Author: webadmin

ഇന്ന് അറുപതാം ജന്മദിനം ആഘോഷിക്കുന്ന മലയാളികളുടെ പ്രിയ സൂപ്പർസ്റ്റാർ മോഹൻലാൽ ഈ ജന്മദിനം കേരള പോലീസിനായി സമർപ്പിച്ചിരിക്കുകയാണ്. അതിജീവനത്തിന്റെ ഈ സമയത്ത് നമ്മളെ രക്ഷിക്കുവാനായി ധൈര്യത്തോടും നിസ്വാർത്ഥമായും വിശ്രമമില്ലാതെ ജോലി ചെയ്യുന്ന എല്ലാ പോലീസ് ഉദ്യോഗസ്ഥർക്കും എന്റെ ഈ ജന്മദിനം ഞാൻ സമർപ്പിക്കുന്നു എന്നാണ് ലാലേട്ടൻ ട്വീറ്റ് ചെയ്‌തത്‌. പോലീസിനോടുള്ള നന്ദിസൂചകമായി ലാലേട്ടൻ അദ്ദേഹത്തിന്റെ വാട്ട്സാപ്പ് പ്രൊഫൈൽ ഫോട്ടോ കേരള പോലീസിന്റെ ലോഗോയാണ് കൊടുത്തിരിക്കുന്നത്. അതിന് കേരള പോലീസും അദ്ദേഹത്തിന് നന്ദി പറഞ്ഞു. #keralapolice pic.twitter.com/kmsS3YYqfw — Mohanlal (@Mohanlal) May 21, 2020 ലെഫ്റ്റനന്റ് കേണൽ മോഹൻലാൽ സാറിന് അദ്ദേഹത്തിന്റെ അറുപതാം ജന്മദിനത്തിൽ കേരള പോലീസ് എല്ലാ ആശംസകളും നേരുന്നു. കേരള പോലീസിന്റെ ലോഗോ അദ്ദേഹത്തിന്റെ വാട്ട്സാപ്പ് പ്രൊഫൈൽ ഫോട്ടോയാക്കി ഈ ദിവസത്തിൽ ഞങ്ങളെ ബഹുമാനിച്ചതിനും നന്ദി എന്നാണ് കേരള പോലീസ് ട്വീറ്റ് ചെയ്‌തത്‌. Kerala Police wishes Padma Bhusan Lt Col. Mohan Lal all the…

2018ൽ പുറത്തിറങ്ങിയ മോഹൻലാൽ എന്ന ചിത്രത്തിലെ ‘ലാലേട്ടാ.. ല ല ലാ’ എന്ന ഗാനം ഇന്നും പ്രേക്ഷകരുടെ പ്രിയപ്പെട്ട ഗാനങ്ങളിൽ ഒന്നാണ്. സാജിദ് യഹിയ സംവിധാനം നിർവഹിച്ച ചിത്രത്തിലെ ഈ ഗാനത്തിന് സംഗീതമൊരുക്കിയത് ടോണി ജോസഫ് പള്ളിവാതുക്കലും നിഹാൽ സാധിക്കുമാണ്. ഗാനത്തിന്റെ വരികൾ ഒരുക്കിയിരിക്കുന്നത് മനു മഞ്ജിതാണ്. ഇന്ദ്രജിത്ത് – പൂർണിമ ദമ്പതികളുടെ മകളായ പ്രാർത്ഥന ഇന്ദ്രജിത്താണ് ഗാനം ആലപിച്ചിരിക്കുന്നത്. മോഹൻലാലിൻറെ ജന്മദിനമായ ഇന്ന് ആ ഗാനം വീണ്ടും പ്രേക്ഷകർക്കിടയിൽ നിറയുകയാണ്. പ്രാർത്ഥന ആ ഗാനം ആലപിക്കുന്ന വീഡിയോയും പങ്ക് വെച്ചിരിക്കുകയാണ് പൂർണിമ.

ഒടിയനിലൂടെ പ്രേക്ഷകർക്ക് പരിചിതനായ സംവിധായകൻ വി ഏ ശ്രീകുമാർ. ലാലേട്ടനെ നായകനാക്കി എം ടി വാസുദേവൻ നായരുടെ തിരക്കഥയിൽ ശ്രീകുമാർ ഒരുക്കുന്ന രണ്ടാമൂഴം പ്രഖ്യാപിച്ചിരുന്നെങ്കിലും ആ സിനിമ ഇതുവരെയും എങ്ങും എത്തിയിട്ടില്ല. നിർമാതാക്കൾ മാറി മറിഞ്ഞും നിയമ നടപടികളിൽ പെട്ടും രണ്ടാമൂഴം അനിശ്ചിതത്വത്തിലാണ്. ഇന്ന് ലാലേട്ടന്റെ ജന്മദിനത്തിൽ ശ്രീകുമാർ മേനോൻ നടത്തിയിരിക്കുന്ന ആശംസ രണ്ടാമൂഴത്തിന്റെ സൂചനകൾ വിളിച്ചോതുന്നതാണ്. ‘എന്റെ ഭീമന്.. സഫലമാകുന്ന ആ സ്വപ്നത്തിന് പിറന്നാൾ ആശംസകൾ’ എന്നാണ് ശ്രീകുമാർ മേനോൻ കുറിച്ചത്. എന്നാൽ ഒടിയൻ പ്രതീക്ഷിച്ച വിജയം കൈവരിക്കുവാൻ സാധിക്കാതെ വന്നതിനാൽ തന്നെ ഒട്ടു മിക്ക ആരാധകരും രണ്ടാമൂഴം വേണ്ടായെന്ന നിലപാടിൽ തന്നെയാണ്. അത് കമന്റുകളിൽ നിന്നും വ്യക്തവുമാണ്.

മലയാള സിനിമ ലോകം അക്ഷരാർത്ഥത്തിൽ ഇന്നത്തെ ദിവസം ആഘോഷമാക്കിയിരിക്കുകയാണ്. സോഷ്യൽ മീഡിയ മുഴുവൻ പ്രേക്ഷകർ അവരുടെ പ്രിയ നായകനായ മോഹൻലാലിന് ജന്മദിനാശംസകൾ നേരുന്ന കാഴ്ച്ചയാണ് കാണുവാൻ സാധിക്കുന്നത്. മലയാളത്തിന്റെ അഭിമാനമായ ലാലേട്ടന് ജന്മദിനാശംസകളുമായി എത്തിയിരിക്കുകയാണ് ജനപ്രിയ നായകൻ ദിലീപും. ലാലേട്ടന് എല്ലാ വിധ ഐശ്വര്യവും ആയുരാരോഗ്യസൗഖ്യങ്ങളും നേരുന്ന ദിലീപിന്റെ വീഡിയോ ഇപ്പോൾ സോഷ്യൽ മീഡിയ നിറയുകയാണ്. ട്വന്റി 20, ക്രിസ്ത്യൻ ബ്രദേഴ്‌സ്, ചൈന ടൗൺ, വർണപ്പകിട്ട് തുടങ്ങിയ ചിത്രങ്ങളിൽ മോഹൻലാലും ദിലീപും ഒരുമിച്ചഭിനയിച്ചിട്ടുണ്ട്. മിമിക്രിയുടെ ലോകത്ത് നിന്നാണ് വന്നതെങ്കിലും മോഹൻലാൽ നായകനായ വിഷ്‌ണു ലോകത്തിന്റെ സഹസംവിധായകനായിട്ടാണ് ദിലീപ് സിനിമ ലോകത്ത് ആരംഭം കുറിച്ചത്.

മലയാളികളെ ഏറെ പൊട്ടിച്ചിരിപ്പിച്ചിട്ടുള്ള ഒരു കോംബോയാണ് മോഹൻലാൽ – മുകേഷ്. ഉരുളക്കുപ്പേരി പോലെ അങ്ങോട്ടും ഇങ്ങോട്ടും ഇരുവരും കൗണ്ടർ അടിച്ചു കയറിപ്പോഴെല്ലാം പൊട്ടിച്ചിരിച്ചിട്ടുള്ളത് മലയാളി പ്രേക്ഷകർ. ബോയിങ്ങ് ബോയിങ്ങ്, വന്ദനം, കാക്കക്കുയിൽ, അറബിയും ഒട്ടകവും പി മാധവൻ നായരും എന്നിങ്ങനെ പ്രേക്ഷകർ ഓർത്തോർത്തു ചിരിക്കുന്ന നിരവധി ചിത്രങ്ങൾ ഇരുവരും ഒരുമിച്ച് മനോഹരമാക്കിയിട്ടുണ്ട്. പ്രിയ സുഹൃത്ത് ലാലിൻറെ ജന്മദിനത്തിൽ പഴയൊരു രസകരമായ സംഭവം ഓർത്തെടുക്കുകയാണ് മുകേഷ്. പ്രിയദർശൻ – മോഹൻലാൽ – മുകേഷ് കൂട്ടുക്കെട്ടിലൊരുങ്ങിയ വന്ദനത്തിന്റെ ഷൂട്ടിംഗ് ബാംഗ്ലൂരിൽ നടക്കുന്ന സമയം. ചിലവ് കൂടുതൽ ആയതിനാൽ തന്നെ വളരെ വേഗത്തിലാണ് ഷൂട്ടിംഗ് തീർത്തു കൊണ്ടിരുന്നത്. എല്ലാ ദിവസവും വളരെയേറെ നേരം ഷൂട്ടിംഗ് നടക്കുമായിരുന്നു. അങ്ങനെ ഇരിക്കേ ഒരു ദിവസം വൈകിട്ട് 5 മണിക്ക് ഷൂട്ട് തീരുമെന്ന് പ്രിയദർശൻ പറഞ്ഞതിനെ തുടർന്ന് മോഹൻലാലും മുകേഷും അധികം ആരും ശ്രദ്ധിക്കാത്ത ഒരിടത്ത് പോയി ഭക്ഷണം കഴിക്കാം എന്ന് തീരുമാനിച്ചു. അങ്ങനെ ഒരു റെസ്റ്റോറന്റിൽ വിളിച്ചു ബുക്ക്…

മലയാള സിനിമക്ക് ഇന്ന് ശരിക്കും ഒരു ആഘോഷദിനം തന്നെയാണ്. കൊറോണഭീതിയുള്ളത് കൊണ്ട് മാത്രം ആ ആഘോഷം സോഷ്യൽ മീഡിയയിൽ മാത്രമായി ഒതുങ്ങി. മലയാളത്തിന്റെ താര ചക്രവർത്തിമാരിൽ ഒരാളായ ലാലേട്ടന്റെ അറുപതാം ജന്മദിനമാണിന്ന്. സെലിബ്രിറ്റികൾ എല്ലാവരും തന്നെ പ്രിയ നായകന് ആശംസകളുമായി എത്തിക്കഴിഞ്ഞു. അതിനിടയിലാണ് ജന്മദിനത്തിൽ ആദ്യമായി സംവിധാനം നിർവഹിക്കുവാൻ പോകുന്ന ബാരോസിന്റെ വിശേഷങ്ങൾ ലാലേട്ടൻ പങ്ക് വെച്ചത്. ദി ക്യൂവുമായിട്ടുള്ള ഓൺലൈൻ അഭിമുഖത്തിലാണ് ലാലേട്ടൻ മനസ്സ് തുറന്നത്. ചിത്രത്തിന് പിന്നിൽ പ്രവൃത്തിക്കുന്ന പലരും വിദേശ രാജ്യങ്ങളിൽ നിന്നുമുള്ളവരായതിനാൽ അവർ എത്താതെ ഒന്നും ചെയ്യുവാൻ കഴിയില്ല എന്ന് വ്യക്തമാക്കിയ അദ്ദേഹം അവർ എത്തിയാൽ തന്നെ അവർക്കുള്ള താമസസൗകര്യങ്ങളും അവരുടെ മാനസികനിലയും എല്ലാം കൈകാര്യം ചെയ്യേണ്ടതുണ്ട് എന്നും വ്യക്തമാക്കി. ഈ ലോക്ക്ഡൗൺ കാലഘട്ടത്തിൽ വളർന്ന ഈ താടിയേക്കാൾ നീളം ബറോസിൽ ഉണ്ടാകും എന്നും ലാലേട്ടൻ പറഞ്ഞു.

ആരാധകരിൽ നിന്നും താരങ്ങൾക്ക് മോശപ്പെട്ട പല അനുഭവങ്ങളും ഉണ്ടാകാറുണ്ട്. അത് മിക്കവാറും അമിതമായ ആരാധനയിൽ നിന്നും ഉളവായതും ആകാം. എന്നാൽ ആരാധനയോടൊപ്പം സ്വന്തം ജീവിതം തന്നെ മാറി മറിഞ്ഞ അനുഭവം പങ്ക് വെച്ചിരിക്കുകയാണ് മുരളി കുന്നുംപുറത്ത് എന്ന ആരാധകൻ. ഫേസ്ബുക്കിലൂടെയാണ് അദ്ദേഹം അനുഭവം പങ്ക് വെച്ചത്. ഫുൾ ടൈം മദ്യപിച്ച് ലക്കുകെട്ട് നടന്നൊരു കാലമുണ്ടായിരുന്നെനിക്ക്. അക്കാലത്ത് ഏറ്റവും ഇഷ്ടം മദ്യം കഴിഞ്ഞാൽ സിനിമയായിരുന്നു. എനിക്ക് സിനിമയെന്നാൽ… “ലാലേട്ടൻ”. മൂപ്പരുടെ പടം റിലീസിന്റെ അന്ന് തന്നെ കണ്ടില്ലെങ്കിൽ വല്ലാത്തൊരു പിടപ്പാണ് മനസ്സിൽ. അടിയുണ്ടാക്കിയെങ്കിലും ലാലേട്ടന്റെ പടം കൂട്ടുകാർക്കൊപ്പം ആദ്യഷോ തന്നെ കണ്ടിരിയ്ക്കും. പടം ഇഷ്മായാൽ പിന്നെയും പിന്നെയും കാണും. ഇഷ്ടമായില്ലെങ്കിൽ കുടിച്ച് കുടിച്ച് ആ ദിവസം തീർക്കും… സങ്കടം തീരുവോളം കരയും… ഒരിക്കൽ ഒരു സിനിമ കണ്ട് സങ്കടം മൂത്ത് ലാലേട്ടനെ വിളിക്കാൻ തോന്നി. ഒരുപാട് പണിപ്പെട്ട് അദ്ദേഹത്തിന്റെ അക്കാലത്തെ BPL ഫോൺ നമ്പർ സംഘടിപ്പിച്ചു. ഇന്കമിംഗിന് വരെ ചാർജ് ഈടാക്കുന്ന കാലം.…

മലയാള സിനിമയില്‍ നിരവധി ആരാധകരുള്ള താരമാണ് ഹണി റോസ. ബോയ്ഫ്രണ്ട് എന്ന ചിത്രത്തിലൂടെ അരങ്ങേറ്റം കുറിച്ച് മോഹന്‍ലാല്‍ നായകനായ ബിഗ്ബ്രദര്‍ വരെ താരത്തിനെ കരിയര്‍ ഏത്തിനില്‍ക്കുകയാണ്. മലയാള സിനിമയിലെ ഒരു മികച്ച ഗ്ലാമര്‍ താരമാണ് ഹണി റോസ്. സോഷ്യല്‍ മീഡിയയില്‍ വളരെ സജീവമായ താരത്തിന്റെ ചിത്രങ്ങളെല്ലാം ആരാധകര്‍ ഏറ്റെടുക്കാറുണ്ട്. ഒരു പുഴയരികിൽ നിൽക്കുന്ന ഹണിയുടെ ഫോട്ടോകളാണ് ഇപ്പോൾ ശ്രദ്ധ പിടിച്ചു പറ്റിയിരിക്കുന്നത്. ഏതാണ് ലൊക്കേഷൻ എന്നാണ് എല്ലാവരും ചോദിക്കുന്നത്. മൂലമറ്റത്തിന് അരികിലുള്ള കാഞ്ഞാറാണ് ലൊക്കേഷൻ എന്ന് കമന്റുകളിൽ നിന്നും വ്യക്തമാണ്. ബോൾഡായ കഥാപാത്രങ്ങളിലൂടെ പ്രേക്ഷകമനസ്സുകളിൽ ഇടം പിടിച്ച ഹണി റോസിന്റെ ഗ്ലാമറസ് ഫോട്ടോഷൂട്ടാണ് ഇപ്പോൾ സോഷ്യൽ മീഡിയ കീഴടക്കിയിരിക്കുന്നത്. വിനയൻ സംവിധാനം നിർവഹിച്ച ബോയ്‌ഫ്രണ്ടിലൂടെ അരങ്ങേറ്റം കുറിച്ച ഹണി റോസിന്റെ കരിയർ മാറ്റിമറിച്ചത് ട്രിവാൻഡ്രം ലോഡ്‌ജിലെ ധ്വനി നമ്പ്യാർ എന്ന കഥാപാത്രമാണ്. ഗ്ലാമറും ബോൾഡുമായ ആ കഥാപാത്രത്തിന് ശേഷം ഒട്ടനേകം മികച്ച കഥാപാത്രങ്ങൾ ഹണി റോസിന് ലഭിക്കുകയും ചെയ്‌തു. വൺ ബൈ…

കഴിഞ്ഞ നാലു പതിറ്റാണ്ടായി മലയാള സിനിമയുടെ താര രാജാക്കന്മാരിൽ ഒരുവനായി നിലകൊള്ളുന്ന മോഹൻലാൽ നാളെ തന്റെ അറുപതാം ജന്മദിനം ആഘോഷിക്കുകയാണ്. കൊറോണഭീതിയിൽ ലോകം മുഴുവൻ വീടുകളിലേക്ക് ഒതുങ്ങിയപ്പോൾ ഈ വർഷം ലാലേട്ടനും ജന്മദിനാഘോഷം വലിയ രീതിയിൽ ഉണ്ടാകുവാൻ സാധ്യതയില്ല. അതിനിടയിൽ മോഹൻലാലുമൊത്തുള്ള കൂടുതൽ നിമിഷങ്ങൾ ലഭിച്ച ലോക്ക്ഡൗൺ കാലഘട്ടത്തെ കുറിച്ച് ഭാര്യ സുചിത്ര മോഹൻലാൽ പറഞ്ഞ വാക്കുകൾ ശ്രദ്ധേയമാവുകയാണ്. “അദ്ദേഹത്തിന് ഇഷ്ടപ്പെട്ട ഭക്ഷണമൊരുക്കി ഞാന്‍ ഉറങ്ങാതെ കാത്തിരുന്ന ഒരുപാട് സമയങ്ങളുണ്ടായിട്ടുണ്ട്. തിരക്കേറിയ ഷൂട്ടിംഗ് തിരക്കുകള്‍ക്കിടയില്‍ അദ്ദേഹത്തിന് പലപ്പോഴും വീടെത്താന്‍ കഴിഞ്ഞിരുന്നില്ല. കഴിഞ്ഞ രണ്ടുമാസമായി, അദ്ദേഹമെനിക്ക് ഭക്ഷണം പാകം ചെയ്തു തരുന്നു. ഇടയ്ക്ക് യൂട്യൂബില്‍ കുക്കിംഗ് വീഡിയോകള്‍ കാണുന്നു, അദ്ദേഹത്തിന് അദ്ദേഹത്തിന്റെതായ ഒരു കുക്കിംഗ് സ്റ്റൈല്‍ ഉണ്ട്. എന്റെ സുഹൃത്തുക്കളെല്ലാം അവരുണ്ടാക്കിയ ഭക്ഷണത്തിന്റെ ചിത്രം വാട്സ്‌ആപ്പ് ഗ്രൂപ്പില്‍ പോസ്റ്റ് ചെയ്യുമ്ബോള്‍ ഞാന്‍ എന്റെ ഭര്‍ത്താവ് പാകം ചെയ്ത ഡിഷുകളുടെ ചിത്രം പോസ്റ്റ് ചെയ്യുന്നു. ഇതെല്ലാം ആസ്വദിക്കാന്‍ കഴിയുമെന്ന് ഞാനൊരിക്കലും കരുതിയിരുന്നില്ല. അച്ഛനെ ഇങ്ങനെ…

മാർച്ച്, ഏപ്രിൽ മാസങ്ങളിലായി തീയറ്ററുകളിൽ എത്തേണ്ടിയിരുന്ന മലയാള ചിത്രങ്ങളുടെയെല്ലാം റിലീസ് ലോക്ക്ഡൗൺ മൂലം നീട്ടി വെച്ചിരിക്കുകയാണ്. തീയറ്ററുകൾ തുറക്കുന്ന കാര്യത്തിൽ അനിശ്ചിതത്വം നിലനിൽക്കുന്നതിനാൽ തന്നെ പല നിർമാതാക്കളും ഡിജിറ്റൽ റിലീസിനായി തയ്യാറെടുക്കുകയാണ്. എന്നാൽ വമ്പൻ ചിത്രങ്ങൾ എല്ലാം തന്നെ തീയറ്ററുകളിൽ റിലീസ് ചെയ്യുമെന്നാണ് അറിയുവാൻ കഴിയുന്നത്. നിവിൻ പോളിയെ നായകനാക്കി രാജീവ് രവി ഒരുക്കുന്ന തുറമുഖത്തിന്റെ റിലീസിനെ കുറിച്ചും പ്രേക്ഷകർ ആകാംക്ഷയിലാണ്. ചിത്രത്തിന്റെ ഓൺലൈൻ റിലീസിനെ കുറിച്ച് സംവിധായകൻ രാജീവ് രവിയുടെ വാക്കുകൾ ഇങ്ങനെ… ഞങ്ങൾ ഇപ്പോൾ ചിത്രത്തിന്റെ പോസ്റ്റ് പ്രൊഡക്ഷൻ വർക്കുകൾ തീർക്കുവാനുള്ള ശ്രമത്തിലാണ്. വമ്പൻ ബഡ്‌ജറ്റിൽ ഒരുക്കിയിരിക്കുന്ന ഒരു ചിത്രമെന്നതിനാൽ തന്നെ തീയറ്ററുകളിൽ റിലീസ് ചെയ്യുവാനാണ് ഞങ്ങൾ ശ്രമിക്കുന്നതും. കോറോണഭീതിയിൽ നിൽക്കുന്ന ഈ ഒരു അവസരത്തിൽ ഒട്ടു മിക്കവരും തീയറ്ററുകളിലോ മൾട്ടിപ്ളെക്സുകളിലോ പോയി സിനിമ കാണുവാൻ ആഗ്രഹിക്കുന്നവരായിരിക്കില്ല. ഡിജിറ്റൽ റിലീസുകളിലേക്ക് ലോകം മാറുന്ന ഈ കാലത്ത് ഭാവിയിൽ എങ്ങനെയായിരിക്കും എന്ന് കൃത്യമായി പറയുവാനും സാധിക്കില്ല. കമ്മട്ടിപ്പാടം എന്ന ചിത്രത്തിനുശേഷം…