കല – സാംസ്കാരിക രംഗത്തെ പലരുടേയും യഥാർത്ഥ ജീവിതത്തെ തുറന്ന് കാണിച്ച റിയാലിറ്റി ഷോയാണ് ബിഗ് ബോസ്. മലയാളത്തിൽ മോഹൻലാൽ അവതാരകനായ ഈ റിയാലിറ്റി ഷോയുടെ ആദ്യ സീസൺ വമ്പൻ വിജയമായിരുന്നു. അതിലെ പ്രകടനം കൊണ്ട് പലരുടെയും ജീവിതം തന്നെ മാറി മറിഞ്ഞു. അത്തരത്തിൽ ജീവിതം മാറി മറിഞ്ഞ ഒരാളാണ് മോഡലും നടനുമായ ഷിയാസ് കരീം. ചുരുങ്ങിയ സമയം കൊണ്ടാണ് യുവാക്കളുടെ ഇടയിൽ ഷിയാസ് കരീം താരമായത്. ബിഗ് സ്ക്രീനിൽ നിന്നും നിരവധി ഓഫറുകളാണ് ഷിയാസിന് ഇപ്പോൾ ലഭിച്ചു കൊണ്ടിരിക്കുന്നത്. തന്റെ ജീവിതത്തിൽ സംഭവിച്ചിട്ടുള്ള ഏറ്റവും വലിയ കാര്യങ്ങളിൽ ഒന്നാണ് ബിഗ് ബോസ്സ് എന്ന് തുറന്നു പറഞ്ഞ ഷിയാസ് തന്നെ തിരിച്ചറിയാൻ ലഭിച്ച ഒരിടമാണ് ബിഗ് ബോസ്സെന്നും തുറന്നു പറഞ്ഞു. പുതിയ സീസണിലെ മത്സരാർത്ഥികളോട് അവരുടെ ഇമോഷൻസ് ഒരിക്കലും ഒളിപ്പിച്ചു വെക്കരുതെന്നാണ് അദ്ദേഹത്തിന്റെ ഉപദേശം. ദേഷ്യം വന്നാൽ ദേഷ്യപ്പെടുക, കരയാൻ തോന്നിയാൽ കരയുക. ഹൗസിലെ എല്ലാവരെയും സ്വന്തം കുടുംബാംഗങ്ങളെ പോലെ കരുതുക.…
Author: webadmin
മലയാള സിനിമയിലെ സുന്ദരനായ വില്ലൻ എന്ന പേരിന് തികച്ചും യോഗ്യനായ നടനാണ് ദേവൻ. നായകനായും വില്ലനായും സഹനടനായും മലയാള സിനിമയുടെ ഭാഗമായ ദേവന് അന്യഭാഷയിലും നിറസാന്നിദ്ധ്യമായിരുന്നു. മലയാളികളുടെ സ്വകാര്യ സ്വത്തായ മമ്മൂക്കയേയും ലാലേട്ടനേയും കുറിച്ച് മനസ്സ് തുറന്നിരിക്കുകയാണ് നടൻ ഇപ്പോൾ. ഒരു അഭിമുഖത്തിലാണ് അദ്ദേഹം മനസ്സ് തുറന്നത്. മോഹന്ലാലും മമ്മൂട്ടിയും ഇന്ത്യന് സിനിമയിലെ മഹാനടന്മാരാണ്. മിക്ക അന്യഭാഷ നടന്മാര്ക്കും പെര്ഫോമന്സിന്റെ കാര്യത്തില് ഒരു ലിമിറ്റ് ഉണ്ട്. എന്നാല് മോഹന്ലാല്, മമ്മൂട്ടി എന്നിവര് പ്രകടനം കൊണ്ട് നമ്മളെ ഞെട്ടിക്കുക മാത്രമല്ല നമ്മളെ കൂടി ഗംഭീര പ്രകടനം നടത്താന് പ്രചോദിപ്പിക്കുകയും ചെയ്യുന്ന നടന്മാരാണ്. മറ്റു ഭാഷകളില് ചെല്ലുമ്പോൾ അവിടുത്തെ വലിയ വലിയ സംവിധായകരും സാങ്കേതിക പ്രവര്ത്തകരും മോഹന്ലാല്, മമ്മൂട്ടി എന്നിവരുടെ വിസ്മയിപ്പിക്കുന്ന അഭിനയ പാടവത്തെ കുറിച്ച് സംസാരിക്കുമ്പോഴാണ് ഇവരുടെ വില നമുക്ക് കൂടുതല് ബോദ്ധ്യപ്പെടുന്നത്.
ഹാപ്പി വെഡിങ്, ചങ്ക്സ്, ഒരു അഡാർ ലൗ എന്നീ സൂപ്പർഹിറ്റുകൾക്ക് ശേഷം ഒമർലുലു സംവിധാനം ചെയ്യുന്ന ചിത്രമാണ് ധമാക്ക. ഒളിമ്പ്യന് അന്തോണി ആദം എന്ന ചിത്രത്തില് മോഹന്ലാലിനൊപ്പം ടോണി ഐസക് എന്ന കഥാപാത്രത്തെ മനോഹരമാക്കിയ അരുണാണ് ധമാക്കയില് നായകന്. നിക്കി ഗൽറാണി ആണ് നായിക. ഹരീഷ് കണാരൻ, ധർമജൻ ബോൾഗാട്ടി, തരികിട സാബു, ശ്രീജിത്ത് രവി എന്നിവർക്കൊപ്പം മുകേഷും ഊർവശിയും സുപ്രധാനമായ കഥാപാത്രങ്ങളെ അവതരിപ്പിക്കുന്നു.ഡിസംബർ 20ന് ചിത്രം തിയറ്ററുകളിലേക്ക് എത്തും എന്നായിരുന്നു നേരത്തെ അറിയിച്ചിരുന്നത്. എന്നാൽ ചിത്രത്തിന്റെ റിലീസ് ജനുവരിയിലേക്ക് നീട്ടിയിരിക്കുന്നതായി സംവിധായകൻ ഒമർ ലുലു തന്നെ വ്യക്തമാക്കിയിരിക്കുകയാണ്. ഫേസ്ബുക്കിലൂടെയാണ് സംവിധായകൻ ഇക്കാര്യം വെളിപ്പെടുത്തിയത്. “ധമാക്കയ്ക്ക് കളത്തിലിറങ്ങി കളിയ്ക്കാൻ കൂടുതൽ സമയം വേണ്ടിവരികയും ,ചേട്ടൻമാർ എല്ലാവരും കൂടി കളംനിറഞ്ഞ് കളിക്കാന് ഇറങ്ങുകയും ചെയ്തത് കൊണ്ട് ഈ അനിയൻ കുഞ്ഞിന്റെ ധമാക്ക കളി 20-20 ജനുവരിയിലേക്കു മാറ്റുന്നു .പുതിയ തിയ്യതി dec 14ന് ഇറങ്ങുന്ന Save the date സോംഗിൽ Announce ചെയ്യും.…
ഹൊറർ അഡൽറ്റ് ജോണറിൽ പെട്ട നിരവധി ചിത്രങ്ങളാണ് ഇപ്പോൾ പ്രേക്ഷകർക്ക് മുൻപിലേക്ക് എത്തിക്കൊണ്ടിരിക്കുന്നത്. ദ്വയാർത്ഥ പ്രയോഗങ്ങളുമായി ഇങ്ങനെയുള്ള നിരവധി ചിത്രങ്ങൾ പ്രേക്ഷകരെ ആകർഷിക്കുകയും ചെയ്യാറുണ്ട്. ആ കൂട്ടത്തിലേക്ക് ഇതാ പുതിയൊരു ചിത്രം കൂടി എത്തുന്നു. ലവ് ആക്ഷൻ ഡ്രാമ, പൂഴിക്കടകൻ എന്നീ ചിത്രങ്ങളിലൂടെ മലയാളികൾക്ക് ഏറെ സുപരിചിതയായ ധന്യ ബാലകൃഷ്ണൻ, കോമലീ പ്രസാദ്, സിദ്ദി ഇദ്നാനി, ത്രിദാ ചൗദരി എന്നീ നാല് നായികമാരെ പ്രധാന കഥാപാത്രങ്ങളാക്കി ബാലു സംവിധാനം ചെയ്യുന്ന ചിത്രമാണ് അനുകുന്നധി ഒക്കതി അയ്നഥി ഒക്കതി. സിനിമയുടെ തെലുങ്ക്, മലയാളം, കന്നഡ, തമിഴ് ട്രെയിലറുകൾ റിലീസ് ചെയ്തു. മലയാളത്തിൽ 4 ജി എന്നാണ് സിനിമയുടെ പേര്.
ശ്രീനിവാസൻ നായകനായി ശരത്തിന്റെ സംവിധാനത്തിൽ 2012 ഒക്ടോബർ 26-ന് പുറത്തിറങ്ങിയ മലയാളചലച്ചിത്രമാണ് പറുദീസ. തമ്പി ആന്റണി, ജഗതി ശ്രീകുമാർ, ശ്വേത മേനോൻ, ഇന്ദ്രൻസ്, ജയ‹ഷ്ണൻ, കൃഷ്ണ പ്രസാദ്, ടോം ജേക്കബ്, നന്ദു, ലക്ഷ്മി മേനോൻ അംബികാമോഹൻ, വിഷ്ണുപ്രിയ, തൊടുപുഴ വാസന്തി എന്നിവർ ഇതിലെ മറ്റു പ്രധാനകഥാപാത്രങ്ങളെ അവതരിപ്പിച്ചിരിക്കുന്നു. മേലുകാവിലും ഈരാറ്റുപേട്ടയിലുമാണ് ചിത്രീകരിച്ചിരിക്കുന്നത്. ഒ.എൻ.വി. കുറുപ്പ് രചിച്ച ഗാനങ്ങൾക്ക് ഔസേപ്പച്ചനും ഐസക് തോമസ് കൊട്ടുകപ്പള്ളിയുമാണ് സംഗീതം നൽകിയിരിക്കുന്നത്. കായൽ ഫിലിംസ് നിർമിച്ച ചിത്രം രമ്യാ മൂവിസ് വിതരണം ചെയ്തിരിക്കുന്നു. മതപുരോഹിതന്മാരുടെ എതിർപ്പിനെത്തുടർന്ന് ചിത്രത്തിന്റെ റിലീസിങ് വൈകിയിരുന്നു. ചിത്രത്തിന്റെ യൂട്യൂബിൽ ഉള്ള ഇംഗ്ലീഷ് വേർഷനാണ് ഇപ്പോൾ ഏറെ ശ്രദ്ധ പിടിച്ചുപറ്റിയിരിക്കുന്നത്. നദി തെക്കേക്ക് ആണ് സബ്ടൈറ്റിൽ ചെയ്തിരിക്കുന്നത്. ചിത്രം ഇതുവരെ കണ്ടത് അഞ്ച് ലക്ഷത്തിനു മുകളിൽ ആളുകളാണ്. പാരഡൈസ് എന്നാണ് സിനിമയുടെ ഇംഗ്ലിഷ് പതിപ്പിനു നൽകിയിരിക്കുന്ന പേര്. മികച്ച പ്രതികരണമാണ് ചിത്രത്തിനു ലഭിക്കുന്നതും. വിദേശികളാണ് ചിത്രം കണ്ട ശേഷം യുട്യൂബിൽ പ്രതികരണവുമായി എത്തുന്നത്. 2013-ലെ…
അഭിനേതാക്കളായ എസ് ബി ശ്രീകുമാറും സ്നേഹ ശ്രീകുമാറും വിവാഹിതരായി. മഴവിൽ മനോരമയിലെ ജനപ്രിയ പരമ്പര മറിമായത്തിലെ പ്രേക്ഷക ഹൃദയം കീഴടക്കിയ താരങ്ങളാണ് ഇരുവരും. ഇന്ന് തൃപ്പൂണിത്തുറയിൽ വെച്ചായിരുന്നു വിവാഹം. മറിമായത്തിൽ മണ്ഡോദരി എന്ന കഥാപാത്രത്തെയാണ് സ്നേഹ അവതരിപ്പിക്കുന്നത്. ലോലിതൻ എന്ന കഥാപാത്രമായാണ് ശ്രീകുമാർ തിളങ്ങിയത്. സമകാലിക വിഷയങ്ങൾ കൈകാര്യം ചെയ്യുന്ന മറിമായത്തിൽ ഹാസ്യാത്മകമായ അവതരണശൈലി കൊണ്ടാണ് ഇരുവരും പ്രേക്ഷക ശ്രദ്ധ നേടിയത്. ഓട്ടൻ തുള്ളലും കഥകളിയും അഭ്യസിച്ചിട്ടുള്ള സ്നേഹ അമച്വർ നാടകങ്ങളിലൂടെ ആണ് അഭിനയരംഗത്തെത്തുന്നത്. മറിമായത്തിലെ ശ്രദ്ധേയനായ ശ്രീകുമാർ നിരവധി സിനിമകളിലും ഭാഗമായിട്ടുണ്ട്. മെമ്മറീസ് എന്ന സിനിമയിലെ പ്രതിനായക വേഷം ശ്രദ്ധിക്കപ്പെട്ടിരുന്നു.
ജനപ്രിയനായകൻ ദിലീപും സംവിധായകൻ സുഗീതും ഒന്നിക്കുന്ന മൈ സാന്റായുടെ ട്രെയ്ലർ പുറത്തിറങ്ങി. ഓർഡിനറി, മധുരനാരങ്ങ, ശിക്കാരി ശംഭു തുടങ്ങിയ ചിത്രങ്ങൾ മലയാളിക്ക് സമ്മാനിച്ചിട്ടുള്ള സുഗീത് ദിലീപിനൊപ്പം ആദ്യമായി ഒന്നിക്കുന്ന ചിത്രമാണ് മൈ സാന്റാ. ഈ ക്രിസ്തുമസിന് തീയറ്ററുകളിൽ എത്താൻ ഒരുങ്ങുന്ന ചിത്രം ഒരു പക്കാ ഫീൽ ഗുഡ് ചിത്രം ആയിരിക്കുമെന്ന് ട്രെയ്ലർ ഉറപ്പ് തരുന്നുണ്ട്. വാൾ പോസ്റ്റർ എന്റർടൈൻമെൻസിന്റെ ബാനറിൽ നിഷാദ് കോയ, അജീഷ്, സാന്ദ്രാ മറിയം ജോസ്, സരിത സുഗീത് എന്നിവർ ചേർന്നു നിർമിക്കുന്ന മൈ സാന്റയുടെ രചന നിർവഹിക്കുന്നത് ജോമിൻ ജെ സിറിയക്കാണ്. https://youtu.be/BzsGuBDkEXg സിദ്ദിഖ്, സായ് കുമാർ, സുരാജ് വെഞ്ഞാറമൂട്, കലാഭവൻ ഷാജോൺ, ധർമജൻ ബോൾഗാട്ടി, ബാലതാരം മാനസി എന്നിവരാണ് ചിത്രത്തിലെ മറ്റു പ്രധാന താരങ്ങൾ. നീണ്ട ഇടവേളക്ക് ശേഷം വിദ്യാസാഗർ സംഗീതം നിർവഹിക്കുന്ന ചിത്രം കൂടെയാണ് മൈ സാന്റ.
മെഗാസ്റ്റാർ മമ്മൂക്കയുടെ ആരാധകർക്കും പ്രേക്ഷകർക്കും ഒരേ പോലെ ആഘോഷം ഉണർത്തുന്ന റിപ്പോർട്ടുകളാണ് ഇപ്പോൾ പുറത്ത് വന്നു കൊണ്ടിരിക്കുന്നത്. മമ്മൂക്ക നായകനായ ബ്രഹ്മാണ്ഡ ചിത്രം മാമാങ്കത്തിന്റെ റിലീസിനൊപ്പം തന്നെ മറ്റൊരു മമ്മൂക്ക ചിത്രമായ ഷൈലോക്കിന്റെ ടീസറും എത്തുമെന്നാണ് അറിയുവാൻ കഴിയുന്നത്. ഡിസംബർ 12നാണ് മാമാങ്കം തീയറ്ററുകളിൽ എത്തുന്നത്. മാമാങ്കത്തിനൊപ്പം തന്നെ തീയറ്ററുകളിൽ ഷൈലോക്കിന്റെ 1.27 മിനിറ്റ് ദൈർഘ്യമുള്ള ടീസറും പ്രദർശിപ്പിക്കും എന്നാണ് അറിയുവാൻ കഴിയുന്നത്. ഡിസംബർ 20ന് റിലീസ് ചെയ്യാനിരുന്ന ചിത്രമാണ് അജയ് വാസുദേവ് സംവിധാനം നിർവഹിക്കുന്ന ഷൈലോക്ക്. എന്നാൽ മാമാങ്കത്തിന്റെ റിലീസ് തീയതിയിൽ മാറ്റം വന്നതോടെ ഷൈലോക്ക് നീട്ടുകയായിരുന്നു. ജനുവരി 23നാണ് ചിത്രമെത്തുക. ബിബിൻ മോഹനും അനീഷ് ഹമീദും തിരക്കഥയൊരുക്കുന്ന ഷൈലോക്ക് പക്കാ മാസ്സ് എന്റർടൈനറായിട്ടാണ് എത്തുന്നത്. തമിഴ് – മലയാളം ഭാഷകളിൽ ഒരേ സമയം ഒരുങ്ങുന്ന ചിത്രത്തിന് തമിഴിൽ കുസേലൻ എന്നാണ് പേര്. തമിഴ് സീനിയർ താരം രാജ് കിരൺ ചിത്രത്തിലൂടെ മലയാളത്തിൽ അരങ്ങേറ്റം കുറിക്കുന്നു. ഗുഡ്വിൽ എന്റർടൈന്മെന്റിന്റെ ബാനറിൽ…
തലൈവർ രജനികാന്തിനെ നായകനാക്കി എ ആർ മുരുഗദോസ് ഒരുക്കുന്ന ദർബാറിന്റെ ഓഡിയോ ലോഞ്ചിൽ വെച്ച് നടനും സംവിധായകനും ഡാൻസറുമായ രാഘവ ലോറൻസ് നടത്തിയ പരാമർശം വൻ വിവാദത്തിനാണ് തിരി കൊളുത്തിയത്. ചെറുപ്പത്തിൽ തലൈവർ ആരാധകൻ ആയിരുന്നതിനാൽ കമൽഹാസന്റെ പോസ്റ്ററുകളിൽ ചാണകം വാരി എറിയുമായിരുന്നു എന്നാണ് ലോറൻസ് പറഞ്ഞത്. എന്നാൽ താൻ പറഞ്ഞത് മുഴുവൻ കേൾക്കാതെ വളച്ചൊടിക്കുകയാണ് എല്ലാവരും ചെയ്തതെന്ന ന്യായീകരണവുമായി എത്തിയിരിക്കുകയാണ് താരം ഇപ്പോൾ. ദർബാർ ഓഡിയോ ലോഞ്ചിലെ എന്റെ പ്രസംഗത്തിന് ശേഷം നിരവധി പോസ്റ്റുകളിൽ ഞാൻ കമൽ സാറിന്റെ പോസ്റ്ററുകളിൽ ചാണകം വാരിയെറിയും എന്നുള്ളത് മാത്രം ഹൈലൈറ്റ് ചെയ്തിരിക്കുന്നത് കണ്ടു. ദയവായി വീഡിയോ മുഴുവൻ കാണുക. അതിൽ ഞാൻ അറിവില്ലായ്മ കൊണ്ടാണ് അങ്ങനെ ചെയ്തത് എന്നു പറയുന്നുണ്ട്. അതോടൊപ്പം തന്നെ ഇന്ന് ഇരുവരും കൈയ്യോട് കൈ ചേർത്ത് സുഹൃത്തുക്കളായി നടക്കുന്നത് കാണുമ്പോൾ ഞാൻ വളരെ സന്തോഷവാനാണ് എന്നും പറഞ്ഞിട്ടുണ്ട്. കമൽ സാറിനോട് എനിക്ക് എന്നും വലിയ ബഹുമാനമാണ് ഉള്ളത്. ആരോടെങ്കിലും…
മോഹൻലാൽ ചിത്രം ദൃശ്യത്തിലൂടെ പ്രേക്ഷകരുടെ മനസ്സിൽ ഇടം പിടിച്ച ബാലതാരം എസ്ഥേർ അനിൽ ഇന്ന് നായികാ പദവിയിലേക്കുള്ള മുന്നേറ്റത്തിലാണ്. അതിനൊപ്പം തന്നെ മോഡലിംഗിലും തന്റെ സാന്നിദ്ധ്യം തെളിയിച്ചിട്ടുണ്ട് ഈ നടി. ഇപ്പോൾ സോഷ്യൽ മീഡിയയിൽ നിറഞ്ഞു നിൽക്കുന്നത് മഞ്ഞ സാരിയിൽ കൂടുതൽ സുന്ദരിയായ എസ്ഥേറിന്റെ ചിത്രങ്ങളാണ്. ഇൻസ്റ്റാഗ്രാമിലാണ് നടി ചിത്രങ്ങൾ പങ്ക് വെച്ചിരിക്കുന്നത്.