അനുരാഗ കരിക്കിന്‍ വെള്ളം എന്ന ആദ്യ ചിത്രത്തിലൂടെ തന്നെ സൂപ്പര്‍ഹിറ്റ് സ്വന്തമാക്കിയ ഖാലിദ് റഹ്മാന്‍ സംവിധാനം ചെയ്യുന്ന മമ്മൂട്ടി ചിത്രം’ഉണ്ട’ സെപ്റ്റംബറില്‍ ഷൂട്ടിംഗ് തുടങ്ങും. പേരിന്റെ പ്രത്യേകത കൊണ്ട് പ്രഖ്യാപന വേളയില്‍ തന്നെ ശ്രദ്ധ നേടിയ ചിത്രത്തില്‍ ബിജു മേനോനും പ്രധാന വേഷത്തില്‍ എത്തുന്നുണ്ട്. ധര്‍മിക് ഫിലിംസ് നിര്‍മിക്കുന്ന ചിത്രത്തിലൂടെ മമ്മൂട്ടി വീണ്ടും പൊലീസ് വേഷത്തില്‍ എത്തുകയാണ്. ഹര്‍ഷാദാണ് തിരക്കഥ ഒരുക്കുന്നത്. വടക്കേ ഇന്ത്യയായിരിക്കും ഉണ്ടയുടെ പ്രധാന ലൊക്കേഷന്‍. ഷൈജു ഖാലിദായിരിക്കും ക്യാമറ കൈകാര്യം ചെയ്യുന്നത്.
Author: webadmin
പീറ്റർ ഹെയ്‌ൻ എന്ന ആക്ഷൻ കൊറിയോഗ്രാഫർ എന്നും സൃഷ്ടിക്കുന്നത് അത്ഭുതങ്ങൾ തന്നെയാണ്. അത് അദ്ദേഹം ചെയ്‌തിട്ടുള്ള ചിത്രങ്ങളുടെ ലിസ്റ്റ് എടുത്താൽ തന്നെ അറിയാവുന്നതാണ്. അത്തരത്തിൽ ഉള്ള ഒരു ചിത്രമാണ് ബ്രഹ്മാണ്ഡ ചിത്രങ്ങളുടെ കുലപതി ശങ്കർ ചെയ്‌ത അന്ന്യൻ എന്ന ചിത്രം. ചിത്രത്തിലെ ഓരോ സംഘട്ടനരംഗങ്ങളും ഒന്നിനൊന്ന് മെച്ചമാണ്. പക്ഷേ ഇവക്കിടയിലും ഒളിഞ്ഞിരിക്കുന്ന ചില അപകടങ്ങൾ ഉണ്ട്. അത്തരത്തിൽ ഒന്നാണ് അന്ന് ലൊക്കേഷനിൽ സംഭവിച്ചത്. ആക്ഷൻ കോറിയോഗ്രാഫർ സ്റ്റണ്ട് സിൽവയാണ് ആ അനുഭവം സിനിമാ ലോകത്തിനു മുന്നിൽ ഇപ്പോൾ വെളിപ്പെടുത്തിയിരിക്കുന്നത്. അന്ന്യന്റെ സ്റ്റണ്ട് കോര്‍ഡിനേറ്റര്‍ സില്‍വയായിരുന്നു. പീറ്റര്‍ ഹെയിനായിരുന്നു അന്യന്റെ സ്റ്റണ്ട് മാസ്റ്റര്‍. അന്ന് ശങ്കർ പോലും പൊട്ടിക്കരഞ്ഞുപോയ നിമിഷത്തെ കുറിച്ച് സിൽവ പറയുന്നത് ഇങ്ങിനെ.., “അന്ന്യനിലെ ഒരു പ്രധാന സംഘട്ടനരംഗം ചിത്രീകരിക്കുകയായിരുന്നു. ആ സിനിമയിലെ തന്നെ പ്രധാന ഫൈറ്റ് സീൻ. 150തോളം കരാട്ടേ വിദഗ്ധര്‍ ഉള്‍പ്പെടുന്ന രംഗം. ഏകദേശം മുപ്പതുദിവസമെടുത്താണ് ആ രംഗം ചിത്രീകരിക്കുന്നത്. വിക്രമിന്റെ മുകളിലേയ്ക്ക് ഒരു എഴുപത്തഞ്ചോളം പേര്…
പൃഥ്വിരാജിനെ പോലെ തന്നെ ഇൻസ്റ്റാഗ്രാമിൽ ആക്റ്റീവാണ് ഭാര്യ സുപ്രിയയും. അത് ഇപ്പോൾ പൃഥ്വിരാജിന് പണിയായിരിക്കുകയാണ്. എട്ടിന്റെ പണിയല്ലെങ്കിലും ഒരു ചെറിയ പണി..! പൃഥ്വിരാജ് ഇപ്പോൾ ‘നയൻ’ എന്ന ചിത്രത്തിന്റെ ഷൂട്ടിങ് തിരക്കുകളിലാണ്. പൃഥ്വിരാജ് പ്രൊഡക്ഷൻസിന്റെ ആദ്യചിത്രം കൂടിയാണ് ഇത്. അതിന്റെ കാര്യങ്ങൾ നോക്കുന്നതാകട്ടെ ഭാര്യ സുപ്രിയയും. സോണി പിക്‌ചേഴ്‌സിന്റെ കൂടെ പങ്കാളിത്തത്തോട് കൂടിയാണ് നിർമാണം. ജെനുസ് മുഹമ്മദാണ് നിർമാണം. അതിന്റെ ഇടയിലാണ് മനോഹരമായ ഒരു റെസ്റ്റോറന്റിൽ ഇരുന്ന് അവിടെ നിന്ന് വാങ്ങിയ ഒരു ചായയുടെ ഫോട്ടോ പൃഥ്വിരാജ് റയ്ഹാന്റെ ഇൻസ്റ്റാഗ്രാമിൽ പോസ്റ്റ് ചെയ്തത്. ‘നയൻ’ സിനിമാറ്റോഗ്രാഫർ അഭിനന്ദൻ രാമാനുജത്തേയും ടാഗ് ചെയ്തു. അതിന് സുപ്രിയയുടെ കമന്റാണ് ഇപ്പോൾ ട്രെൻഡ് ആയിരിക്കുന്നത്. ക്യാമറാമാനും നായകനും ചായ കുടിച്ചിരിക്കാതെ പോയി പണിയെടുക്കാനാണ് സുപ്രിയ കമന്റ് ചെയ്തത്. ഒരു പ്രൊഡ്യൂസറിന്റെ വേദന ആ പ്രൊഡ്യൂസറിനല്ലേ അറിയൂ. എന്തായാലും അതിനുള്ള പൃഥ്വിരാജിന്റെ മറുപടി രസകരമാണ്. ‘പ്രൊഡ്യൂസർ….എസ്‌കേപ്പ്..’ എന്നാണ് പൃഥ്വിരാജ് അതിന് റിപ്ലൈ കൊടുത്തത്. @abinandhanramanujam CHECK! ?…
മലയാളി പ്രേക്ഷകരുടെ ഇഷ്ട യുവതാരം കാളിദാസ് ജയറാം സോഷ്യൽ മീഡിയയിൽ ഏറെ ആക്റ്റീവ് ആയിട്ടുള്ള ഒരു വ്യക്തിയാണ്. രസകരമായ പോസ്റ്റുകളും ഫോട്ടോസുമെല്ലാമായി ആരാധകരോട് സ്ഥിരം സമ്പർക്കം പുലർത്തുന്ന കാളിദാസിന്റെ ഇൻസ്റ്റാഗ്രാമിലെ സ്റ്റോറിയാണ് സംഭവം. ഇറച്ചിച്ചോറിന്റെ ഫോട്ടോ സ്റ്റോറിയായി ഇട്ട കാളിദാസ് അപ്പോഴാണ് മുസ്ലിം സഹോദരങ്ങൾക്ക് ഇപ്പോൾ നോമ്പ് തുടങ്ങിയ കാര്യമോർത്തത്. അപ്പോൾ തന്നെ ആ ഫോട്ടോ ഇട്ടതിന് മാപ്പ് ചോദിച്ച് കാളിദാസ് പുതിയ സ്റ്റോറി അപ്‌ലോഡ് ചെയ്യുകയും ചെയ്തു. വളരെ മാതൃകാപരവും അഭിനന്ദനാർഹവുമായ കാളിദാസിന്റെ ഈ പ്രവൃത്തി ഓരോരുത്തരും കണ്ടു പഠിക്കേണ്ടതാണ്. മതത്തിന്റെ പേരിൽ തല്ലുണ്ടാക്കുന്നവർ മറ്റുള്ള മതങ്ങളേയും അതിന്റെ ആചാരാനുഷ്ഠാനങ്ങളെയും ബഹുമാനിക്കുന്ന ഇത്തരം പ്രവൃത്തികൾ കണ്ടു പഠിക്കേണ്ടതാണ്.
നിവിൻ പോളിയെ നായകനാക്കി ഗീതു മോഹൻദാസ് ഒരുക്കുന്ന മൂത്തോന്റെ ചിത്രീകരണം പൂർത്തിയായി. തലമുടി പറ്റെ വെട്ടി കലിപ്പ് ലുക്കിലെത്തുന്ന നിവിൻ പോളി തന്നെയാണ് ചിത്രത്തിന്റെ പ്രധാന ആകർഷണം. തന്റെ മൂത്ത ജ്യേഷ്ഠനെ അന്വേഷിച്ച് പോകുന്ന ലക്ഷദ്വീപ് സ്വദേശിയായ ഒരു പതിനൊന്നുക്കാരൻ പയ്യന്റെ കഥയാണ് ചിത്രത്തിലൂടെ പറയുന്നത്. നിവിനെ കുറിച്ച് സംവിധായക ഗീതു മോഹൻദാസിന്റെ വാക്കുകൾ.. “നിവിനല്ലായിരുന്നെങ്കിൽ മൂത്തോൻ എന്നൊരു പ്രോജക്ട് ഇതുപോലെ ആകുമായിരുന്നില്ല, സഖാവിന് സല്യൂട്ട്. മൂത്തചേട്ടനെ ലക്ഷദ്വീപിൽ മൂത്തോൻ എന്നാണ് വിളിക്കുന്നത്. മൂത്തവൻ എന്നാണ് അർഥം. മൂത്തോന്‍ മലയാള ചിത്രമായിട്ടാണ് ചിത്രീകരിക്കുക. ലൊക്കേഷനിൽ ബോംബെയും ഉൾപ്പെട്ടിരിക്കുന്നതിനാൽ കഥാപാത്രങ്ങളില്‍ ഭാഷയായി ഹിന്ദി കടന്നുവരുന്നുണ്ട്. ബോംബെയില്‍ നടക്കുന്ന ഭാഗങ്ങളുടെ സംഭാഷണം രചിച്ചിരിക്കുന്നത് അനുരാഗ് കശ്യപ് ആണ്. ആ കഥാപാത്രത്തിന് യോജിച്ച ആൾ എന്ന രീതിയിലാണ് നിവിനെ കാസ്റ്റ് ചെയ്തത്. വ്യത്യസ്തമായ സിനിമകൾ ചെയ്യണമെന്ന് ആഗ്രഹിക്കുന്ന വ്യക്തിയാണ് നിവിൻ. എനിക്കും ക്ലീഷേ കാസ്റ്റിങ്ങ് ആകരുതെ വിചാരമുണ്ടായിരുന്നു. കഥ നിവിനും ഇഷ്ടമായി.”
കണ്ണിറുക്കിയും പുരികം വളച്ചും വെടി വെച്ചിട്ടും പ്രേക്ഷകരെ കീഴടക്കിയ ഒമർ ലുലു ചിത്രം ഒരു അഡാർ ലൗവിലെ തമിഴ് സോങ് ടീസർ പുറത്തിറങ്ങി. ഷാൻ റഹ്മാന്റെ മനോഹരമായ സംഗീതത്തിൽ ഒരുങ്ങുന്ന ഗാനത്തിൽ റോഷനും പ്രിയയും നൂറിനുമെല്ലാം ഒന്നിക്കുന്നുണ്ട്. സെപ്റ്റംബർ മാസം ചിത്രം തീയറ്ററുകളിൽ എത്തുമെന്നാണ് ടീസറിൽ പറഞ്ഞിരിക്കുന്നത്. എന്തായാലും ഒരു അഡാർ ലൗ ഹൃദയങ്ങൾ കീഴടക്കുന്നത് കാണാനായി കാത്തിരിക്കാം.
ദുൽഖർ സൽമാൻ ഇന്നലെ അദ്ദേഹത്തിന്റെ ഫേസ്ബുക്ക് പേജിലൂടെ കേരള സ്ട്രീറ്റ് എന്ന ടൈറ്റിലോടു കൂടിയ ഒരു വീഡിയോ പുറത്തു വിട്ടിരുന്നു. സിനിമയാണോ അതോ ഇനി ഏതേങ്കിലും പരസ്യമാണോ എന്നൊന്നും ഉറപ്പ് തരാത്ത ഒരു ടീസർ ആയിരുന്നു അത്. DQ 4 MLYLM എന്ന ടീസറിലുള്ള കാറിന്റെ നമ്പർ തന്നെയാണ് ഏറെ കൗതുകം ഉണർത്തിയതും. വിഷ്‌ണു ഉണ്ണികൃഷ്ണനും ബിബിനും ചേർന്ന് ഒരുക്കുന്ന പുതിയ ചിത്രത്തിൽ ദുൽഖർ സൽമാനാണ് നായകനെന്ന് നേരത്തെ തന്നെ സ്ഥിരീകരിച്ച റിപ്പോർട്ടുകൾ ഉണ്ടായിരുന്നു. ഇത് ആ ചിത്രമാണെന്ന് പല വാർത്തകളും വീഡിയോ പുറത്തിറങ്ങിയതിന് പിന്നാലെ എത്തിയിരുന്നു. എന്നാൽ വിഷ്‌ണു ഉണ്ണികൃഷ്ണൻ തന്നെ അതിന് ഉത്തരവുമായെത്തിയിരിക്കുകയാണ്. ” ഞങ്ങളുടെ അടുത്ത ചിത്രം ദുൽഖർ സൽമാന് ഒപ്പം തന്നെയാണ്. പക്ഷേ അതിന്റെ പേര് കേരള സ്ട്രീറ്റ് എന്നല്ല. ഇത് ഒരു പക്ഷെ വല്ല പരസ്യത്തിന്റെയും ടീസർ വല്ലതുമായിരിക്കും.”
ഒരു നീണ്ട ഇടവേളക്ക് ശേഷം അനൂപ് മേനോൻ വീണ്ടും തിരക്കഥാകൃത്താകുന്ന ചിത്രമാണ് എന്റെ മെഴുതിരി അത്താഴങ്ങൾ. അനൂപ് മേനോൻ തന്നെ നായകനാകുന്ന ചിത്രത്തിൽ മിയയാണ് നായികയായി എത്തുന്നത്. 999 എന്റർടൈൻമെൻറ്സിന്റെ ബാനറിൽ സൂരജ് നോബിൾ ജോസ് നിർമിക്കുന്ന ചിത്രത്തിന്റെ സംവിധാനം സൂരജ് തോമസാണ്. ചിത്രത്തിലെ ‘നീല നീല മിഴികളോ’ എന്ന ഗാനത്തിന്റെ ലിറിക്കൽ വീഡിയോ കഴിഞ്ഞ ദിവസം ഇറങ്ങി പ്രേക്ഷകഹൃദയങ്ങൾ കവർന്നിരുന്നു. ഇപ്പോൾ ആ ഗാനത്തിന്റെ വീഡിയോ പുറത്തിറങ്ങിയിരിക്കുകയാണ്. അനൂപ് മേനോനും മിയയും പ്രണയാർദ്രരായി എത്തുന്ന ഗാനത്തിന് കൂടുതൽ മിഴിവേകി എം ജയചന്ദ്രന്റെ സംഗീതവും വിജയ് യേശുദാസിന്റെ ആലാപന സൗകുമാര്യവും റഫീഖ് അഹമ്മദിന്റെ പ്രണയം നിറഞ്ഞ വരികളുമുണ്ട്. ജിത്തു ദാമോദറാണ് കാമറ കൈകാര്യം ചെയ്യുന്നത്.
കബാലി ഒരുക്കിയ സംവിധായകൻ പാ രഞ്ജിത്ത് സംവിധാനം ചെയ്യുന്ന അടുത്ത ചിത്രമാണ് കാല.രജനികാന്ത് ആണ് ഈ ചിത്രത്തിലും നായകനായി എത്തുന്നത്. രജനികാന്ത് ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കാല.രജനിയുടെ മാസ്സ് പരിവേഷവും നടനവൈഭവവും ഒരേപോലെ ഉപയോഗപ്പെടുത്തുന്ന ചിത്രമാകും കാല.ചിത്രത്തിന്റെ റിലീസ് തിയതി ഇപ്പോൾ പ്രഖ്യാപിച്ചിരിക്കുകയാണ്.ജൂണ് 7നാണ് ചിത്രം പുറത്തിറങ്ങുക . ചിത്രത്തിന്റെ ഫസ്റ്റ് ലുക്ക് പോസ്റ്ററിൽ രജനീകാന്തിനോട് ഒപ്പം തന്നെ ചർച്ചയായ താരമാണ് മണി എന്ന നായ.തെരുവോരത്തിന്റെ സന്തതിയായിരുന്ന മണി അപ്രതീക്ഷിതമായാണ് കാലയിൽ എത്തുന്നത്. തെരുവോരത്ത് പട്ടിണിയും കുപ്പത്തൊട്ടിയിൽ അലഞ്ഞും നടന്ന മണിയല്ല ഇന്നവൻ. ഇന്ന് ലോകമറിയുന്ന കോടിക്കണക്കിനു വിലയുള്ള താരമാണ് . രണ്ട് മുതല്‍ മൂന്ന് കോടിയോളം രൂപ വരെ വരും അവന്റെ മൂല്യം. അവന്റെ ഭാവി മാറ്റിമറിച്ചത് മറ്റാരുമല്ല. .ജർമൻ ഷെപ്പേഡ്, ഡോബര്‍മാന്‍ തുടങ്ങിയ പട്ടികളെ അരികില്‍ ഇരുത്തി ഞെളിഞ്ഞിരിക്കുന്ന നായകനെ അല്ലെങ്കില്‍ വില്ലനെ കണ്ടുമാത്രം ശീലിച്ചിട്ടുള്ള പ്രേക്ഷകര്‍ക്ക് അതൊരു പുതുമയായിരുന്നു. മുപ്പത് വര്‍ഷങ്ങളായി ഡോഗ് ട്രെയിനറായി…
രഞ്ജിത്ത് ശങ്കർ ഒരുക്കുന്ന ഞാൻ മേരിക്കുട്ടിക്ക് വേണ്ടി പെൺവേഷം കെട്ടിയ ജയസൂര്യ സോഷ്യൽ മീഡിയ ആകെ നിറഞ്ഞു നിൽക്കുകയാണ്. ജയസൂര്യയുടെ കമ്മിറ്റ്മെന്റ് തന്നെയാണ് ഏറെ ചർച്ച ചെയ്യപ്പെടുന്നതും. ചിത്രത്തിന്റെ ട്രെയ്‌ലറും ഒക്കെ തരംഗം സൃഷ്ടിച്ച് മുന്നേറുകയാണ്. അതിനിടയിലാണ് ജയസൂര്യയുടെ ഭാര്യ സരിത ജയസൂര്യയെ നൈസായിട്ട് ഒന്ന് ട്രോളിയിരിക്കുകയാണ് സംവിധായകൻ രഞ്ജിത്ത് ശങ്കർ. സരിത ജയസൂര്യ തന്നെയാണ് മേരിക്കുട്ടിയുടെ വസ്‌ത്രങ്ങൾ ഡിസൈൻ ചെയ്‌തിരിക്കുന്നത്‌ . പനമ്പിള്ളി നഗറിലുള്ള സരിത ജയസൂര്യയുടെ ഷോപ്പിന്റെ പരസ്യത്തിലും മേരിക്കുട്ടിയുടെ ലുക്കിലാണ് ജയസൂര്യ എത്തിയിരിക്കുന്നത്. അങ്ങനെയുള്ള ഒരു പരസ്യ ബോർഡ് തന്റെ ഫേസ്ബുക്ക് പേജിൽ പോസ്റ്റ് ചെയ്‌തിരിക്കുകയാണ് രഞ്ജിത്ത് ശങ്കർ. ക്യാപ്ഷന് ഒരു കിടുവേ തീർച്ചയായും കിട്ടും. “ലോക ചരിത്രത്തിൽ ആദ്യമായി സ്വന്തം കടയുടെ പരസ്യത്തിന് ഭർത്താവിനെ പെൺവേഷം കെട്ടിച്ച ഭാര്യ!!”