർക്കും മാതൃകയാവുകയും ചെയ്ത മഞ്ജു പിള്ളയെ മഴവിൽ മനോരമയിലെ തട്ടീം മുട്ടീം എന്ന ജനപ്രിയ പരമ്പരയിലെ മോഹനവല്ലി എന്ന കഥാപാത്രത്തിലൂടെയാണ് പ്രേക്ഷകർക്ക് ഇപ്പോൾ ഏറെ പരിചയം. ഇപ്പോൾ പ്രേക്ഷകരെ ഞെട്ടിക്കുന്ന മേക്കോവറിൽ എത്തിയിരിക്കുന്ന മഞ്ജു പിള്ളയുടെ ഫോട്ടോസാണ് സോഷ്യൽ മീഡിയ കീഴടക്കുന്നത്. മഞ്ഞ ചുരിദാറിൽ സ്ലിം ലുക്കിൽ എത്തിയ മഞ്ജുവിനെ കണ്ട ആരാധകർ അമ്പരന്നിരിക്കുകയാണ്. ഇൻസ്റ്റാഗ്രാമിലാണ് താരം ഫോട്ടോസ് പങ്ക് വെച്ചത്.
നടി ഭാവനയെ കുറിച്ച് ഇടവേള ബാബു മോശമായി സംസാരിച്ചു എന്ന കാരണം പറഞ്ഞ് നടി പാർവതി അമ്മ സംഘടനയിൽ നിന്നും രാജി വെച്ചത് വൻ വിവാദങ്ങൾക്ക് കാരണമായിരിക്കുകയാണ്. ഇപ്പോഴിതാ താൻ നടത്തിയ പരാമർശം നടിയെ കുറിച്ചല്ലെന്നും കഥാപാത്രത്തെ കുറിച്ചാണെന്നും സൗത്ത്ലൈവിന് നൽകിയ അഭിമുഖത്തിൽ ഇടവേള ബാബു വ്യക്തമാക്കിയിരിക്കുകയാണ്. തന്റെ വാക്കുകൾ ആ ചാനൽ വളച്ചൊടിച്ചുവെന്നും ഇടവേള ബാബു ആരോപിക്കുന്നു. ഷാർപ്പായി ചോദിച്ച ചോദ്യത്തിന് അത്തരത്തിലുളള ഉത്തരം തന്നെയാണ് ഞാൻ പറഞ്ഞത്. അവർ എന്നോട് ട്വന്റ്റി ട്വന്റ്റി പോലെയുള്ള ഒരു പുതിയ സൂപ്പർ താര ചിത്രം വരുന്നതിനെ കുറിച്ചാണ് ചോദിച്ചത് അതിന് അനുസൃതമായ സിനിമാശൈലിയിലുളള ഉത്തരം തന്നെ നൽകുകയും ചെയ്തു. എന്റെ വാക്കുകൾ സത്യത്തിൽ വളച്ചൊടിക്കപ്പെടുകയായിരുന്നു. അല്ലാതെ ഒരു അഭിമുഖത്തിന് അവസരം വന്നപ്പോൾ ഇത് ഒരാൾക്ക് എതിരെ പറയാനുള്ള തക്കമാണല്ലോ എന്ന ചിന്തയുളള ആളൊന്നുമല്ല ഞാൻ. അഞ്ച് മണിക്കു ശേഷമാണ് ഇങ്ങനെ വളച്ചൊടിച്ച് പ്രചാരണം നടത്തിയത്. ഞാൻ അഭിമുഖം നൽകിയ റിപ്പോർട്ടർ ചാനൽ…
അമ്മയിൽ നിന്നും നടി പാർവതി രാജി വെച്ചതിന് പിന്നാലെ പ്രതികരണവുമായി സംവിധായകൻ ജോൺ ഡിറ്റോ. സഹപാഠി 1975 എന്ന 2016ൽ പുറത്തിറങ്ങിയ ചിത്രത്തിന്റെ സംവിധായകനാണ് ജോൺ ഡിറ്റോ. ഫേസ്ബുക്കിലാണ് പാർവതിക്ക് പ്രതികരണവുമായി ജോൺ ഡിറ്റോ കുറിപ്പ് പങ്ക് വെച്ചത്. പ്രിയപ്പെട്ട പാർവ്വതി, അമ്മയെന്ന സംഘടനയിൽ നിന്ന് രാജിവച്ചതായിഒരു പ്രഖ്യാപനം കണ്ടു. വളരെ നല്ല കാര്യം. പാർവ്വതിയെ ഞാൻ വളരെ നാളായി ശ്രദ്ധിക്കുന്നു; മുഖത്ത് വല്ലാത്ത ധാർമ്മികരോഷം തുളുമ്പുന്നുണ്ട്.. ആരോടൊക്കെയോ പ്രതികാരം ചെയ്യുന്നതുപോലാണ് പ്രതികരണങ്ങൾ. ഒരിക്കൽ കുഴൽ വച്ച് ഹുക്ക വലിച്ചു കൊണ്ട് അഭിമുഖം നൽകുന്നതും കണ്ടു. സിനിമയിൽ താനഭിനയിച്ച കഥാപാത്രങ്ങൾ വിട്ടുപോവാത്ത “മാറമ്പള്ളി മാനസികാവസ്ഥ” യാണോ ഇത് എന്നറിയില്ല.. അല്ലെങ്കിൽ പാവം ഇടവേള ബാബുവിന്റെ അഭിമുഖം കണ്ട് രോഷം കൊളളുമോ? 20 twenty പോലെ അമ്മ വീണ്ടും ഒരു സിനിമ പിടിക്കുന്നു. അതിൽ ഭാവനയുണ്ടാകുമോ എന്ന ചോദ്യത്തിന് “മരിച്ചു പോയവരേയും രാജിവച്ചു പോയവരേയും എങ്ങനെ വീണ്ടും അഭിനയിപ്പിക്കും ” എന്ന അസ്സൽ…