മലയാളി പ്രേക്ഷകർ ആകാംക്ഷയോടെ കാത്തിരിക്കുന്ന മമ്മൂക്ക – വൈശാഖ് കൂട്ടുകെട്ടിലെ ബിഗ് ബജറ്റ് ചിത്രം മധുരരാജയുടെ ക്ലൈമാക്സ് ഷൂട്ട് ഇന്ന് ആരംഭിച്ചു. വമ്പൻ ഹിറ്റായി തീർന്ന പോക്കിരി രാജയുടെ രണ്ടാം ഭാഗമായ ഈ ചിത്രത്തിൽ മാസും കോമഡിയും നിറഞ്ഞ രാജ എന്ന കഥാപാത്രത്തെ തന്നെയാണ് മമ്മൂട്ടി അവതരിപ്പിക്കുന്നത്. നെൽസൺ ഐപ്പ് സിനിമാസിന്റെ ബാനറിൽ നെൽസൺ ഐപ്പാണ് ചിത്രം നിർമിക്കുന്നത്. ചിത്രത്തിന് ഒരു കിടിലൻ ക്ലൈമാക്‌സാണ് ഒരുക്കിയിരിക്കുന്നതെന്ന് സംവിധായകൻ വൈശാഖ് നേരത്തെ വെളിപ്പെടുത്തിയിരുന്നു. “ക്ലൈമാക്സ് രംഗത്തിനായി ഞങ്ങൾ വിഷ്വൽ എഫക്ട്സ് ഉപയോഗിക്കുന്നുണ്ട്. അത് തീർച്ചയായും ഒരു ദൃശ്യവിസ്മയമായിരിക്കും. പ്രേക്ഷകർ അത്ഭുതപ്പെടുമെന്ന് ഞങ്ങൾക്ക് ഉറപ്പുണ്ട്, പ്രത്യേകിച്ച് ക്ലൈമാക്സിലെ ആക്ഷൻ രംഗങ്ങൾ കണ്ട്.” തിരക്കഥാകൃത്ത് ഉദയ് കൃഷ്‌ണയും ക്ലൈമാക്സിനെ കുറിച്ച് ഏറെ പ്രതീക്ഷകളാണ് പങ്ക് വെച്ചിട്ടുള്ളത്. വിഷു റിലീസായി തീയറ്ററുകളിൽ എത്തുന്ന ചിത്രത്തിൽ അനുശ്രീ, ഷംന കാസിം, മഹിമ നമ്പ്യാർ എന്നിവരാണ് നായികമാരായി എത്തുന്നത്. തമിഴ് താരം ജയ്, ബാലചന്ദ്രൻ ചുള്ളിക്കാട്, സലിം കുമാർ എന്നിവരും…
Author: webadmin
പ്രിയതാരം പ്രഭുദേവയും നിക്കി ഗൽറാണിയും ഒന്നിച്ചഭിനയിച്ച ചിത്രമാണ് ചാർളി ചാപ്ലിൻ 2.ചിത്രത്തിലെ ചിന്ന മച്ചാ എന്ന ഗാനത്തിന്റെ വീഡിയോ ഇപ്പോൾ പുറത്ത് വന്നിരിക്കുകയാണ്.സെന്തില്‍ ഗണേഷും രാജലക്ഷ്മിയും ചേര്‍ന്നാണ് ഗാനം ആലപിച്ചിരിക്കുന്നത്. ശക്തി സംവിധാനം ചെയ്ത ചിത്രത്തില്‍ പ്രഭു, സമീര്‍, അധ ശര്‍മ്മ തുടങ്ങിയവരാണ് മറ്റ് പ്രധാന അഭിനേതാക്കള്‍. വീഡിയോ കാണാം
വ്യത്യസ്ഥമായ വേഷങ്ങളിലൂടെ തമിഴ് സിനിമ ലോകത്ത് തന്റേതായ ഒരു സ്ഥാനം പടുത്തുയർത്തിയ നടനാണ് സൂര്യ. സപ്ലി എഴുതി ബികോം പാസ്സായ ശരവണന്‍ ഇന്ന് കാണുന്ന തെന്നിന്ത്യന്‍ സൂപ്പര്‍താരത്തിലേക്ക് എത്തിയത് എങ്ങനെയെന്ന് വെളിപ്പെടുത്തി നടന്‍ സൂര്യ. വേല്‍ ടെക് രംഗരാജന്‍ യൂണിവേഴ്‌സിറ്റിയില്‍ സാംസ്‌കാരിക ഉത്സവം ഉദ്ഘാടനം ചെയ്യാന്‍ എത്തിയതായിരുന്നു സൂര്യ. ‘1995–ൽ ബികോം പൂർത്തിയാക്കുമ്പോൾ, ശരവണനായിരുന്ന ഞാൻ ഇപ്പോള്‍ നിങ്ങളുടെ മുന്നിലുള്ള സൂര്യയായി മാറുമെന്ന് ചിന്തിച്ചിട്ടുപോലുമില്ല. നടനാകണമെന്ന് വിചാരിച്ചല്ല സിനിമയിൽ എത്തിയത്. ഒരാഴ്ചയ്ക്ക് മുമ്പാണ് അഭിനയിക്കണം എന്ന തീരുമാനമെടുക്കുന്നത്. പിന്നീട് ഞാൻ എന്നിൽ തന്നെ വിശ്വസിച്ചു. എന്നെ തന്നെ മാതൃകയാക്കി സ്വയം പ്രതീക്ഷ നൽകി മുന്നോട്ട് പോയി. അങ്ങനെ ജീവിതം തന്നെ മാറി. ജീവിതത്തിൽ വിശ്വസിക്കൂ. എപ്പോഴും എന്തെങ്കിലുമൊക്കെ സർപ്രൈസുകൾ ജീവിതം തന്നുകൊണ്ടിരിക്കും. പക്ഷേ അത് പ്രവചിക്കാൻ കഴിയില്ല. എന്തും സംഭവിക്കാം. ജീവിതം ആഘോഷമാക്കി സന്തോഷത്തോടെ മുന്നോട്ട് പോകണം.’ ‘നിങ്ങൾ ആവശ്യപ്പെടുന്ന കാര്യം ചിലപ്പോൾ സംഭവിച്ചുകൊള്ളണമെന്നില്ല, എന്നാൽ നിങ്ങള്‍ക്കാവശ്യമുള്ളത് തീർച്ചയായും സംഭവിച്ചിരിക്കും. എന്റെ…
മോഹൻലാലിനെ നായകനാക്കി ശ്രീകുമാർ മേനോൻ പ്രഖ്യാപിച്ചിരുന്ന മഹാഭാരതം സിനിമക്ക് പുതിയ നിർമാതാവ്. 1000 കോടി മുതൽമുടക്കിൽ ഒരുങ്ങുന്ന ചിത്രത്തിനായി സിംഗപ്പൂരിലും ഹൈദരാബാദിലും ബിസിനസുകളുള്ള മലയാളി എസ് കെ നാരായണന്‍ പണം മുടക്കുമെന്നാണ് അറിയുന്നത്. ഫേസ്ബുക്ക് വഴി ജോമോന്‍ പുത്തന്‍പുരയ്ക്കലാണ് ഇത് സംബന്ധിച്ച വാര്‍ത്ത പുറത്ത് വിട്ടത്. ബി ആര്‍ ഷെട്ടിയായിരുന്നു ചിത്രത്തിന്റെ ആദ്യത്തെ നിര്‍മ്മാതാവ്. തിരക്കഥയുമായി ബന്ധപ്പെട്ട് എംടിയും ശ്രീകുമാര്‍ മേനോനും തമ്മില്‍ പ്രശ്നം ഉടലെടുത്തതിന് പിന്നാലെയാണ് ബി ആര്‍ ഷെട്ടി ചിത്രത്തില്‍ നിന്ന് പിന്മാറിയത്.
മലയാളികൾക്ക് ഒരിക്കലും മറക്കാനാകാത്ത ഒരു പിടി ജീവസുറ്റ ചിത്രങ്ങൾ സമ്മാനിച്ച ലോഹിതദാസ് സാറിനെ നേരിട്ട് കാണുക, അദ്ദേഹത്തിന്റെ ഒരു ചിത്രത്തിൽ അഭിനയിക്കുക എന്നതെല്ലാം പല നടന്മാരുടേയും സ്വപ്‌നമായിരുന്നു. അങ്ങനെ ലോഹിതദാസ് സാറിനെ കാണാൻ ആദ്യമായി പോയ ഉണ്ണി മുകുന്ദന്റെ അനുഭവമാണ് ഇപ്പോൾ ശ്രദ്ധ പിടിച്ചു പറ്റിയിരിക്കുന്നത്. തന്റെ ഇൻസ്റ്റാഗ്രാം പേജിലാണ് ഉണ്ണി ഈ കാര്യം പങ്ക് വെച്ചിരിക്കുന്നത്. “ലോഹിതദാസ് സാറിനെ ആദ്യായിട്ട് കാണുന്ന നിമിഷം മറക്കാൻ പറ്റാത്തതാണ്…. ഞാനൊരു white Shirt ഉം Blue ജീൻസൊക്കെ വാങ്ങിച്ചിരുന്നു അന്നെനിക്ക് നല്ല നീളമുള്ള മുടിയുണ്ടായിരുന്നു …. ലോഹിസാർ തന്ന അഡ്രസ്സ് മനസ്സിലാകാത്തതിനാൽ വീണ്ടും വീണ്ടും സാറിനെ വിളിച്ചു കൊണ്ടേയിരുന്നു ലോഹി സാറിന് സഹികെട്ടു … “ഏതേലും ഒാട്ടോക്കാരനോട് ചോദിക്ക് അവർ പറഞ്ഞുതരും…. ” ഞാനീ ഓട്ടോക്കാരന്റെ അടുത്തെത്തിയപ്പോഴേക്കും പുള്ളി പറഞ്ഞു…. “ലോഹിതദാസ് സാറിന്റെ വീട്ടിലേക്കായിരിക്കും അല്ലേ? ” അങ്ങനെ ഞാൻ സാറിന്റെ വീട്ടിലെത്തി ആരെയും കണ്ടില്ല അവിടെ പെട്ടെന്നൊരു ചേച്ചി പുറത്തേക്ക് വന്നു…
നെഞ്ചുവേദനയെ തുടർന്ന് നടൻ ശ്രീനിവാസനെ ആശുപത്രിയിൽ പ്രവേശിപ്പിച്ചു. ഇന്ന് രാവിലെ കൊച്ചിയിലെ ലാൽ മീഡിയയിൽ വെച്ചാണ് അസ്വസ്ഥത അനുഭവപ്പെട്ടത്. ഉടൻ തന്നെ കൊച്ചിയിലെ സ്വകാര്യ ആശുപത്രിയിലേയ്ക്ക് കൊണ്ടു പോകുകയായിരുന്നു. ഇന്ന് രാവിലെ ഡബ്ബിംങ്ങിനായി ലാൽ മീഡിയയിൽ എത്തുകയായിരുന്നു താരം. ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് കാറിൽ നിന്ന് ഇറങ്ങാൻ സാധിച്ചിരുന്നില്ല അതേ വാഹനത്തിൽ തന്നെ അദ്ദേഹത്തെ ആശുപത്രിയിൽ എത്തിക്കുകയായിരുന്നു. അത്യാഹിത വിഭാഗത്തിൽ പ്രവേശിപ്പിച്ച താരം അപകടനില തരണം ചെയ്‌തതായിട്ടാണ് റിപ്പോർട്ട്.
മധു സി നാരായണന്റെ സംവിധാനത്തിൽ ഷെയ്ൻ നിഗം, സൗബിൻ ഷാഹിർ, ശ്രീനാഥ് ഭാസി എന്നിവർ കേന്ദ്ര കഥാപാത്രങ്ങൾ ആകുന്ന കുമ്പളങ്ങി നൈറ്റ്‌സിലെ ‘ഉയിരിൽ തൊടും’ എന്ന മനോഹര പ്രണയ ഗാനത്തിന്റെ ലിറിക്കൽ വീഡിയോ പുറത്തിറങ്ങി. സുഷിൻ ശ്യാം ഈണമിട്ടിരിക്കുന്ന ഗാനം ആലപിച്ചിരിക്കുന്നത് സൂരജ് സന്തോഷും ആനി ആമിയുമാണ്. അൻവർ അലിയുടേതാണ് വരികൾ. ശ്യാം പുഷ്ക്കരൻ തിരക്കഥയും നസ്രിയ, ദിലീഷ് പോത്തൻ, ശ്യാം പുഷ്ക്കരൻ എന്നിവർ നിർമാണവും നിർവഹിക്കുന്ന ചിത്രം ഫെബ്രുവരി 7ന് തീയറ്ററുകളിൽ എത്തും. ഫഹദ് ഫാസിലും ശ്രദ്ധേയമായ ഒരു വേഷം ചിത്രത്തിൽ കൈകാര്യം ചെയ്യുന്നുണ്ട്. ഇതുവരെ ഇറങ്ങിയ ചിത്രത്തിന്റെ ടീസറിനും ട്രെയ്ലറിനും ഗാനത്തിനുമെല്ലാം മികച്ച സ്വീകരണമാണ് ലഭിച്ചത്.
ലോകം മുഴുവനുമുള്ള മമ്മൂട്ടിയുടെ ആരാധകരരും സിനിമാ പ്രേമികളും വന്‍ പ്രതീക്ഷയോടെയാണ് ‘പേരന്‍പ്’ കാണാന്‍ കാത്തിരിക്കുന്നത്. താരത്തിന്റെ അഭിനയ വഴക്കത്തിന്റെ തിളക്കമുള്ള ഏടാകും ഈ തമിഴ് ചിത്രമെന്നാണ് കരുതപ്പെടുന്നത്. ചിത്രം ഫെബ്രുവരി ഒന്നിനാണ് തിയേറ്ററുകളില്‍ എത്തുന്നത്. ചിത്രത്തില്‍ അമുധന്‍ എന്ന കഥാപാത്രമായാണ് മമ്മൂട്ടിയെത്തുന്നത്. ദേശീയ അവാര്‍ഡ് ജേതാവായ സാധനാ സര്‍ഗം ചിത്രത്തില്‍ മമ്മൂട്ടിയുടെ മകളായി വേഷമിടുന്നു. അഞ്ജലിയാണ് നായിക. നാല്‍പ്പത്തിയൊമ്ബതാമത് ഇന്‍റെര്‍നാഷണല്‍ ഫിലിം ഫെസ്റ്റിവല്‍ ഓഫ് ഇന്ത്യയുടെ ഇന്ത്യന്‍ പനോരമ സെക്ഷനിലേക്ക് ചിത്രം തിരഞ്ഞെടുക്കപ്പെട്ടിരുന്നു. ഗോവയില്‍ വലിയ സ്വീകാര്യതയാണ് ചിത്രത്തിന് ലഭിച്ചത്. കഴിഞ്ഞ ദിവസം കേരളത്തിൽ നടന്ന ആദ്യ പ്രിവ്യൂ ഷോയ്ക്കും ഗംഭീര പ്രതികരണമാണ് ലഭിച്ചത് .യുവാന്‍ ശങ്കര്‍ രാജയാണ് ചിത്രത്തിന്റെ സംഗീതം ഒരുക്കുന്നത്. ചിത്രത്തിലെ പുതിയ ടീസർ കാണാം
ഡബ്ബിങ് സമയത്ത് ഒരു സംവിധായകനെ തല്ലിയ സംഭവം ഓർത്തെടുത്ത് പ്രമുഖ ഡബ്ബിങ്ങ് ആർട്ടിസ്റ് ഭാഗ്യലക്ഷ്‌മി. ഒരു അഭിമുഖത്തിലാണ് ഭാഗ്യലക്ഷ്‌മി മനസ്സ് തുറന്നത്. “ഒരു റേപ്പ് ചെയ്യപ്പെട്ട പെൺകുട്ടിയ്ക്ക് വേണ്ടിയായിരുന്നു ചിത്രത്തിനു വേണ്ടി ഡബ്ബ് ചെയ്തത്. എന്നാൽ ഡബ്ബിങ്ങിനിടയിൽ സീൻ ശരിയാകുന്നില്ലെന്ന് സംവിധായകൻ വിളിച്ചു പറയുന്നുണ്ട്. എന്നാൽ റേപ്പ് ചെയ്യുന്നത് താനല്ല. അത് വില്ലനാണ് ചെയ്യുന്നത്. അത് അയാളോട് പറഞ്ഞ് ശരിയാക്കൂ എന്ന് ഞാൻ പറയുന്നുണ്ട്. തനിയ്ക്ക് ഈ സീൻ അലറി വിളിക്കാൻ മാത്രമേ ചെയ്യാനാകൂ. എന്നെ വിടൂ എന്നെ വിടൂ എന്ന് പറഞ്ഞ് കൊണ്ടിരിക്കുകയായിരുന്നു ഞാൻ. കുറെ ടേക്കുകളെടുത്തിട്ടും അയാൾ സംതൃപ്തനായിരുന്നില്ല. കുറച്ച് കഴിഞ്ഞ് അയാൾ സീറ്റിൽ നിന്ന് എഴുന്നേറ്റു നിന്ന് ബഹളം വയ്ക്കാൻ തുടങ്ങി. ഒരു റേപ്പ് സീൻ പോലും മര്യാദയ്ക്ക് ചെയ്യാൻ അറിയാത്ത എന്ത് ഡബ്ബിങ് ആർട്ടിസ്റ്റാണ് നിങ്ങളെന്നും ചോദിച്ച് അയാൾ എനിക്ക് നേരെ ഒരു മോശമായ പദപ്രയോഗം നടത്തി. ഒടുവിൽ ചിത്രത്തിനു വേണ്ടി ഡബ്ബ് ചെയ്യുന്നില്ലെന്ന തീരുമാനിച്ചു…
താരജാഡകളില്ലാത്തെ ജനങ്ങളോട് പെരുമാറുന്നത് കൊണ്ടാണ് സേതുപതി എല്ലാവരുടെയും ഇഷ്ടതാരമായി മാറിയിരുന്നത്. ഷൂട്ടിംഗ് ലൊക്കേഷനുകളില്‍ വെച്ച് ആരാധകര്‍ക്കൊപ്പം ചിത്രങ്ങളെടുക്കാനും താരം നിന്നുകൊടുക്കാറുണ്ട്. അടുത്തിടെ പുതിയ സിനിമയുടെ ഷൂട്ടിംഗിനായി കേരളത്തില്‍ എത്തിയപ്പോഴും ഇതിന് മാറ്റമുണ്ടായിരുന്നില്ല. തന്റെ ആരാധകരെ നിരാശരാക്കി മടക്കി അയക്കാന്‍ നടന്‍ തയ്യാറായിരുന്നില്ല. എല്ലാവര്‍ക്കൊപ്പവും ചിത്രങ്ങളെടുത്തും വിശേഷങ്ങള്‍ തിരക്കിയും നടന്‍ വീണ്ടും ജനപ്രിയനായി മാറി. ആലപ്പുഴയിലെ ഷൂട്ടിംഗിനിടെ മരുന്നു വാങ്ങാന്‍ പൈസ ചോദിച്ച അമ്മൂമ്മയ്ക്ക് സേതുപതി നല്‍കിയത് വൈറലായി മാറിയിരുന്നു. പിന്നീട് ഈ വീഡിയോയില്‍ കാണിച്ച സ്ത്രീ മരണപ്പെട്ടതായുളള റിപ്പോര്‍ട്ടുകള്‍ വന്നിരുന്നു. സെറ്റില്‍ കുഴഞ്ഞുവീണതിനെതുടര്‍ന്ന് ചങ്ങനാശ്ശേരി താലൂക്ക് ആശുപത്രിയില്‍ എത്തിക്കുകയും അവിടെ വെച്ച് അവര്‍ മരണപ്പെടുകയും ആണ് ഉണ്ടായത്. കാവാലം അച്ചാമ്മ എന്നായിരുന്നു അവരുടെ പേര്. ചെറിയ മാനസിക പ്രശ്‌നങ്ങള്‍ ഉണ്ടായിരുന്ന അച്ചാമ്മ അവിവാഹിതയായിരുന്നു. മുന്‍പ് ജയറാമിന്റെ സല്‍പ്പേര് രാമന്‍കുട്ടി എന്ന ചിത്രത്തില്‍ ഇവര്‍ ഒരു ചെറിയ വേഷത്തില്‍ അഭിനയിച്ചിരുന്നു.