Author: webadmin

ബാഹുബലി എന്ന ഒറ്റ ചിത്രത്തിലൂടെ വലിയൊരു ആരാധക വൃതത്തെ ഉണ്ടാക്കിയെടുത്ത താരമാണ് റാണ ദഗുബാട്ടി. ആരോഗ്യത്തെ സംബന്ധിച്ച് തെലുങ്ക് സിനിമാലോകത്ത് അഭ്യൂഹങ്ങള്‍ പ്രചരിച്ചിരുന്നു. വൃക്ക രോഗത്തിന് ചികിത്സ നേടി റാണ അമേരിക്കയിലേയ്ക്കു തിരിച്ചെന്നും അമ്മ സ്വന്തം വൃക്ക ദാനം ചെയ്തെന്നും മാധ്യമങ്ങൾ റിപ്പോർട്ട് ചെയ്തിരുന്നു. ഔദ്യോഗികമായ സ്ഥിരീകരണങ്ങളൊന്നും ഇതുവരെ പുറത്ത് വന്നിട്ടില്ല. കഴിഞ്ഞ ഒരു വർഷമായി കിഡ്നി സംബന്ധമായ അസുഖവുമായി ബന്ധപ്പെട്ട് റാണ ഹൈദരാബാദിലും മുംബയിലുമായി ചികിത്സയിലായിരുന്നു. അവിടെ നടത്തിയ ചികിത്സയില്‍ കാര്യമായ ഫലമുണ്ടാകാത്തതിനെ തുടർന്നാണ് അമേരിക്കയിലേയ്ക്കു പോകാൻ തീരുമാനിച്ചത്. മകന് വൃക്ക ദാനം ചെയ്യാൻ അമ്മ സമ്മതം അറിയിച്ചിട്ടുണ്ടെങ്കിലും കൂടുതൽ പരിശോധനകൾക്കു ശേഷമേ കിഡ്നി മാറ്റിവയ്ക്കുന്നതുപോലുള്ള കാര്യങ്ങളില്‍ തീരുമാനാകൂ.

Read More

വിനയൻ സംവിധാനം ചെയ്യുന്ന പുതിയ ചിത്രമാണ് ആകാശഗംഗ 2. ശ്രീനാഥ് ഭാസി, വിഷ്ണു വിനയ്, വിഷ്ണു ഗോവിന്ദ്, സലിം കുമാര്‍, ഹരീഷ് കണാരന്‍, ധര്‍മ്മജന്‍ ബോള്‍ഗാട്ടി, രാജാമണി, ഹരീഷ് പേരടി, സുനില്‍ സുഗത, ഇടവേള ബാബു, റിയാസ്, സാജു കൊടിയന്‍, നസീര്‍ സംക്രാന്തി, രമ്യ കൃഷ്ണന്‍, പ്രവീണ, പുതുമുഖം ആരതി, തെസ്നി ഖാന്‍, വത്സലാ മേനോന്‍, ശരണ്യ, കനകലത, നിഹാരിക എന്നിവരാണ് ആകാശഗംഗ 2-വിലെ അഭിനേതാക്കള്‍. പ്രകാശ് കുട്ടി ക്യാമറയും, ബിജിബാല്‍ സംഗീതവും ഹരിനാരായണനും രമേശന്‍ നായരും ചേര്‍ന്ന് ഗാനരചനയും നിര്‍വ്വഹിക്കുന്നു. പുതുമഴയായി വന്നു എന്ന ആകാശഗംഗയിലെ പാട്ട് ബേര്‍ണി ഇഗ്നേഷ്യസ് തന്നെ റീമിക്സ് ചെയ്യുന്നു. റോഷന്‍ NG ആണ് മേക്കപ്പ്. ബോബന്‍ കലയും സമീറ സനീഷ് വസ്ത്രാലങ്കാരവും അഭിലാഷ് എഡിറ്റിംഗും നിര്‍വ്വഹിക്കുന്നു. ഡോള്‍ബി അറ്റ്മോസില്‍ ശബ്ദലേഖനം ചെയ്യപ്പെടുന്ന ഈ ചിത്രത്തിന്റെ സൗണ്ട് മിക്സിംഗ് ചെയ്യുന്നത് തപസ് നായ്ക് ആണ്. ബാദുഷയാണ് പ്രൊഡക്ഷന്‍ കണ്‍ട്രോളര്‍. ഡിസൈന്‍സ് ഓള്‍ഡ്മങ്ക്സ്.ചിത്രത്തിന്റെ ടീസർ കാണാം

Read More

കലാഭവൻ ഷാജോൺ ആദ്യമായി സംവിധായകൻ ആകുന്ന ചിത്രമാണ് ബ്രദേഴ്‌സ് ഡേ.യുവ സുപ്പർ താരം പൃഥ്വിരാജ് ആണ് ചിത്രത്തിലെ നായകൻ.മാജിക്ക് ഫ്രയിംസിന്റെ ബാനറിൽ ലിസ്റ്റിൻ സ്റ്റീഫനാണ് ചിത്രം നിർമിക്കുന്നത്.ചിത്രത്തിന്റെ കഥയും തിരക്കഥയും ഒരുക്കുന്നതും ഷാജോൺ തന്നെയാണ്.ഒരു ഔട്ട് ആൻഡ് ഔട്ട് മാസ്സ് കോമഡി എന്റർടൈനർ ആയിട്ടാണ് ബ്രദേഴ്‌സ് ഡേ അണിയിച്ചൊരുക്കുന്നത്.ചിത്രത്തിന്റെ ടീസർ ഇപ്പോൾ പുറത്ത് വിട്ടിരിക്കുകയാണ് അണിയറ പ്രവർത്തകർ.

Read More

ഫെയ്സ് ആപ്പ് ഇപ്പോൾ സിനിമാ താരങ്ങൾക്കിടയിൽ ഒരു തരംഗം ആയിരിക്കുകയാണ്. ധര്‍മ്മജന്‍ ബോള്‍ഗാട്ടി പങ്കുവെച്ച ഒരു ചിത്രം ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. മമ്മൂക്കയും രമേശ് പിഷാരടിയും ഒപ്പം ധർമ്മജനും നിൽക്കുന്ന ഗാനഗന്ധർവ്വന്റെ ലൊക്കേഷൻ ചിത്രമാണിത്. ചിത്രം പങ്കുവെച്ച ഉടൻ പിഷാരടിക്കും ധര്‍മ്മജനും നടുവിലായി നില്‍ക്കുന്ന മമ്മൂട്ടിയുടെ ലുക്കിനെക്കുറിച്ചുള്ള ചര്‍ച്ചകളും തുടങ്ങിയിട്ടുണ്ട്. മരുമകനെ പെണ്ണ് കാണിക്കുവാൻ കൊണ്ടുപോകുന്ന അമ്മാവൻ മാരെ പോലെ ഉണ്ട് ഈ ചിത്രം എന്നാണ് ആരാധകരുടെ കമന്റുകൾ. ചിത്രത്തിനൊപ്പം ” മമ്മുക്കയെ തോൽപിക്കാൻ പറ്റിയില്ല …മമ്മുക്ക തോൽക്കില്ല മക്കളെ ” എന്നു കുറിച്ചുകൊണ്ടാണ് ധർമ്മജൻ ഇത് പങ്കുവെച്ചിരിക്കുന്നത്.

Read More

സൂപ്പർഹിറ്റ് ചിത്രങ്ങളുടെ അമരക്കാരൻ ജോഷി ഒരുക്കുന്ന പൊറിഞ്ചു മറിയം ജോസ് ആഗസ്റ്റ് 15 സ്വാതന്ത്യ ദിനത്തിൽ റിലീസിന് തയ്യാറെടുക്കുന്നു. ഡേവിഡ് കാച്ചപ്പിള്ളി പ്രൊഡക്ഷൻസ് അവതരിപ്പിച്ച്‌ കീർത്തന മൂവീസും അപ്പു പാത്തു പപ്പു പ്രൊഡക്ഷനും ചേർന്ന് നിർമ്മിച്ച പൊറിഞ്ചുമറിയംജോസ് ചാന്ത് വി ക്രീയേഷൻസാണ് തീയറ്ററുകളിൽ എത്തിക്കുന്നത്. വലിയൊരു ഇടവേളക്ക് ശേഷം ജോഷി സംവിധാനം ചെയ്യുന്ന ചിത്രത്തിൽ ജോജു ജോർജ്, ചെമ്പൻ വിനോദ്, നൈല ഉഷ എന്നിവർ പ്രധാന കഥാപാത്രങ്ങളായി എത്തുന്നു. റെജിമോൻ നിർമ്മിക്കുന്ന ഈ ചിത്രത്തിന്റെ കഥയും തിരക്കഥയും എഴുതിയിരിക്കുന്നത് അഭിലാഷ് എന്‍ ചന്ദ്രന്‍ ആണ്. അജയ് ഡേവിഡ് കാച്ചപ്പിള്ളി കാമറ ചെയ്യുന്ന ഈ ചിത്രത്തിന് സംഗീതം ഒരുക്കുന്നത് ജേക്‌സ് ബിജോയും. ചിത്രം എഡിറ്റ് ചെയ്യുന്നത് ശ്യാം ശശിധരനും ആണ്. ചിത്രത്തിന്റെ ആക്ഷൻ സീക്വൻസുകൾ ഒരുക്കിയിരിക്കുന്നത് രാജശേഖറും, സുപ്രീം സുന്ദറുമാണ്. ചിത്രത്തിന്റെ കൊറിയോഗ്രാഫി പ്രസന്ന സുജിത്തുമാണ്.

Read More

പൃഥ്വിരാജ് ആദ്യമായി സംവിധാനം ചെയ്ത ലൂസിഫർ വലിയ വിജയത്തിന്റെ നെറുകയിലാണ്‌ ഇപ്പോൾ. ചിത്രം 200 കോടി കളക്ഷൻ നേടി ഇപ്പോഴും തിയേറ്ററുകളിൽ പ്രദർശനം തുടരുകയാണ്.ചിത്രം ആമസോൺ പ്രൈമിൽ റിലീസ് ചെയ്തപ്പോളും വലിയ രീതിയിലുള്ള പ്രേക്ഷക പങ്കാളിത്തം ലഭിക്കുകയുണ്ടായി.ചിത്രത്തിന്റെ രണ്ടാം ഭാഗമായ എമ്പുരാൻ കഴിഞ്ഞ മാസം പ്രഖ്യാപിക്കുകയുണ്ടായി. ഇപ്പോൾ ലൂസിഫറിലെ ഒരു ലൊക്കേഷൻ സ്റ്റിൽ പങ്കു വച്ചിരിക്കുകയാണ് ചിത്രത്തിൻറെ തിരക്കഥാകൃത്ത് മുരളി ഗോപി .ചിത്രത്തിൽ മോഹൻലാൽ അവതരിപ്പിച്ച സ്റ്റീഫൻ നെടുമ്പള്ളി എന്ന കഥാപാത്രവും മഞ്ജു വാര്യർ അവതരിപ്പിച്ച പ്രിയദർശിനി രാംദാസ് എന്ന കഥാപാത്രവും കൂടിക്കാഴ്ച നടത്തുന്ന പള്ളിയുടെ ചിത്രമാണ് മുരളിഗോപി ഇൻസ്റ്റഗ്രാമിൽ പങ്കുവെച്ചത്.”സ്റ്റീഫന്റെ രഹസ്യം ഉറങ്ങുന്ന “മഴയും കാറ്റും എടുത്ത” പള്ളി. എഴുതുമ്പോൾ മനസ്സിൽ കണ്ടതെന്തോ, അത് അതുപോലെ ഒരുക്കിത്തന്ന ഒരിടം. 🙏🏽”എന്നാണ് മുരളി ഗോപി ചിത്രത്തിന് ക്യാപ്‌ഷൻ നൽകിയിരിക്കുന്നത്.പൃഥ്വിരാജും ചിത്രം പങ്കു വെച്ചിട്ടുണ്ട്.

Read More

മലയാളികളുടെ മനസ്സ് കീഴടക്കിയ ഒരു ചിത്രമായിരുന്നു കുമ്പളങ്ങി നൈറ്റ്സ്. ക്യാമറയില്‍ പകര്‍ത്താന്‍ കഴിയാത്ത വിഷ്വലുകള്‍ വി.എഫ്.എക്‌സിന്റെ സഹായത്തോടെ പൂര്‍ത്തിയാക്കുന്നത് ഇന്നു സർവ്വസാധാരണമാണ്. എന്നാല്‍ കുമ്പളങ്ങി നൈറ്റ്‌സില്‍ ഇത്രയേറെ ഗ്രാഫിക്‌സ് ഉപയോഗിച്ചിട്ടുണ്ടാകുമെന്ന് വി.എഫ്.എക്‌സ് ബ്രേക്ക് ഡൗണ്‍ പുറത്തായപ്പോഴാണ് പ്രേക്ഷകന് മനസ്സിലായത്. കാരണം അത്രയേറെ കിടിലൻ വർക്കാണ് ചിത്രത്തിൽ ചെയ്തിരിക്കുന്നത്. കുമ്പളങ്ങിയുടെ വി.എഫ്.എക്‌സ് ഡിപാര്‍ട്ട്‌മെന്റ് കൈകാര്യം ചെയ്തിരിക്കുന്നത് മൈന്‍ഡ്സ്റ്റീന്‍ സ്റ്റുഡിയോസാണ്. കടലില്‍ കവര കയറുന്നതു മുതല്‍ ഷമ്മി ചുറ്റിക എറിയുന്നതു വരെ വളരെ പെര്‍ഫക്ടായി ഗ്രാഫിക്‌സിന്റെ സഹായത്തോടെയാണ് ചിത്രത്തിൽ കാണിച്ചിരിക്കുന്നത്. ഫഹദ് ഫാസിലും, ദിലീഷ് പോത്തനും ചേർന്ന് നിർമ്മിച്ച ഈ ചിത്രം സംവിധാനം ചെയ്തിരിക്കുന്നത് മധു സി നാരായണനാണ്. ശ്യാം പുഷ്കരന്റെ തിരക്കഥയും ഷൈജു ഖാലിദിന്റെ ചായാഗ്രഹണവും സുഷിൻ ശ്യാമിന്റെ സംഗീതവും ചിത്രത്തെ ഏറെ ശ്രദ്ധേയമാക്കി.

Read More

2012-ല്‍ മോഹന്‍ലാലിന്റെ വസതിയില്‍ നിന്നും ആദായ വകുപ്പ് നടത്തിയ പരിശോധനയിൽ ആനക്കൊമ്പുകള്‍ കണ്ടെത്തിയിരുന്നു. 2016-ല്‍ ആനക്കൊമ്പുകളുടെ ഉടമസ്ഥാവകാശം ലാലിന് നൽകിയെങ്കിലും അത് പരാതിക്ക് ഇടയാക്കി. നിയമവിരുദ്ധമായി ആനക്കൊമ്പ് സൂക്ഷിച്ചിട്ടില്ലെന്നും പരമ്പരാഗതമായി കൈമാറി ലഭിച്ചതാണെന്നുമായിരുന്നു മോഹന്‍ലാലിന്റെ വാദം. എന്നാൽ ഇപ്പോൾ ആനക്കൊമ്പ് അനധികൃതമായി കൈവശം സൂക്ഷിച്ചുവെന്ന കേസില്‍ മോഹന്‍ലാലിന് പിന്തുണയുമായി വനം വകുപ്പ് എത്തിയിരിക്കുകയാണ്. മോഹന്‍ലാലിന്റെ ആ വാദം ശരിയാണെന്നും ഫോറസ്റ്റ് ചീഫ് പ്രിന്‍സിപ്പല്‍ കണ്‍സര്‍വേറ്റര്‍ അറിയിച്ചു. കേസില്‍ അന്വേഷണം ഊര്‍ജ്ജിതമാക്കണമെന്ന് ആവശ്യപ്പെട്ടുള്ള ഹർജിയിലാണ് ഹൈക്കോടതി വനം വകുപ്പിന്റെ റിപ്പോർട്ട് തേടിയത്. ഇതിനാലാണ്‌ വനംവകുപ്പ് വിശദീകരണം നൽകിയത്.

Read More

കാർത്തിക് സുബ്ബരാജ് സംവിധാനം ചെയ്യുന്ന അടുത്ത ചിത്രത്തിൽ ധനുഷ് നായകനാകുന്നു എന്ന് ഇന്നലെ വാർത്തകൾ വന്നിരുന്നു.രജനികാന്ത് നായകനായ പേട്ട എന്ന ചിത്രത്തിനുശേഷം കാർത്തിക് സുബ്ബരാജ് സംവിധാനം ചെയ്യുന്ന ചിത്രമാണിത്. മലയാളികൾക്കും ആഹ്ലാദകരമായ ഒരു വാർത്തയാണ് ഈ ചിത്രത്തെ സംബന്ധിച്ച് ഉള്ളത്.മലയാളി നടി ഐശ്വര്യ ലക്ഷ്മി ഈ ചിത്രത്തിൽ ധനുഷിന്റെ നായികയാകുന്നു എന്നതാണ് സന്തോഷകരമായ ആ വാർത്ത. ഇതാദ്യമായാണ് ഐശ്വര്യ ലക്ഷ്മി തമിഴ് സിനിമയിൽ അഭിനയിക്കുന്നത്.ചിത്രത്തിൽ ഇന്റർനാഷണൽ ഡോണിന്റെ വേഷത്തിൽ ആണ് ധനുഷ് എത്തുക.ഒരു ഗ്യാങ്സ്റ്റർ ത്രില്ലർ ആയിട്ടാണ് ചിത്രത്തിന്റെ കഥ ഒരുക്കിയിരിക്കുന്നത്. വൈ നോട്ട് സ്റ്റുഡിയോസാണ് നിർമാണം. ചിത്രത്തിന്റെ പ്രീ പ്രൊഡക്‌ഷന്‍ വര്‍ക്കുകള്‍ ആരംഭിച്ചുകഴിഞ്ഞു. കൂടുതല്‍ വിവരങ്ങൾ പുറത്തുവന്നിട്ടില്ല. വിശാലിനെ നായകനാക്കി സുന്ദർ സി സംവിധാനം ചെയ്യുന്ന മറ്റൊരു ചിത്രത്തിലും ഐശ്വര്യ തമിഴിൽ അഭിനയിക്കുന്നുണ്ട് .തമന്നയാണ് ഈ ചിത്രത്തിലെ മറ്റൊരു നായിക. തമിഴ് സിനിമയിൽ ശ്രദ്ധകേന്ദ്രീകരിക്കുന്നതിനോടൊപ്പം തന്നെ മലയാളത്തിലും ഒട്ടനവധി ചിത്രങ്ങളാണ് ഐശ്വര്യലക്ഷ്മിയെ കാത്തിരിക്കുന്നത് .പൃഥ്വിരാജ് നായകനായ ബ്രദേഴ്സ് ഡേയാണ് ഐശ്വര്യയുടെ…

Read More

അബദ്ധങ്ങൾ മനുഷ്യസഹജമാണ്, അവ തീർക്കുന്ന പൊട്ടിച്ചിരികൾ നിയന്ത്രണാതീതവും. കേരളാ പോലീസിനെ ജനങ്ങളോട് കൂടുതൽ അടുപ്പിച്ചു മുന്നേറ്റത്തിന്റെ പേരുമായി എത്തിയ ജനമൈത്രി എന്ന ചിത്രം അത്തരം ചില അബദ്ധങ്ങളുടെ നർമത്തിൽ പൊതിഞ്ഞ കാഴ്ചകളാണ് പ്രേക്ഷകർക്ക് സമ്മാനിക്കുന്നത്. അലമാര, അർജന്റീന ഫാൻസ്‌ കാട്ടൂർക്കടവ് എന്നീ ചിത്രങ്ങൾക്ക് വേണ്ടി തൂലിക ചലിപ്പിച്ച പ്രശസ്ഥ തിരക്കഥാകൃത്ത് ജോൺ മന്ത്രിക്കൽ സംവിധായകനാകുന്ന ആദ്യ ചിത്രം കൂടിയാണ് ജനമൈത്രി. ചെറിയ സബ്‌ജക്റ്റും ചെറിയ താരനിരയും കൊണ്ട് വലിയൊരു ചിത്രം സൃഷ്ടിച്ച അദ്ദേഹം മലയാള സിനിമക്ക് ഇനിയും ഏറെ സമ്മാനിക്കുവാൻ ശക്തിയുള്ള ഒരു സംവിധായകൻ തന്നെയാണെന്ന് ജനമൈത്രി ഉറപ്പ് തരുന്നു. ഫ്രൈഡേ ഫിലിം ഹൗസിന്റെ നേതൃത്വത്തിൽ കഴിവുറ്റ നവാഗതരെ പ്രോത്സാഹിപ്പിക്കുവാനുള്ള ഫ്രൈഡേ ഫിലിം ഹൗസ് എക്സ്പെരിമെന്റ്സിന്റെ ആദ്യ നിർമാണ സംരംഭം കൂടിയാണ് ജനമൈത്രി. ഇത്തരമൊരു ആശയവുമായി മുന്നോട്ട് വന്ന ഫ്രൈഡേ ഫിലിം ഹൗസിന്റെ സാരഥി വിജയ് ബാബുവിന് എല്ലാ വിധ ഭാവുകങ്ങളും. പാറമേട് പോലീസ് സ്റ്റേഷനിലെ എസ് ഐ ഷിബുവും പോലീസുകാരായ…

Read More