Author: webadmin

കുമ്പളങ്ങി നൈറ്റ്സിലെ ബേബിമോളായി പ്രേക്ഷകരുടെ മനം കവർന്ന അന്ന ബെനിന്റെ കിടിലൻ ഡബ്സ്മാഷ് വീഡിയോകൾ കാണാം. സ്വാഭാവികമായ അഭിനയത്തിലൂടെ പ്രേക്ഷകരുടെ പ്രിയങ്കരിയായ അന്ന ബെൻ തിരക്കഥാകൃത്ത് ബെന്നി പി നായരമ്പലത്തിന്റെ മകളാണ്.

ദിലീപ് നായകനായ കോടതിസമക്ഷം ബാലൻ വക്കീലിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. കോമഡിയും ത്രില്ലും സസ്‌പെൻസും ആക്ഷനും എല്ലാം നിറച്ച് ഒരു പക്കാ പാക്കേജായി എത്തിയ ചിത്രം പ്രേക്ഷകർക്ക് നല്ലൊരു ദൃശ്യാനുഭവമാണ് സമ്മാനിച്ചിരിക്കുന്നത്. ബാലകൃഷ്ണൻ എന്ന വിക്കനായ വക്കീലിന്റെ ജീവിതത്തിലേക്ക് അപ്രതീക്ഷിതമായി അനുരാധ എന്നൊരു പെൺകുട്ടി കടന്നു വരുകയും പിന്നീടുണ്ടാകുന്ന സംഭവങ്ങൾ രസകരമായി അവതരിപ്പിച്ചിരിക്കുകയും ചെയ്‌തിരിക്കുകയാണ് ബി ഉണ്ണികൃഷ്ണൻ തിരക്കഥയും സംവിധാനവും നിർവഹിച്ചിരിക്കുന്ന കോടതിസമക്ഷം ബാലൻ വക്കീൽ. ചിത്രത്തിന് ലഭിക്കുന്ന മികച്ച അഭിപ്രായങ്ങൾ ഇരട്ടി മധുരമാണ് മമ്മുവും അജുവും ദില്ലുവും ഒന്നിക്കുന്ന #MAD ഗ്രൂപ്പിന് സമ്മാനിച്ചിരിക്കുന്നത്. മംമ്ത മോഹൻദാസ്,, അജു വർഗീസ്, ദിലീപ് കൂട്ടുകെട്ട് വീണ്ടും വിജയം കുറിച്ചിരിക്കുകയാണ് ബാലൻ വക്കീലിലൂടെ. ഈ കൂട്ടുകെട്ട് ആദ്യമായി ഒന്നിച്ച ടു കൺട്രീസും വമ്പൻ വിജയമായിരുന്നു. ‘വീണ്ടും നമ്മൾ കലക്കി’യെന്ന ക്യാപ്ഷനോടെ മംമ്ത തന്നെയാണ് ഫേസ്ബുക്കിൽ സന്തോഷം പങ്ക് വെച്ചത്.

ബി ഉണ്ണികൃഷ്ണൻ എന്ന പേര് കേൾക്കുമ്പോൾ തന്നെ മലയാളി ഒരു ത്രില്ലർ ചിത്രമാണ് പ്രതീക്ഷിക്കുന്നത്. പക്ഷേ ആ പേരിനൊപ്പം ജനപ്രിയനായകൻ ദിലീപിന്റെ പേര് കൂടി ചേർന്നപ്പോൾ ഒരു പക്കാ എന്റർടൈനർ തന്നെയാണ് പ്രേക്ഷകർ പ്രതീക്ഷിച്ചതും കോടതിസമക്ഷം ബാലൻ വക്കീലിലൂടെ പ്രേക്ഷകർക്ക് കിട്ടിയതും. ദിലീപിൽ നിന്നും പ്രേക്ഷകർ പ്രതീക്ഷിച്ച കോമഡിയും ബി ഉണ്ണികൃഷ്ണനിൽ നിന്നും പ്രതീക്ഷിച്ച ത്രില്ലിങ്ങും കൂടി ചേർന്നപ്പോൾ നല്ലൊരു വിരുന്ന് തന്നെയായിരിക്കുകയാണ് ചിത്രം. കോമഡി, സസ്പെൻസ്, ത്രില്ലർ, ആക്ഷൻ എന്നിങ്ങനെ പ്രേക്ഷകന് ഒരു തികഞ്ഞ വിരുന്ന് സമ്മാനിച്ച ചിത്രം ബി ഉണ്ണികൃഷ്ണന് കോമഡിയും നന്നായിട്ട് വഴങ്ങുമെന്ന് തെളിയിച്ചിട്ടുണ്ട്. വക്കീലും വിക്കും തമ്മിൽ ഒരിക്കലും ഒത്തു പോകില്ലെന്ന് അറിയാവുന്നവരാണ് നാം ഓരോരുത്തരും. വിക്കൻ വക്കീൽ എന്ന ഒരു പേര് തന്നെ ഏറെ ചിരി നിറക്കുന്നതാണ്. ബാലകൃഷ്ണൻ എന്ന ബാലൻ വക്കീലും അത്തരത്തിൽ വിക്കുള്ള ഒരാളാണ്. മറ്റുള്ളവരുടെ മുന്നിൽ പരിഹാസപാത്രമാകുന്ന, പക്ഷേ എല്ലാ കഴിവുകളുമുള്ള ഒരുവൻ. ഇപ്പോഴും ജൂനിയറായി വർക്ക് ചെയ്യുന്ന ബാലൻ…

സത്യൻ അന്തിക്കാട് – ശ്രീനിവാസൻ കൂട്ടുകെട്ടിൽ ഒരുങ്ങിയ സന്ദേശം ചിത്രത്തെ കുറിച്ചുളള ശ്യാം പുഷ്‌കരന്റെ അഭിപ്രായ പ്രകടനത്തിന് മറുപടിയുമായി പ്രശസ്‌ത നടൻ ഹരീഷ് പേരടി. ‘സന്ദേശം’ വലിയ സന്ദേശമുള്ള സിനിമയായി തോന്നുന്നില്ലെന്ന് ശ്യാം പുഷ്കരൻ ഒരു അഭിമുഖത്തിൽ പറഞ്ഞിരുന്നു. ഇതിനോടാണ് ഹരീഷ് പേരടിയുടെ മറുപടി. “ഒരു അജ്ഞാത ശവത്തെ എറ്റെടുത്ത് ഇവിടെ ഈ വർഷം ഒരു ഹർത്താൽ നടന്നത് ശ്യാം പുഷ്‌ക്കരൻ അറിഞ്ഞില്ലേ ?.അതാണ് സന്ദേശം സിനിമയുടെ രാഷ്ട്രീയം,” ഇതാണ് ഹരീഷ് പേരടി ഫേസ്ബുക്കിൽ കുറിച്ചിരിക്കുന്നത്. കഴിഞ്ഞ വർഷം ബിജെപി നടത്തിയ ഒരു ഹർത്താലിനെ ഉദാഹരിച്ചാണ് ഹരീഷ് പേരടി ഇക്കാര്യം കുറിച്ചത്. സന്ദേശം സിനിമ പറയുന്ന സന്ദേശത്തിൽ തനിക്ക് വിയോജിപ്പുണ്ടെന്നാണ് ശ്യാം പുഷ്കരൻ പറഞ്ഞത്. വിദ്യാർഥി രാഷ്ട്രീയത്തെ അനുകൂലിക്കുന്ന ആളാണ് താൻ. എന്നാൽ സന്ദേശം വിദ്യാർഥി രാഷ്ട്രീയം വേണ്ടെന്നാണ് പറഞ്ഞ് വെക്കുന്നതെന്നും അദ്ദേഹം പറഞ്ഞു. നിരവധി പേർ ഈ വിഷയത്തിൽ ശ്യാം പുഷ്കരനെ വിമർശിച്ച് രംഗത്തെത്തിയിരുന്നു.

ഒരു ഇടവേളക്ക് ശേഷം ദിലീപ് നായകനാകുന്ന മുഴുനീള കോമഡി ചിത്രം കോടതിസമക്ഷം ബാലൻ വക്കീൽ ഇന്ന് തീയറ്ററുകളിൽ എത്തുകയാണ്. ബി ഉണ്ണികൃഷ്ണന്റെ സംവിധാനത്തിൽ ഒരുക്കിയിരിക്കുന്ന ചിത്രത്തിൽ വിക്കുള്ള ബാലൻ എന്ന വക്കീലായിട്ടാണ് ദിലീപ് എത്തുന്നത്. ബാലന്‍ വക്കീല്‍ വെറുമൊരു തമാശക്കാരനല്ല. കാര്യങ്ങള്‍ തിരിച്ചറിയുന്ന, എന്നാല്‍ തെല്ല് അപകര്‍ഷതാ ബോധമൊക്കെയുള്ള ഒരാളാണ് അയാള്‍. താന്‍ എന്താണെന്നറിവുള്ളയാള്‍. വാക്ക് സാമര്‍ത്ഥ്യം കൊണ്ട് ജീവിക്കേണ്ട വക്കീലിന് വിക്കു വന്നാലോ? അതിനെക്കാള്‍ വലിയ എന്ത് പ്രതിസന്ധിയാണ് ഉണ്ടാവാനുള്ളത്? അതാണ് ചിത്രത്തിൽ കൈകാര്യം ചെയ്‌തിരിക്കുന്ന വിഷയം. ഈ ജോണറിലുള്ള ബി ഉണ്ണികൃഷ്ണന്റെ ആദ്യ ചിത്രം കൂടിയാണ് കോടതിസമക്ഷം ബാലൻ വക്കീൽ. തമാശയുടെ ലോകത്തെ പുതിയ ട്രെൻഡായ ട്രോളുകളെയും അതൊരുക്കുന്ന ട്രോളന്മാരെയും ദിലീപ് പ്രശംസിച്ചു. തമാശ എന്നത് മനുഷ്യന്‍ ഉള്ളടത്തോളം ഉണ്ടാവുമല്ലോ. അതിന്റെ രൂപത്തില്‍ മാറ്റം വരും. പക്ഷേ, അത് ജീവശ്വാസം പോലെ മനുഷ്യനൊപ്പം ഉണ്ടാവും. മിമിക്രി കേട്ടാലും ട്രോളു കണ്ടാലും എല്ലാരും ചിരിക്കുന്നത് ഒരുപോലെയാണല്ലോ. ട്രോളുകള്‍ ഉണ്ടാക്കുന്നവരുടെ നര്‍മ്മബോധത്തേയും,…

ഒമർ ലുലുവിന്റെ സംവിധാനത്തിൽ എത്തിയ റൊമാന്റിക് ചിത്രം ഒരു അഡാർ ലവ് മാറ്റം വരുത്തിയ ക്ളൈമാക്‌സുമായി ഇന്ന് മുതൽ വീണ്ടും തീയറ്ററുകളിൽ എത്തുകയാണ്. പുത്തൻ ക്ളൈമാക്‌സുമായി എത്തുന്ന ചിത്രം സൗജന്യമായി കാണുവാനുള്ള ഒരു അവസരം കൂടി ചിത്രത്തിന്റെ അണിയറപ്രവർത്തകർ ഒരുക്കിയിട്ടുമുണ്ട്. ആദ്യമേ തന്നെ സിനിമ കണ്ടവർ അതിന്റെ ടിക്കറ്റോ ബുക്കിങ്ങ് നമ്പറുമായോ ഒരു അഡാർ ലവ് ഇപ്പോൾ കളിക്കുന്ന, ആദ്യം സിനിമ കണ്ട അതേ തീയറ്ററിൽ ബന്ധപ്പെട്ടാൽ സിനിമ രണ്ടാം തവണ സൗജന്യമായി കാണാമെന്നാണ് അണിയറ പ്രവർത്തകർ അറിയിച്ചിരിക്കുന്നത്. ഇന്നത്തേക്ക് മാത്രമാണ് ഇത്തരത്തിൽ ഒരു ഓഫർ അവർ നൽകിയിരിക്കുന്നത്.

പുൽവാമ ആക്രമണത്തെ തുടർന്ന് വഷളായ ഇന്ത്യ – പാകിസ്ഥാൻ ബന്ധത്തിൽ അവിടുത്തെ പ്രധാനമന്ത്രി ഇമ്രാൻ ഖാനോട് തുറന്ന യുദ്ധത്തിലാണ് സംവിധായകനും നിർമാതാവുമായ റാം ഗോപാൽ വർമ്മ. തന്റെ ഫേസ്ബുക്ക് പേജിലൂടെ ഇമ്രാൻ ഖാനെ അറഞ്ചം പുറഞ്ചം ട്രോളുകയാണ് RGV. അതിൽ ഏറ്റവും രസകരമായ ഒന്ന് ഇങ്ങനെയാണ്. ഡിയർ പ്രൈം മിനിസ്റ്റർ ഇമ്രാൻ ഖാൻ, സംസാരിച്ചു പ്രശ്‌നങ്ങൾ തീർക്കുവാൻ സാധിക്കുമായിരുന്നെങ്കിൽ താൻ മൂന്ന് പ്രാവശ്യം വിവാഹം കഴിക്കേണ്ട ആവശ്യമില്ലായിരുന്നു…! 1995ൽ ജെമിമ ഗോൾഡ്‌സ്മിത്തിനെ വിവാഹം കഴിച്ച ഇമ്രാൻ ഖാൻ 2004ൽ അവരുമായി പിരിയുകയും 2015ൽ രെഹം ഖാനെ വിവാഹം കഴിക്കുകയും ചെയ്‌തു. വെറും 9 മാസം നീണ്ടുനിന്ന ആ ദാമ്പത്യത്തിന് ശേഷം 2018ൽ ബുഷ്‌റ മനേകയെ ഇമ്രാൻ ഖാൻ വിവാഹം കഴിച്ചു. ശരിയാണ്…! സംസാരിച്ചാൽ തീരുന്ന പ്രശ്‌നങ്ങൾ ആയിരുന്നെങ്കിൽ 3 എണ്ണത്തെ കെട്ടെണ്ടായിരുന്നു.

ഫ്രാങ്കി ചോദിച്ചത് തന്നെയാണ് പ്രേക്ഷകരും നെപ്പോളിയന്റെ മക്കളുടെ വീട് കണ്ടപ്പോൾ ചോദിച്ചത്. ഈ പഞ്ചായത്തിലെ ഏറ്റവും മോശം വീടല്ലേ അത്? പണി പൂർത്തിയാക്കാത്ത നാലു സഹോദരന്മാരുടെ ആ വീടും സെറ്റിട്ടാത്തതാണ്. ഓർക്കുന്നില്ലേ തൊണ്ടിമുതലും ദൃക്‌സാക്ഷിയിലെയും സെറ്റിട്ട പോലീസ് സ്റ്റേഷൻ? അത് പോലെ തന്നെ മറ്റൊരു അത്ഭുതമാണ് ഇതും. ജോതിഷ് ശങ്കർ എന്ന പ്രൊഡക്ഷൻ ഡിസൈനറുടെയും സംഘത്തിന്റെയും അദ്ധ്വാനമാണ് ആ വീടിന് പറയാനുള്ള കഥ. “പലതും മാറ്റിയും മറിച്ചുമെല്ലാം ചിന്തിച്ച് അവസാനം പള്ളിത്തോടിലാണ് ഞങ്ങൾ ആ വീട് പണിതത്. ആ പരിസരത്തുള്ള പല വീടുകളുടെയും ഉൾവശത്തിന്റെ ഫോട്ടോകൾ ഞങ്ങൾ എടുക്കുകയും അത് ഇവിടെ പുനഃസൃഷ്ടിക്കുകയും ചെയ്‌തു. പല വീടുകളിൽ നിന്നും ഉപയോഗിച്ച് പഴകിയ ടെലിവിഷൻ, ഫർണിച്ചർ, ബെഡ്ഷീറ്റ്, ടവൽ, മാറ്റ്, കൊതുകു വല എന്നിങ്ങനെ പലതും ഞങ്ങൾ വാങ്ങുകയും പുതിയത് അവർക്ക് നൽകുകയും ചെയ്‌തു.” “മുകളിൽ പറഞ്ഞതല്ലാത്ത സാധനങ്ങൾ എല്ലാം തന്നെ ഞങ്ങൾ കുമ്പളങ്ങിയിൽ നിന്ന് തന്നെ വാങ്ങി. ചില സ്ഥലങ്ങളിൽ കൂടുതൽ…

ബി ഉണ്ണികൃഷ്ണൻ ആദ്യമായി സംവിധാനം നിർവഹിക്കുന്ന മുഴുനീള കോമഡി ചിത്രമായ കോടതി സമക്ഷം ബാലൻ വക്കീൽ നാളെ തീയറ്ററുകളിൽ എത്തുകയാണ്. ദിലീപ് നായകനാകുന്ന ചിത്രം ബാലൻ എന്ന വിക്കുള്ള ഒരു വക്കീലിന്റെ കഥയാണ് പറയുന്നത്. മമ്‌താ മോഹൻദാസാണ് നായിക. ചിത്രത്തെ കുറിച്ച് സംവിധായകൻ ബി ഉണ്ണികൃഷ്ണന്റെ വാക്കുകൾ. നിങ്ങള്‍ക്ക് വീട്ടിലെ എല്ലാവരുമായിട്ട് വന്ന് രണ്ടു മണിക്കുറിലേറെ സമയം തകര്‍ത്ത് എന്‍ജോയ് ചെയ്യാന്‍ പറ്റിയ ഒരു സിനിമ. വേറേ ഒരു അവകാശവാദവും എനിക്കില്ല. ഒരു ടോട്ടല്‍ എന്റ്ര്‍ ടെയ്‌നര്‍. തീര്‍ത്തും ഫണ്ണിയായ ഒരു സിനിമ. വരിക, കാണുക, ആസ്വദിക്കുക.ഹ്യൂമര്‍ ഫുള്‍ ലെങ്ത്തിലുള്ള ഒരു സിനിമ ഞാനാദ്യമായിട്ടാണ് ചെയ്യുന്നത്. മാടമ്പിയിലൊക്കെ അത് നന്നായി വന്നിട്ടുണ്ട്. പക്ഷേ ഞാന്‍ ഒരു മുഴുനീള തമാശ സിനിമയിലേക്കു വരുന്നത് ഇതാദ്യം. ‘കോടതി സമക്ഷം വക്കീല്‍” ഒരു പക്കാ പോപ്പുലര്‍ സിനിമ തന്നെ. അല്‍പ്പം ത്രില്ല്, ടെന്‍ഷന്‍ ഒക്കെയുള്ള സിനിമകള്‍ ആണ് പൊതുവേ കാണികള്‍ എന്നില്‍ നിന്നും പ്രതീക്ഷിക്കുന്നത്. അങ്ങനെയുള്ള…

എന്നും ഓർമയിൽ നിൽക്കുന്ന നായക കഥാപാത്രങ്ങളെ മലയാളികൾക്ക് സമ്മാനിച്ചിട്ടുള്ള വിനീത് പിന്നീട് വില്ലൻ വേഷങ്ങളിലേക്ക് ചുവട് മാറ്റിയിരുന്നു. എന്നാൽ ഇപ്പോൾ ശക്തമായൊരു തീരുമാനം എടുത്തിരിക്കുകയാണ് വിനീത്. സിനിമയില്‍ പീഡകനായോ ബലാത്സംഗരംഗങ്ങളിലോ അഭിനയിക്കാന്‍ ഇനി തനിക്കാവില്ലെന്ന് തുറന്നു പറഞ്ഞിരിക്കുകയാണ് അദ്ദേഹം. ഒരു എഫ് എം ചാനലിനു നല്‍കിയ അഭിമുഖത്തിനിടെയാണ് വിനീത് ഇക്കാര്യം വ്യക്തമാക്കിയത്. അത്തരം രംഗങ്ങളില്‍ ഞാന്‍ അഭിനയിച്ചിട്ടുണ്ട്. ‘കെമിസ്ട്രി’ എന്ന ചിത്രത്തില്‍ സ്‌കൂളിലെ പെണ്‍കുട്ടികളോട് മോശമായി പെരുമാറുന്ന ഒരാളായാണ് അഭിനയിച്ചത്. വൃത്തികെട്ട കഥാപാത്രമായിരുന്നു അത്. പക്ഷേ അത്തരത്തിലുള്ള മോശം സീനുകള്‍ സിനിമയിലില്ലെന്നാണ് അന്ന് സംവിധായകന്‍ പറഞ്ഞത്. ഡയലോഗിലൂടെ മാത്രമാണ് ആ കഥാപാത്രം പെണ്‍കുട്ടികളെ ഭീഷണിപ്പെടുത്തുന്നത്. സ്‌ക്രീനില്‍ മോശം രംഗങ്ങള്‍ ചെയ്യേണ്ടി വരുമ്പോള്‍ ഒരു തരത്തില്‍ അത്തരം വിഷയങ്ങളെ പ്രൊമോട്ട് ചെയ്യുകയാണ്. അതിനോട് യോജിക്കാനാവില്ല. കെമിസ്ട്രിയില്‍ അങ്ങനെയൊരു കഥാപാത്രമായി വന്നു, പക്ഷേ ഇന്നെന്നോട് ആരെങ്കിലും അങ്ങനെയൊരു റോളുമായി വന്നാല്‍ ഞാന്‍ രണ്ടാമതു ചിന്തിക്കും. അഭിനയസാധ്യതകളുള്ള റോളുകളാണവയൊക്കെയെങ്കിലും ഞാന്‍ തന്നെ അതിനൊരു അതിരു വച്ചിട്ടുണ്ട്.…