ക്വീൻ എന്ന ഒറ്റ ചിത്രത്തിലെ പ്രകടനം കൊണ്ട് പ്രേക്ഷകരുടെ മനസ്സിൽ ഇടം പിടിച്ച നടിയാണ് സാനിയ ഇയ്യപ്പൻ. ഡാൻസ് റിയാലിറ്റി ഷോയിലൂടെ കടന്നു വന്ന സാനിയക്ക് ഇപ്പോൾ കൈ നിറയെ ചിത്രങ്ങളുണ്ട്. സ്വൽപം മോഡേണായ സാനിയക്ക് അതിനാൽ തന്നെ സോഷ്യൽ മീഡിയ അക്കൗണ്ടുകളിൽ സദാചാരവാദികളുടെ നിരന്തരമായ ആക്രമണം നേരിടേണ്ടിയും വരുന്നുണ്ട്. കഴിഞ്ഞ ദിവസം നടന്ന ഏഷ്യ വിഷൻ അവാർഡ് നൈറ്റിലും സാനിയ തന്നെയായിരുന്നു താരം. അതിന്റെ ചിത്രങ്ങൾ സോഷ്യൽ മീഡിയ അക്കൗണ്ട് വഴി സാനിയ പങ്ക് വെക്കുകയും ചെയ്തു. ഇൻസ്റ്റാഗ്രാം അക്കൗണ്ടിലാണ് ഏറ്റവും കൂടുതൽ അറ്റാക്ക് നടക്കുന്നത്. View this post on Instagram #asiavisionmovieawards 💫 Mua : @nazreen_nazeer Outfit : @lecoanethemantofficial @lecoanethemantworld @lecoanethemant @geneslhofficial Accessories : @forever21 Styling: @theitembomb ♥️ Special thanks to @amigos.rizwan A post shared by SANIYA IYAPPAN (@_saniya_iyappan_) on Feb 17,…
Author: webadmin
മലയാളത്തിന്റെ പ്രിയ സംവിധായകൻ ജോഷി ജോജു ജോർജിനെ നായകനാക്കി ഒരുക്കുന്ന ചിത്രം പൊറിഞ്ചു മറിയം ജോസിന്റെ ചിത്രീകരണം ആരംഭിച്ചു. ചിത്രത്തിൽ ചെമ്പൻ വിനോദ്, നൈല ഉഷ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഈ ചിത്രത്തിന്റെ കഥയും തിരക്കഥയും എഴുതിയിരിക്കുന്നത് അഭിലാഷ് എൻ ചന്ദ്രൻ ആണ്. അജയ് ഡേവിഡ് കാച്ചപ്പിള്ളി കാമറ ചലിപ്പിക്കുന്ന ഈ ചിത്രത്തിന് സംഗീതം ഒരുക്കുന്നത് ജേക്സ് ബിജോയും ഈ ചിത്രം എഡിറ്റ് ചെയ്യുന്നത് ശ്യാം ശശിധരനും ആണ്. ഡേവിഡ് കാച്ചപ്പിള്ളി പ്രൊഡക്ഷൻസ് ആണ് ചിത്രം നിർമിക്കുന്നത്.ജോസഫിലെ ശക്തമായ നായകവേഷത്തിന് ശേഷം ജോജു വീണ്ടും നായകനാകുന്ന ചിത്രം എന്ന പ്രത്യേകത കൂടി ഈ ചിത്രത്തിനുണ്ട്.
പ്രേക്ഷകന്റെ മനസ്സ് നിറക്കുന്ന പ്രകടനവുമായി ഓരോ കഥാപാത്രങ്ങളും നിറഞ്ഞു നിന്നപ്പോൾ കുമ്പളങ്ങിയിലെ രാത്രികളെ പ്രേക്ഷകർ കോടികളുടെ തിളക്കവുമായി ഏറ്റെടുത്തിരിക്കുന്നു. ആദ്യ പത്ത് ദിനങ്ങൾ പിന്നിടുമ്പോൾ 20 കോടിയാണ് ചിത്രം കളക്ഷനായി നേടിയിട്ടുള്ളത്. 10.4 കോടി രൂപ കേരള ബോക്സോഫീസില് നിന്നും 8.41 കോടി ജിസിസി റിലീസില് നിന്നും റെസ്റ്റ് ഓഫ് ഇന്ത്യ 1.60 കോടിയുമാണ് ലഭിച്ചിരിക്കുന്നത്. മധു സി നാരായണന്റെ സംവിധാനത്തിൽ ഷെയ്ൻ നിഗം, സൗബിൻ ഷാഹിർ, ശ്രീനാഥ് ഭാസി എന്നിവർ കേന്ദ്ര കഥാപാത്രങ്ങൾ ആയ കുമ്പളങ്ങി നൈറ്റ്സ് തിരക്കഥ ശ്യാം പുഷ്ക്കരനാണ്. നസ്രിയ, ദിലീഷ് പോത്തൻ, ശ്യാം പുഷ്ക്കരൻ എന്നിവർ നിർമാണം നിർവഹിക്കുന്ന ചിത്രത്തിൽ ഫഹദ് ഫാസിലും ശ്രദ്ധേയമായ ഒരു വേഷം കൈകാര്യം ചെയ്യുന്നു. ഷൈജു ഖാലിദ് ഛായാഗ്രഹണവും സുഷിൻ ശ്യാം സംഗീത സംവിധാനവും നിർവഹിക്കുന്നു.
2012 മാർച്ചിൽ തേഞ്ഞിപ്പാലത്ത് വച്ച് നടന്ന വാഹനാപകടത്തിന്റെ രൂപത്തില് വന്ന ദുരന്തമാണ് ജഗതിയെ സിനിമയില് നിന്ന് അകറ്റിയപ്പോൾ മലയാളികളും ഒന്ന് തേങ്ങിപ്പോയി. ഏഴ് വർഷങ്ങൾക്കിപ്പുറം ഹാസ്യസാമ്രാട്ട് ജഗതി ശ്രീകുമാർ അഭിനയരംഗത്തേക്ക് തിരിച്ചെത്തുന്നു എന്നാണ് റിപ്പോർട്ടുകൾ. തൃശ്ശൂരിലെ വാട്ടര് തീം പാര്ക്കിന്റെ പരസ്യചിത്രത്തിലൂടെയാണ് ജഗതിയുടെ തിരിച്ചുവരവ്. ജഗതി ശ്രീകുമാര് എന്റര്ടെയിൻമെന്റ്സ് ആണ് പരസ്യചിത്രം നിര്മ്മിക്കുന്നത്. അദ്ദേഹത്തെ ചികിത്സിക്കുന്ന ഡോക്ടര്മാരുടെ നിര്ദ്ദേശപ്രകാരമാണ് ജഗതി വീണ്ടും അഭിനയരംഗത്തേക്കെത്തുന്നത്. അടുത്ത വര്ഷത്തോടെ സിനിമയിലും സജീവമാകുമെന്നും റിപ്പോര്ട്ടുകള് പറയുന്നു. ആരാധകർ പ്രാർത്ഥനയോടെ കാത്തിരുന്നതിന് ഒരു അവസാനം ഉണ്ടാകുന്നു എന്നത് ഏറെ സന്തോഷം പകരുന്ന ഒരു വാർത്ത തന്നെയാണ്.
ഫേസ്ബുക്ക് തുറന്നാൽ ഇപ്പോൾ ‘കരിങ്കോഴി’യെ തട്ടിയിട്ട് നടക്കാൻ പറ്റുന്നില്ല. എല്ലാ ട്രോളുകളിലും കരിങ്കോഴി വിൽപനയ്ക്ക് എന്ന് ഒരു പോസ്റ്റർ കമന്റ് ചെയ്ത ഏതോ ഒരു ‘ബിസിനസ് മാൻ’ ആണ് എല്ലാത്തിനും പിന്നിൽ. എല്ലാ പോസ്റ്റുകളിലും ഈ കമന്റ് കണ്ടതോടെ ട്രോളന്മാരും വെറുതെ വിട്ടില്ല. അവർ അത് അങ്ങ് ഏറ്റെടുത്തു. പിന്നെ മാർക്കറ്റ് മാറി. കടിക്കാത്ത രാജവെമ്പാല, പപ്പടത്തിന്റെ തൈ, ചിരിക്കുന്ന പട്ടികുട്ടൻ, ദിനോസറിന്റെ മുട്ട, നാടൻ ആന മുട്ടകൾ, മുതലക്കുഞ്ഞുങ്ങൾ അങ്ങനെ മാർക്കറ്റിംഗിന്റെ പുതിയ തലങ്ങളിലേക്ക് ട്രോളന്മാർ കടന്നു. അതിനിടയിലാണ് ‘വില്പനക്കല്ലാത്ത കരിംതാറാവുമായി’ രമേഷ് പിഷാരടിയുടെ മാസ്സ് എൻട്രി. തന്റെ ഫേസ്ബുക്ക് പേജിലാണ് ‘വില്പനയ്ക്കല്ലാത്ത കരിംതാറാവു കുഞ്ഞുങ്ങളോടൊപ്പം’ എന്ന ക്യാപ്ഷനോട് കൂടി രമേഷ് പിഷാരടി ഒരു ഫോട്ടോ പോസ്റ്റ് ചെയ്തത്. ട്രോളന്മാർ എന്തായാലും അവിടെയും എത്തിയിട്ടുണ്ട്.
2019ൽ പ്രേക്ഷകർ ആകാംക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് പൃഥ്വിരാജ് സംവിധായകനായി അരങ്ങേറ്റം കുറിക്കുന്ന മോഹൻലാൽ ചിത്രം ലൂസിഫർ. ചിത്രത്തെ കുറിച്ചുള്ള ഓരോ വാർത്തകളും ആവേശം കൊള്ളിക്കുന്നതാണ്. ഏറ്റവും പുതിയതായി പുറത്തിറങ്ങിയ പോസ്റ്ററിനും വമ്പൻ വരവേൽപ്പാണ് ലഭിച്ചിരിക്കുന്നത്. പോസ്റ്റർ തന്റെ ഇൻസ്റ്റാഗ്രാം പേജിൽ ഷെയർ ചെയ്ത പൃഥ്വിരാജിന് കിട്ടിയ ഒരു കമന്റും അതിനുള്ള മറുപടിയുമാണ് ഇപ്പോൾ വൈറലായിരിക്കുന്നത്. ഈ ലാലേട്ടനെയാണ് ഞങ്ങൾക്ക് വേണ്ടത് എന്ന് കമന്റിട്ട ആരാധകനോട് തനിക്കും അത് തന്നെയാണ് വേണ്ടതെന്നാണ് പൃഥ്വിരാജ് മറുപടി കൊടുത്തത്. മോഹൻലാലിന് പുറമേ മഞ്ജു വാര്യർ, ടോവിനോ തോമസ്, ഇന്ദ്രജിത് സുകുമാരൻ തുടങ്ങിയവരും ചിത്രത്തിലുണ്ട്. ബോളിവുഡ് താരം വിവേക് ഒബ്റോയിയും ചിത്രത്തിൽ ഒരു പ്രധാന വേഷം കൈകാര്യം ചെയ്യുന്നുണ്ട്. ആന്റണി പെരുമ്പാവൂർ നിർമിക്കുന്ന ചിത്രത്തിന്റെ തിരക്കഥ മുരളി ഗോപിയാണ്.
ഒരൊറ്റ കണ്ണിറുക്കൽ കൊണ്ട് വൻ ആരാധകവൃന്ദത്തെ സൃഷ്ടിച്ച പ്രിയ വാര്യരെ ആ ആരാധകർ തന്നെ ട്രോളുന്ന കാഴ്ചയാണ് ഇപ്പോൾ കാണുന്നത്. പലതും വ്യക്തിപരമായി അധിക്ഷേപിക്കുന്ന തരത്തിലുള്ളവയായിരുന്നു. അഡാര് ലൗ തീയേറ്ററുകളിലെത്തിയ ശേഷവും പ്രിയയ്ക്കെതിരെയുള്ള സൈബര് ആക്രമണം തുടരുകയാണ്. പ്രിയയെ ചവിട്ടിത്താഴ്ത്താനാണ് ഇത്തരം ട്രോളന്മാര് ശ്രമിക്കുന്നതെന്നാണ് അഡാര് ലവില് ടീച്ചറായി വേഷമിട്ട റോഷ്ന ആൻ റോയ് പറയുന്നു. മനോരമയുമായുള്ള അഭിമുഖത്തിലാണ് റോഷ്ന മനസ്സ് തുറന്നത്. ഒരു സാധാരണ തൃശൂര്ക്കാരി പെണ്കുട്ടിയാണ് പ്രിയ വാരിയര്. ഒരു ജൂനിയര് ആര്ടിസ്റ്റ് ആയിട്ട് വന്നതാണ് പ്രിയ. സെറ്റില് അമ്മയോടൊപ്പം വരും. എല്ലാവരോടും അടുത്ത് ഇടപെടും, സംസാരിക്കും. ഇപ്പോഴും അങ്ങനെ തന്നെയാണ് ആള്. അതിനുശേഷം ആ ചെറിയ സീന് ഹിറ്റായി. ഒരിക്കലും അത് താഴ്ത്തി കാണേണ്ട ആവശ്യമില്ല. ആ പാട്ട് ലോകം മുഴുവന് കാണാനുള്ള കാരണം പ്രിയയാണ്. നമുക്ക് അതില് സന്തോഷമേ ഉള്ളൂ. അത് ആഘോഷമാക്കിയ മലയാളികള് തന്നെ പിന്നീട് ആക്രമിക്കാന് തുടങ്ങി. അതൊരു പക്ഷേ പ്രിയയുടെ അറിവില്ലായ്മ…
മലയാള സിനിമയിൽ വിപ്ലവകരമായ മാറ്റങ്ങൾ വരുത്തിയ നായകൻ എന്ന നിലയിലും സ്വാഭാവിക അഭിനയത്തിന്റെ പകരം വെക്കാനില്ലാത്ത ഒരു പ്രതിഭ എന്ന നിലയിലും ഫഹദ് ഫാസിലിന് ഇപ്പോൾ ആരാധകർ ഏറെയാണ്. ഏറെ പ്രചോദനം പകരുന്ന ഒരു തീരുമാനം എടുത്തിരിക്കുകയാണ് അദ്ദേഹം ഇപ്പോൾ. സിനിമയിൽ ലിപ്ലോക്കും പുകവലിയും താനിനി ചെയ്യില്ലെന്ന് ഫഹദ് ഫാസിൽ വ്യക്തമാക്കി. ഒരു എഫ് എം റേഡിയോ സ്റ്റേഷനുമായുള്ള അഭിമുഖത്തിനിടയിലാണ് ഫഹദ് ഇക്കാര്യം വെളിപ്പെടുത്തിയത്. ലിപ് ലോക്ക് മാത്രമല്ല, പുകവലിയും താനിനി ചെയ്യുമെന്ന് തോന്നുന്നില്ല. ഇതൊന്നും ആരെയും സ്വാധീനിക്കാന് വേണ്ടിയല്ലല്ലോ. ഒരു സിനിമ കണ്ടിട്ട് നാളെ മുതല് നന്നായി ജീവിക്കാമെന്ന് ആരും തീരുമാനിക്കുമെന്ന് തോന്നുന്നില്ല. ഇത്തരം കാര്യങ്ങളില് കൂടുതല് പ്രാധാന്യവും കൊടുക്കേണ്ട കാര്യമില്ല. ഒരു സീനില് ഒരു നടന് വിവസ്ത്രനായി വന്നു നില്ക്കുന്നുണ്ടെങ്കില് അത് ആ സിനിമയ്ക്കു വേണ്ടിയാണ്. അല്ലാതെ അയാളുടെ ലൈഫിലെ സ്റ്റേറ്റ്മെന്റ് ആയിട്ടൊന്നുമല്ല.. അവര് വിശ്വസിക്കുന്ന ജോലി ചെയ്യുന്നതു കൊണ്ട് അതിനുള്ള ഗട്ട്സ് അവര്ക്കുണ്ടാകുന്നതാണ്.. സിനിമയില് നമ്മള് ചെയ്യുന്ന…
‘ഒരു അഡാറ് ലവ്’ ചിത്രത്തിന്റെ ക്ലൈമാക്സില് മാറ്റം വരുത്തുന്നു. സിനിമ ഇഷ്ടപ്പെട്ട പ്രേക്ഷകരില് പലര്ക്കും ക്ലൈമാക്സിനോട് പൊരുത്തപ്പെടാനാവുന്നില്ലെന്നും അതിനാല് 10 മിനിറ്റോളം ദൈര്ഘ്യമുള്ള മറ്റൊരു ക്ലൈമാക്സ് പുതുതായി ഷൂട്ട് ചെയ്തെന്നും സംവിധായകന് ഒമര് ലുലു പറഞ്ഞു. മാറ്റത്തെ കുറിച്ച് സംവിധായകൻ ഒമർ ലുലു പറയുന്നത് ഇപ്രകാരം. ‘സിനിമ ഇഷ്ടപ്പെട്ട പലര്ക്കും ക്ലൈമാക്സിനോട് പൊരുത്തപ്പെടാന് കഴിഞ്ഞില്ല. ഇക്കാര്യം നിരവധി പേര് അറിയിച്ചതോടെ ക്ലൈമാക്സില് മാറ്റം വരുത്താന് തീരുമാനിച്ചു.ക്ലൈമാക്സ് മാറ്റുന്നതിനൊപ്പം ചിത്രത്തിന്റെ ദൈര്ഘ്യം 10 മിനിറ്റ് വെട്ടിക്കുറച്ച് 2.15 മണിക്കൂര് ആക്കി. എഡിറ്റ് ചെയ്ത പതിപ്പിന്റെ പശ്ചാത്തല സംഗീതത്തില് ഗോപി സുന്ദറിന്റെ പങ്കാളിത്തമുണ്ടാവുമെന്നും ഒമര് ലുലു പറഞ്ഞു. ക്ലൈമാക്സ് മാറ്റിയ പതിപ്പ് ബുധനാഴ്ച നൂണ്ഷോ മുതല് തീയേറ്ററുകളില് പ്രദര്ശിപ്പിച്ചു തുടങ്ങും.
മലയാള സിനിമ പ്രേക്ഷകരും മോഹൻലാൽ ആരാധകരും ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ലൂസിഫർ. മാർച്ച് 28ന് തിയറ്ററുകളിൽ എത്തുന്ന ചിത്രത്തിന്റെ ടീസർ ഏറെ ജനശ്രദ്ധ പിടിച്ചു പറ്റിയിരുന്നു. ഇപ്പോൾ ലൂസിഫറിനെ പറ്റിയുള്ള പുതിയൊരു അപ്ഡേറ്റ് പുറത്ത് വിട്ടിരിക്കുകയാണ് അണിയറ പ്രവർത്തകർ.26 താരങ്ങളുടെ 26 ക്യാരക്ടർ പോസ്റ്ററുകൾ ഇനിവരുന്ന ദിവസങ്ങളിൽ പുറത്ത് വിടും എന്ന് അറിയിച്ചിരിക്കുകയാണ് അണിയറ പ്രവർത്തകർ. എല്ലാ ദിവസവും രാവിലെ 10 മണിക്കാണ് പോസ്റ്റർ പുറത്ത് വിടുക. ഈ ബുധനാഴ്ച മുതൽ ആണ് പോസ്റ്ററുകൾ പുറത്ത് വിട്ട് തുടങ്ങുക. ഒരു ചിത്രത്തിന് ഇത്രയും ക്യാരക്ടർ പോസ്റ്ററുകൾ വരുന്നത് ഇതാദ്യം ആണ്.വലിയ ക്യാൻവാസിൽ ഒരുങ്ങുന്ന ചിത്രം സംവിധാനം ചെയ്യുന്നത് യുവതാരം പൃഥ്വിരാജ് ആണ്.മുരളി ഗോപിയാണ് തിരക്കഥ