Author: webadmin

ബ്ലോക്ക്ബസ്റ്ററായ കട്ടപ്പനയിലെ ഋത്വിക് റോഷന്റെ തമിഴ് പതിപ്പിന്റെ ഷൂട്ടിംഗ് കഴിഞ്ഞ് നാദിർഷ തന്റെ മലയാള ചിത്രത്തിലേക്ക് തിരിഞ്ഞിരിക്കുകയാണ്. നാദിർഷയുടെ കേശു ഈ വീടിന്റെ നാഥൻ എന്ന ചിത്രത്തിൽ നിന്ന് ദിലീപ് പിന്മാറിയെന്ന വാർത്ത പുറത്തുവന്നിരുന്നു. എന്നാൽ ഇത് അടിസ്ഥാന രഹിതമായ വാർത്തയെന്ന് നാദിർഷ മാധ്യമങ്ങളോട് പ്രതികരിച്ചു. നായകനായി തീരുമാനിച്ചിരുന്ന ദിലീപ് ഒഴിവായതോടെ ചിത്രം പാതിവഴിയിൽ ഉപേക്ഷിച്ചതായി വന്ന വാർത്തകളോടു പ്രതികരിക്കുകയായിരുന്നു അദ്ദേഹം. ദിലീപ് തന്റെ സിനിമയിൽ നിന്ന് പിന്മാറി എന്ന വാർത്ത തെറ്റാണെന്ന് അദ്ദേഹം പറഞ്ഞു. അതോടൊപ്പം തന്നെ തന്റെ ഫേസ്ബുക്ക് അക്കൗണ്ടിലെ ഒരു പോസ്റ്റിലൂടെ വ്യാജവാർത്തകൾ പരത്തുന്നവർക്ക് കുറിക്ക് കൊള്ളുന്ന മറുപടിയും കൊടുത്തിട്ടുണ്ട്. “ഈ സിനിമ നിർമ്മിക്കുന്നത് ദിലീപാണ്. കമ്മാരസംഭവത്തില്‍ ദിലീപ് ഇതേ െഗറ്റപ്പില്‍ വന്നിരുന്നു. അടുത്തടുത്ത് രണ്ടു സിനിമകളിൽ സാമ്യമുള്ള കഥാപാത്രങ്ങൾ വരാതിരിക്കാനാണ് ഈ വേഷത്തിൽനിന്നു ദിലീപ് മാറിനിന്നത്. ഈ തീരുമാനം ഞങ്ങൾ ഒരുമിച്ചെടുത്ത തീരുമാനമാണ്. മലയാളത്തിലെ മറ്റൊരു പ്രമുഖ നടൻ ഈ വേഷം കൈകാര്യം ചെയ്യും” നാദിർഷ…

Read More

ബിഗ് ബോസ് മലയാളത്തിന്റെ ആദ്യ സീസൺ അതിൻ്റെ അവസാനത്തോട് അടുക്കുകയാണ്. കേരളം കാത്തിരിക്കുന്നതും ആരാണ് വിജയി എന്നറിയാനാണ്. 100 ദിവസം പുറം ലോകവുമായി യാതൊരു ബന്ധവുമില്ലാതെയാണ് മത്സരാർത്ഥികൾ കഴിഞ്ഞിരുന്നത്. ബിഗ് ബോസ് നൽകുന്ന ടാസ്കുകൾ ചെയ്യുക എന്നതാണ് അവർക്കുള്ള വെല്ലുവിളി. അതിനിടയിലെ അസ്വാരസ്യങ്ങളും സൗഹൃദവുമെല്ലാമായി പരിപാടി മുന്നേറുന്നു. ലാലേട്ടനാണ് പ്രോഗ്രാമിന്റെ അവതാരകൻ. 70 ദിവസങ്ങൾക്ക് ശേഷം ബിഗ് ബോസിൽ നിന്നും പുറത്താക്കപ്പെട്ട ‘നിലപാട് മാമൻ’ എന്ന വിളിപ്പേര് സ്വന്തമാക്കിയ അനൂപ് ചന്ദ്രൻ മനസ്സ് തുറക്കുന്നു. “കേരളം എന്നെ അംഗീകരിച്ചതിന് ഏറെ നന്ദിയുണ്ട്. ഹൗസിൽ പലരുമായും വാക്കേറ്റത്തിൽ ഏർപ്പെടേണ്ടി വന്നിട്ടുണ്ട്. പക്ഷേ ഹൗസിന് പുറത്ത് അവരെല്ലാം എന്റെ പ്രിയപ്പെട്ടവർ ആയിരിക്കും. അവിടെയുണ്ടായിരുന്ന 70 ദിവസങ്ങൾ എനിക്ക് 70 വർഷങ്ങൾ പോലെയാണ് തോന്നിയത്. പുറംലോകവുമായി യാതൊരു ബന്ധവുമില്ലാതെ ഇത്രയും നാൾ എനിക്ക് ജീവിക്കുവാൻ കഴിയുമെന്ന് തെളിയിക്കാൻ കഴിഞ്ഞതിൽ ഞാൻ അഭിമാനിക്കുന്നു.” അനൂപ് ചന്ദ്രൻ പറഞ്ഞു. ഒരു സഹോദരിയെ പോലെ കരുതിയ പേർളി മാണി നടത്തിയ…

Read More

ശങ്കർ – രജനികാന്ത് കൂട്ടുകെട്ടിൽ ഒരുങ്ങുന്ന ബ്രഹ്മാണ്ഡ ചിത്രം 2.0ന്റെ ടീസർ പുറത്തിറങ്ങി. 2010ൽ ഇതേ കൂട്ടുകെട്ടിൽ ഇറങ്ങിയ എന്തിരന്റെ രണ്ടാം ഭാഗമാണ് ഈ ചിത്രം. ഏകദേശം 543 കോടി രൂപ ചിലവഴിച്ച് ഒരുക്കുന്ന 2.0 ഇന്നേവരെ ഇന്ത്യൻ സിനിമയിൽ ഒരുക്കിയിട്ടുള്ള ഏറ്റവും ചിലവേറിയ ചിത്രമാണ്. രജനികാന്തിനെ കൂടാതെ അക്ഷയ് കുമാർ, ആമി ജാക്‌സൺ എന്നിങ്ങനെ ഒരു വമ്പൻ താരനിര തന്നെ ചിത്രത്തിൽ അണിനിരക്കുന്നുണ്ട്. എ ആർ റഹ്മാനാണ് ഗാനങ്ങൾ ഒരുക്കിയിരിക്കുന്നത്. സാങ്കേതികവിദ്യയുടെ ഏറ്റവും പ്രബലമായ ഒരു ദൃശ്യവിരുന്ന് തന്നെയായിരിക്കും ചിത്രമെന്ന് ടീസർ ഉറപ്പ് തരുന്നു. ലൈക്ക പ്രൊഡക്ഷൻസ് നിർമിക്കുന്ന ചിത്രം നവംബർ 29നാണ് റിലീസ് നിശ്ചയിച്ചിരിക്കുന്നത്.

Read More

ലാൽ ജോസ് സംവിധാനം നിർവഹിച്ച ദിലീപ് ചിത്രം മുല്ലയിലൂടെ മലയാളികളുടെ മനസ്സിൽ ഇടം പിടിച്ച നടിയാണ് മീര നന്ദൻ. തുടർന്നും ഒട്ടനവധി വേഷങ്ങളിലൂടെ പ്രേക്ഷകരുടെ മനസ്സിൽ ഒരു പ്രത്യേക സ്ഥാനം നേടിയെടുക്കുവാനും മീര നന്ദന് കഴിഞ്ഞിട്ടുണ്ട്. കൂടാതെ അജ്മാനിലെ ഗോൾഡ്‌ എഫ് എമിൽ റേഡിയോ ജോക്കി കൂടിയാണ് അവതാരകയും മോഡലുമായ മീര നന്ദൻ. അതു പോലെ തന്നെ സോഷ്യൽ മീഡിയയിലും ഒരു സ്ഥിര സാന്നിധ്യമാണ് നടി. ഇൻസ്റ്റാഗ്രാമിൽ മീര പോസ്റ്റ് ചെയ്ത ഒരു ചിത്രത്തിന് ഒരാൾ ഇട്ട കമന്റും അതിന് മീര കൊടുത്ത മറുപടിയുമാണ് ഇപ്പോൾ വൈറൽ ആയിരിക്കുന്നത്. അസഭ്യമായ ഭാഷയിൽ കമന്റ് ചെയ്ത വ്യക്തിക്ക് അയാൾ പ്രതീക്ഷിച്ചിട്ട് പോലുമില്ലാത്ത ഒരു മറുപടിയാണ് നടി കൊടുത്തത്. എന്തായാലും അങ്ങേര് പോസ്റ്റ് ഡിലീറ്റ് ചെയ്ത് കണ്ടം വഴി ഓടിയിട്ടുണ്ട്…!

Read More

തുടർച്ചയായ ഹിറ്റുകൾ കൊണ്ട് തമിഴ് സിനിമാലോകത്ത് തന്റേതായ ഒരു ഇരിപ്പിടം കരസ്ഥമാക്കിയിരിക്കുകയാണ് ശിവകാർത്തികേയൻ. വേലൈക്കാരന്റെ വമ്പൻ വിജയത്തിന് ശേഷം ശിവകാർത്തികേയൻ നായകനാകുന്ന സീമാരാജ സെപ്റ്റംബർ 13ന് തീയറ്ററുകളിലേക്ക് എത്തുകയാണ്. പൊൻറാം സംവിധാനം നിർവഹിക്കുന്ന ചിത്രത്തിന്റെ നിർമാണം 24AM സ്റ്റുഡിയോസാണ്. സാമന്ത അക്കിനേനിയാണ് ചിത്രത്തില്‍ നായികാ വേഷത്തിലെത്തുന്നത്.ലാലും ചിത്രത്തിൽ പ്രധാന വേഷത്തിൽ എത്തുന്നുണ്ട്. ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്ന സൂരിയുടെ പുതിയ ചിത്രമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഇന്ത്യന്‍ സിനിമയില്‍ തന്നെ ഇത് ആദ്യമായിട്ടായിരിക്കും ഒരു ഹാസ്യതാരം ചിത്രത്തിനായി സിക്സ് പാക്കില്‍ പ്രത്യേക്ഷപ്പെടുന്നത്.മാസങ്ങള്‍ നീണ്ട അധ്വാനത്തിലൂടെയാണ് അദ്ദേഹം ഈ നേട്ടം കൈവരിച്ചത്. സൂരിയുടെ കഠിനാധ്വാനത്തെ പ്രകീര്‍ത്തിച്ച്‌ സോഷ്യല്‍മീഡിയയില്‍ പോസ്റ്റുകള്‍ നിറയുകയാണ്.

Read More

സുരേഷ് ദിവാകര്‍ സംവിധാനം നിർവഹിച്ചു ബിജു മേനോൻ നായകനായി എത്തുന്ന ആനക്കള്ളന്റെ ഷൂട്ടിങ് പൂർത്തിയായി.65 ദിവസം നീണ്ടു നിന്ന വലിയ ഷൂട്ടിങ് ഷെഡ്യൂൾ ആയിരുന്നു ചിത്രത്തിന്റേത്. പഞ്ചവര്‍ണതത്തക്ക് ശേഷം സപ്ത തരംഗ് സിനിമ നിര്‍മിക്കുന്ന ചിത്രത്തിന്റെ ഛായാഗ്രഹണം ആല്‍ബിയാണ്. നാദിര്‍ഷ ഗാനങ്ങള്‍ ഒരുക്കുന്നു. ജോണ്‍കുട്ടിയാണ് എഡിറ്റിംഗ്. പ്രൊഡക്ഷന്‍ കണ്‍ട്രോളര്‍ – മനോജ് കരന്തൂര്‍, കോസ്റ്റ്യും – അരുണ്‍ മനോഹര്‍ തിരുവനന്തപുരം, കോയമ്പത്തൂര്‍, പാലക്കാട്, ഫോര്‍ട്ട് കൊച്ചി, ആലപ്പുഴ എന്നിവിടങ്ങളിലായിരുന്നു ചിത്രത്തിന്റെ ഷൂട്ടിങ്ങ് .ഉദയകൃഷ്ണ ആണ് ചിത്രത്തിന്റെ തിരക്കഥ രചിച്ചിരിക്കുന്നത്. അനുശ്രീ, ഷംന കാസിം എന്നിവരാണ് നായികമാരായി എത്തുന്നത്. കൂടാതെ പ്രിയങ്ക, ബിന്ദു പണിക്കര്‍, സിദ്ധിഖ്, ഹരീഷ് കണാരന്‍, ധര്‍മജന്‍, സുരാജ് വെഞ്ഞാറമൂട്, സുധീര്‍ കരമന, കൈലാഷ്, ബാല, സായികുമാര്‍, സുരേഷ് കൃഷ്ണ, ഇന്ദ്രന്‍സ് എന്നിവരും ചിത്രത്തില്‍ വേഷമിടുന്നു. മലയാളികളെ വര്‍ഷങ്ങളായി ചിരിപ്പിച്ചു കൊണ്ടിരിക്കുന്ന ഇത്തരമൊരു വമ്പന്‍ താരനിര അണിനിരക്കുമ്പോള്‍ ഒരു അഡാര്‍ ചിരിവിരുന്ന് തന്നെ പ്രതീക്ഷിക്കാം.

Read More

അമർ അക്ബർ അന്തോണി, കട്ടപ്പനയിലെ ഋത്വിക് റോഷൻ എന്നീ സൂപ്പർഹിറ്റുകൾക്ക് ശേഷം നാദിർഷ ഒരുക്കുന്ന പുതിയ ചിത്രം ‘മേരാ നാം ഷാജി’യിലെ ബിജു മേനോൻ, ആസിഫ് അലി , ബൈജു എന്നിവർ നായകന്മാരായി എത്തുന്നു. മൂന്ന് ഷാജിമാരുടെ കഥ തമാശയും ആക്ഷനും സസ്‌പെൻസും ചേർത്തൊരുക്കുന്ന ചിത്രത്തിന്റെ തിരക്കഥ കഥയിലെ നായിക എന്ന ചിത്രം സംവിധാനം ചെയ്‌ത ദിലീപാണ്. ശ്രീനിവാസൻ ഒരു പ്രധാന കഥാപാത്രത്തെ അവതരിപ്പിക്കുന്ന ചിത്രത്തിൽ നിഖില വിമലാണ് നായിക. തിരുവനന്തപുരം ഷാജിയായി ബൈജുവും കോഴിക്കോട് ഷാജിയായി ബിജു മേനോനും കൊച്ചിക്കാരൻ ഷാജിയായി ആസിഫ് അലിയും എത്തുന്നു. നവംബർ 16ന് തിരുവനന്തപുരത്ത് ചിത്രത്തിന്റെ ഷൂട്ട് തുടങ്ങും. കൊച്ചിയും കോഴിക്കോടുമാണ് മറ്റ് ലൊക്കേഷനുകൾ. ഇതിനിടയിൽ കട്ടപ്പനയിലെ ഋത്വിക് റോഷൻ തമിഴ് പതിപ്പും നാദിർഷാ പൂർത്തിയാക്കി. ചിത്രം ഉടൻ തീയറ്ററുകളിൽ എത്തും.

Read More

സംവിധായകൻ ബി ഉണ്ണികൃഷ്ണൻ ഒരുക്കുന്ന ദിലീപ് ചിത്രം നീതിയിൽ മംമ്ത മോഹൻദാസും പ്രിയ ആനന്ദും നായികമാരായി എത്തുന്നു. സംവിധായകൻ തന്നെയാണ് ചിത്രത്തിന്റെ തിരക്കഥയും രചിക്കുന്നത്. പാസ്സഞ്ചർ, അരികെ, മൈ ബോസ്, 2 കൺട്രീസ് എന്നീ ചിത്രങ്ങളിൽ ദിലീപിന്റെ നായികയായി അഭിനയിച്ചിട്ടുള്ള നടിയാണ് മംമ്ത മോഹൻദാസ്. എസ്രയിലൂടെ മലയാളികൾക്ക് പരിചിതയായ പ്രിയ ആനന്ദ് നിവിൻ പോളി നായകനായ ബ്രഹ്മാണ്ഡ ചിത്രം കായംകുളം കൊച്ചുണ്ണിയിലെയും നായികയാണ്. വിക്കുള്ള ഒരു വക്കീലിന്റെ വേഷമാണ് ദിലീപ് ചിത്രത്തിൽ കൈകാര്യം ചെയ്യുന്നത് എന്നാണ് റിപ്പോർട്ടുകൾ. നീതിയിലൂടെ ഇന്ത്യയിലെ വമ്പൻ പ്രൊഡക്ഷൻ കമ്പനികളിൽ ഒന്നായ വിയാകോം 18 മലയാളത്തിലേക്ക് എത്തുകയാണ്. കഹാനി. അവൾ, പത്മാവത് തുടങ്ങിയ ചിത്രങ്ങളുടെ നിർമാതാക്കളാണ് വിയാകോം 18. അതേ സമയം ദിലീപിനെ നായകനാക്കി രാമചന്ദ്ര ബാബു ഒരുക്കുന്ന പ്രൊഫസർ ഡിങ്കൻ ഷൂട്ട് പുരോഗമിച്ചുകൊണ്ടിരിക്കുകയാണ്.

Read More

പ്രണവ് മോഹൻലാലിനെ നായക പദവിയിലേക്ക് ഉയർത്തി ആദി എന്ന ബ്ലോക്ക്ബസ്റ്റർ ചിത്രത്തിന് ശേഷം ജീത്തു ജോസഫിന്റെ നായകനായി മറ്റൊരു താരപുത്രൻ കൂടിയെത്തുന്നു. പൂമരത്തിലൂടെ മലയാളത്തിലെ തന്റെ നായകനായുള്ള അരങ്ങേറ്റം ഗംഭീരമാക്കിയ കാളിദാസ് ജയറാമാണ് ജീത്തു ജോസഫിന്റെ പുതിയ നായകൻ. ഇമ്രാൻ ഹാഷ്മിയെ നായകനാക്കി ഒരുക്കിയ ഹിന്ദി ചിത്രത്തിന് ശേഷം ജീത്തു ജോസഫ് ഒരുക്കുന്ന ഈ ചിത്രത്തിന്റെ നിർമാണം വിന്റേജ് ഫിലിംസും ശ്രീ ഗോകുലം മൂവീസും ചേർന്നാണ്. വലിയ താരനിര അണിനിരക്കുന്ന ചിത്രത്തിന്റെ പൂജ കഴിഞ്ഞ ദിവസം നടന്നു. ബ്ലോക്ക്ബസ്റ്റർ സംവിധായകനൊപ്പം മറ്റൊരു കഴിവുറ്റ യുവനായകൻ കൂടി ചേരുമ്പോൾ പ്രതീക്ഷകൾ ഏറെയാണ്. അതോടൊപ്പം തന്നെ കാളിദാസ് ജയറാമിന്റേതായി ഒരു കൂട്ടം മികച്ച ചിത്രങ്ങളും അണിയറയിൽ ഒരുങ്ങുന്നുണ്ട്. നിപ്പ വൈറസിനെതിരെ സധൈര്യം പോരാടിയ കേരളത്തിന്റെ കഥ പറയുന്ന ആഷിഖ് അബു ചിത്രമാണ് അതിലൊന്ന്. മിഥുൻ മാനുവൽ തോമസ് ഒരുക്കുന്ന അർജന്റീന ഫാൻസ് കാട്ടൂർകടവ് എന്ന ചിത്രത്തിലും കാളിദാസ് തന്നെയാണ് നായകൻ. നേരം, പ്രേമം തുടങ്ങിയ…

Read More

മമ്മൂക്കയുടെ ഏറ്റവും പുതിയ ചിത്രമാണ് ഒരു കുട്ടനാടൻ ബ്ലോഗ്.തിരക്കഥാകൃത്ത് സേതു ആദ്യമായി സംവിധാനം ചെയ്യുന്ന ചിത്രമാണിത്. പേര് സൂചിപ്പിക്കുന്നത് പോലെ കുട്ടനാട്ടിലെ ഗ്രാമ പ്രദേശത്തെ കഥയാകും ചിത്രം പറയുന്നത്.ലക്ഷ്മി റായ്,അനു സിത്താര,ദീപ്തി സതി എന്നിവർ ആയിരിക്കും ചിത്രത്തിൽ നായികമാരായി എത്തുന്നത്. മമ്മൂട്ടിയോടൊപ്പം ഉള്ള റായ് ലക്ഷ്മിയുടെ അഞ്ചാം ചിത്രമാണ് ഇത്. നെടുമുടി വേണു, സുരാജ് വെഞ്ഞാറമൂട്,സിദ്ദിഖ് തുടങ്ങിയവരും അഭിനയിക്കുന്നു.ചിത്രത്തിലെ കാവാലം എന്ന ഗാനം കാണാം

Read More