Author: webadmin

കടുത്ത മോഹന്‍ലാല്‍ ആരാധികയുടെ കഥ പറയുന്ന ചിത്രമാണ് മോഹന്‍ലാല്‍. മഞ്ജുവാര്യരും ഇന്ദ്രജിത്തുമാണ് പ്രധാനകഥാപാത്രങ്ങളെ അവതരിപ്പിക്കുന്നത്. ഇന്ദ്രജിത്ത് സേതുമാധവനായും മഞ്ജു മീനുക്കുട്ടിയുമാണ് ചിത്രത്തിലുള്ളത്. ചങ്കല്ല, ചങ്കിടിപ്പാണ്, ലവ് മോഹന്‍ലാല്‍ എന്നാണ് ചിത്രത്തിന്റെ ടാഗ് ലൈൻ പോലും. ചിത്രം വിജയകരമായി പ്രദർശനം തുടരുകയാണ്.ഒരു സിനിമ ജനങ്ങൾ ഏറ്റെടുത്തു എന്നതിന്റെ തെളിവാണ് ആ ചിത്രത്തിന്റെ പേരിലോ, ഡിസൈനിലോ costumes ഇറങ്ങുന്നത്..മുൻപ് ഒരുപാട് ചിത്രങ്ങളുടെ പേരിലും ഇങ്ങനെ ഉണ്ടായിട്ടുള്ളത് നമ്മൾ കണ്ടിട്ടുണ്ട് ..ആ നിരയിലേക്ക് ഇപ്പോൾ മോഹൻലാലും.. സ്ത്രീ പ്രേക്ഷകർക്കിടയിൽ ഒരു ചിത്രത്തിനുണ്ടായ സ്വീകാര്യതയാണ് ഇത് കാണിയ്ക്കുന്നത്.. ആരാണ് ഇതിന്റെ സൃഷ്ടാക്കൾ എന്നറിയില്ല.. അവർക്ക് മോഹൻലാൽ മൂവി ടീമിന്റെ ഒരായിരം നന്ദി

Read More

റോഷൻ ആൻഡ്രൂസ് നിവിൻ പോളിയെ നായകനാക്കി ഒരുക്കുന്ന ചിത്രമാണ് കായംകുളം കൊച്ചുണ്ണി. ചിത്രത്തിൽ ഇത്തിക്കര പക്കിയുടെ വേഷത്തിൽ ലാലേട്ടനെത്തുന്നു എന്ന വാർത്ത പുറത്തുവന്നപ്പോൾ മുതൽ അത് സോഷ്യൽ മീഡിയയിലും പ്രേഷകർക്കിടയിലും തരംഗമായി മാറി. ഇത്തിക്കര പക്കിയായിയെത്തുന്ന ലാലേട്ടന്റെ ചിത്രങ്ങളും പുറത്തിറങ്ങിയതോട് കൂടി ആവേശം വേറെ തലത്തിലെത്തി. ഇപ്പോൾ ഏറ്റവുമധികം ചർച്ച ചെയ്യപ്പെടുന്നത് ലാലേട്ടന്റെ പുതിയ ചിത്രമാണ്. ഇടത്തേ കാൽ തന്റെ അരക്ക് മുകളിൽ ഉയരമുള്ള ഒരു മരക്കുറ്റിക്ക് മുകളിൽ ഉയർത്തിവെച്ച് നിൽക്കുന്ന മാസ്സ് ഫോട്ടോ അക്ഷരാർത്ഥത്തിൽ ഏവരെയും ഞെട്ടിച്ചിരിക്കുകയാണ്. സിനിമയിലെ ലാലേട്ടന്റെ ഭാഗങ്ങൾ ഇതിനകം ചിത്രീകരിച്ചു കഴിഞ്ഞു. കായംകുളം കൊച്ചുണ്ണിയിൽ നായകനായ നിവിൻ പോളി ലാലേട്ടനൊപ്പമുള്ള നിമിഷങ്ങൾ പങ്കുവെച്ച് ഫേസ്ബുക്കിൽ പോസ്റ്റും ചെയ്തിട്ടുണ്ട്. “ഒന്നല്ല, പല തരത്തിൽ എന്നെ പ്രചോദിപ്പിക്കുന്ന ഒരു ഇതിഹാസത്തിനൊപ്പം വർക്ക് ചെയ്യാൻ കഴിഞ്ഞുവെന്നുള്ളത് ഒരു അനുഗ്രഹമാണ്. ആ ഒരു അനുഭവം ഒരിക്കലും മറക്കാൻ കഴിയാത്ത ഒന്നാണ്. ലാലേട്ടാ… സെറ്റിൽ അങ്ങയെ വളരെയധികം മിസ് ചെയ്യുന്നു.” ഷൂട്ടിംഗ് പുരോഗമിച്ചു കൊണ്ടിരിക്കുന്ന…

Read More

ദിലീപ് മുരളി ഗോപി എന്നിവർ പ്രധാന കഥാപാത്രങ്ങളിൽ എത്തുന്ന ചിത്രമാണ് കമ്മാരസംഭവം.തമിഴ് യുവതാരം സിദ്ധാർത്തും ചിത്രത്തിൽ പ്രധാന വേഷം കൈകാര്യം ചെയ്യുന്നുണ്ട്.സിദ്ധാർഥിന്റെ ആദ്യ മലയാള സിനിമ കൂടിയാണ് ഇത്. രതീഷ് അമ്പാട്ട് ആണ് ചിത്രം സംവിധാനം ചെയ്യുന്നത്. ചിത്രം കളക്ഷൻ റെക്കോർഡുകൾ ഭേദിച്ചു മുന്നേറുകയാണ് ഇതിനിടെ ചിത്രം തമിഴ് നാട്ടിൽ ഒരു റെക്കോർഡ് കൂടി സ്ഥാപിച്ചിരിക്കുകയാണ്.ഒരു മലയാള സിനിമ തമിഴ് നാട്ടിൽ ആദ്യ ദിനം നേടുന്ന ഏറ്റവും വലിയ കളക്ഷൻ ആണ് കമ്മാരസംഭവം നേടിയെടുത്തത്. ചിത്രം 33 ലക്ഷത്തിലധികം ആദ്യ ദിനം തമിഴ് നാട്ടിൽ നിന്നും നേടി.മോഹൻലാൽ നായകനായ വില്ലൻ സ്ഥാപിച്ച 27 ലക്ഷത്തിന്റെ റെക്കോർഡ് ആണ് കമ്മരസംഭവം തകർത്തത്.25 ലക്ഷം നേടിയ ഹേയ് ജൂഡ് ആണ് മൂന്നാം സ്ഥാനത്ത്. മൂന്ന് ചിത്രത്തിലും തമിഴ് താരങ്ങൾ ഉണ്ടെന്നതാണ് ശ്രദ്ധേയം.

Read More

മലയാള സിനിമ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് നിവിൻ പോളി നായകനായി എത്തുന്ന കായംകുളം കൊച്ചുണ്ണി.നിവിന്റെ നായികയായി തമിഴ് സുന്ദരി പ്രിയ ആനന്ദ് വീണ്ടും മലയാള സിനിമയിൽ തിരിച്ചെത്തുകയാണ്.പൃഥ്വിരാജ് നായകനായ എസ്രയിലാണ് പ്രിയ ആദ്യമായി മലയാളത്തിൽ അഭിനയിച്ചത് മംഗലാപുരത്തെ ഷൂട്ടിങ്ങിന് ശേഷം ശ്രീലങ്കയിലായിലായിരുന്നു ചിത്രത്തിന്റെ അടുത്ത ഷെഡ്യൂൾ ഷൂട്ട് ചെയ്യുവാൻ വേണ്ടി തീരുമാനച്ചിരുന്നത്. എന്നാൽ ശ്രീലങ്കയിൽ നടകുന്ന കലാപം മൂലം ഇത് ഉപേക്ഷിക്കുകയായിരുന്നു.ഇതിനിടെ നിവിന് ഷൂട്ടിങ്ങിനിടെ അപകടവും സംഭവിച്ചു. പതിനെട്ടാം നുറ്റാണ്ടില്‍ ജിവിച്ച കായംകുളം കൊച്ചുണ്ണിയുടെ ജീവിതത്തെ അടിസ്ഥാനമാക്കി റോഷന്‍ ആന്‍ഡ്രൂസ് സംവിധാനം ചെയ്യുന്ന സ‌ിനിമയില്‍ കലാപം നടന്ന കാന്‍ഡി ​എന്ന സ്ഥലം ചിത്രീകരിക്കാന്‍ ഉദ്ദേശിച്ചിരുന്നു. ചിത്രത്തിലെ ലാലേട്ടന്റെ ലുക്ക് പുറത്തു വിട്ട ഉടനെ തന്നെ ട്രെന്റ് ആയിരുന്നു. ഇപ്പോൾ ഇതാ പുതിയ ലുക്കും സംവിധായകൻ റോഷൻ ആൻഡ്രൂസ് പുറത്തു വിട്ടു.നിമിഷനേരം കൊണ്ടാണ് പുതിയ ലുക്കും ഇപ്പോൾ ട്രെന്റ് ആകുന്നത്. വൈദ്യതി ബന്ധം പോലുമില്ലാത്ത പ്രദേശങ്ങളും ശ്രീലങ്കന്‍ പഴയ…

Read More

കത്വ സംഭവത്തിന്റെ പേരില്‍ കേരളത്തില്‍ ചിലയാളുകള്‍ നടത്തിയ ഹര്‍ത്താലിനെതിരെ രൂക്ഷ വിമര്‍ശനവുമായി നടി പാര്‍വതി. വാട്‌സ്‌ആപ്പിലും മറ്റും പ്രചരിച്ച വ്യാജ ഹര്‍ത്താല്‍ ആഹ്വാനത്തെ തുടര്‍ന്നാണ് പ്രതിഷേധമെന്ന പേരില്‍ കേരളത്തില്‍ പലയിടത്തും അക്രമസംഭവങ്ങള്‍ അരങ്ങേറിയത്. കരിപ്പൂര്‍ വിമാനത്താവളത്തില്‍ നിന്നും കോഴിക്കോട്ടേക്കുള്ള യാത്രാമധ്യേ ഹര്‍ത്താല്‍ അനുകൂലികള്‍ നടത്തിയ അക്രമസംഭവങ്ങള്‍ കണ്ടതിന് ശേഷമായിരുന്നു തന്റെ ഇന്‍സ്റ്റഗ്രാം അക്കൗണ്ടിലൂടെയും ട്വീറ്ററിലൂടെയുമുള്ള പാര്‍വതിയുടെ പ്രതികരണം. ‘പ്രതിഷേധത്തിന്റെ പേരില്‍ നടക്കുന്നത് തെമ്മാടിത്തരമാണ്. വഴിതടഞ്ഞ് യാത്രക്കാരെ അപമാനിക്കുകയാണ്. കോഴിക്കോട് വിമാനത്താവളം-ചെമ്മാട്-കൊടിഞ്ഞി-ചെട്ടിപ്പടി-താനൂര്‍ എന്നിവിടങ്ങളില്‍ റോഡില്‍ മാര്‍ഗ തടസം സൃഷ്ടിക്കുകയും യാത്രക്കാരെ അപമാനിക്കുകയും ചെയ്യുന്നു. ദയവ്‌ചെയ്ത് ഈ സന്ദേശം കൈമാറി സുരക്ഷിതരായിരിക്കൂ. പോലീസെത്തി പ്രതിഷേധക്കാരെ അറസ്റ്റ് ചെയ്തു നീക്കുന്നുണ്ട്.’- പാര്‍വതി പറയുന്നു.

Read More

പ്രേക്ഷകർ ഏറെയായി കാത്തിരിക്കുന്ന ചിത്രമാണ് ലിജോ ജോസ് പെല്ലിശ്ശേരിയുടെ സ്വപ്നചിത്രം ഈ മ യൗ. ഒരു മരണവീട്ടിൽ നടക്കുന്ന സംഭവവികാസങ്ങളെ അധികരിച്ചുള്ള ചിത്രത്തിന്റെ പ്രീമിയർ ഷോ കണ്ട സെലിബ്രിറ്റീസ് അടക്കമുള്ള ഏവരും ചിത്രത്തെ കുറിച്ച് നൽകിയിരിക്കുന്നത് അത്ഭുതാവഹമായ റിപ്പോർട്ടാണ്. റിലീസിന് മണിക്കൂറുകൾ മുന്നേ പ്രദർശനം മാറ്റിവെച്ച ചിത്രം ഇനിയെന്ന് എത്തുമെന്ന പ്രേക്ഷകരുടെ ആകാംക്ഷകൾക്ക് ഒടുവിൽ വിരാമമായിരിക്കുകയാണ്. ആഷിഖ് അബു ഏറ്റെടുത്തിരിക്കുന്ന ചിത്രം മേയ് 4ന് തീയറ്ററുകളിൽ എത്തുമെന്നാണ് അറിയിച്ചിരിക്കുന്നത്. തന്റെ സോഷ്യൽ പേജുകളിലൂടെയാണ് ആഷിഖ് അബു ഇക്കാര്യം വ്യക്തമാക്കിയത്. “ഏറെ സന്തോഷത്തോടെയും അഭിമാനത്തോടെയും ലിജോയുടെ “ഈ മ യൗ” ഞങ്ങൾ ഏറ്റെടുക്കുന്ന വിവരം അറിയിക്കട്ടെ. അടുത്ത മാസം 4 ന് ചിത്രം നിങ്ങളിലേക്കെത്തും.” ആഷിഖ് അബു തന്റെ ഫേസ്ബുക്ക് പേജിൽ കുറിച്ചു. വിനായകൻ, ചെമ്പൻ വിനോദ് ജോസ്, ദിലീഷ് പോത്തൻ എന്നിവർ അണിനിരക്കുന്ന ചിത്രത്തിന്റെ തിരക്കഥയും സംഭാഷണങ്ങളും പി എഫ് മാത്യൂസും ക്യാമറ ഷൈജു ഖാലിദുമാണ്. ലിജോ ജോസ് പെല്ലിശ്ശേരിയുടെ ചിത്രങ്ങളിലെ…

Read More

മിനിസ്ക്രീൻ രംഗത്തെ പ്രശസ്തനായ രമേശ് പിഷാരടി ആദ്യമായി സംവിധാനം ചെയ്യുന്ന ചിത്രമാണ് പഞ്ചവർണ്ണ തത്ത.മികച്ച അഭിപ്രായങ്ങൾ നേടുന്ന ചിത്രം വിജയകരമായി പ്രദർശനം തുടരുകയാണ്. ജയറാമും കുഞ്ചാക്കോ ബോബനും പ്രധാന കഥാപാത്രങ്ങളെ അവതരിപ്പിച്ച ചിത്രം ജയറാമിന്റെ തിരിച്ചുവരവ് ചിത്രമായിട്ടാണ് കണക്കാക്കപ്പെടുന്നത്.പഞ്ചവര്‍ണ്ണതത്തയുടെ വിജയത്തില്‍ പ്രേക്ഷകര്‍ക്ക് നന്ദി പറഞ്ഞ് നടന്‍ ജയറാം. പരാജയചിത്രങ്ങള്‍ ഇടയ്ക്ക് വന്നെങ്കിലും ഒരു നല്ല കഥാപാത്രം ചെയ്തപ്പോള്‍ അഭിനന്ദിച്ച എല്ലാ പ്രേക്ഷകര്‍ക്കും നടന്‍ നന്ദി പറഞ്ഞു .ചിത്രം സമയത്ത് തന്നെ തീയേറ്ററുകളിലെത്തിച്ച നിര്‍മ്മാതാവ് മണിയന്‍ പിള്ളയ്ക്കും ഇത്രയും മികച്ച ഒരു കഥാപാത്രത്തെ തനിക്ക് സമ്മാനിച്ച പിഷാരടിയ്ക്കും താന്‍ നന്ദി രേഖപ്പെടുത്തുന്നതായി താരം പറഞ്ഞു. സഹതാരങ്ങളോടും എല്ലാറ്റിലുമുപരി ഒന്നിച്ച് അഭിനയിച്ച പഞ്ചവര്‍ണ്ണ തത്തയോടും മറ്റു മൃഗങ്ങളോടുമുള്ള തന്റെ സ്‌നേഹം എത്ര പറഞ്ഞാലും മതിയാകില്ലെന്ന് താരം വ്യക്തമാക്കി.

Read More

കത്വ , ഉന്നാവോ പീഡനകേസുകൾ പുറത്തുവന്നതോടെ ലോകത്താകമാനം പ്രതിഷേധങ്ങൾ ശക്തമാകുകയും സ്വതസിദ്ധമായ ശൈലിയിലൂടെ ഓരോരുത്തരും പ്രതിഷേധത്തിന് ആക്കം കൂട്ടുകയുമാണ്. കത്വയിലെ 8 വയസുകാരിയായ കുട്ടിയുടെ മരണശേഷം വിവിധ ഭാഗങ്ങളിൽ നിന്നും അഭിപ്രായ പ്രകടനകളുമായും തങ്ങൾക്കു നേരിട്ട ദുരനുഭവങ്ങളെക്കുറിച്ചും പങ്കുവെച്ചുകൊണ്ട് ധാരാളം സെലിബ്രിറ്റീസ് രംഗത്തെത്തിയിരുന്നു. നടി നിവേദ പൊതുരാജാണ് ഇപ്പോൾ ലൈംഗീക അതിക്രമങ്ങളെക്കുറിച്ച് സംസാരിച്ചു രംഗത്തെത്തിയിരിക്കുന്നത്. ലോകം ഇത്തരം ദുരനുഭങ്ങളെക്കുറിച്ചു പറയുമ്പോഴും അതിനെതിരെ പ്രതിഷേധിക്കുമ്പോഴും താനും പീഡനത്തിന് ഇരയായിട്ടുണ്ടെന്ന് തുറന്ന് പറഞ്ഞിരിക്കുകയാണ് നടി നിവേദ. സമൂഹ മാധ്യമത്തിലൂടെയാണ് നടി നിവേദ പെതുരാജ് തനിക്കുണ്ടായ ദുരനുഭവത്തെപ്പറ്റി തുറന്നു പറഞ്ഞത്. അഞ്ചുവയസുള്ളപ്പോഴാണ് തനിക്ക് ഈ ദുരനുഭവം ഉണ്ടായതെന്നാണ് നടിയുടെ പ്രതികരണം. പക്ഷെ അന്ന് ഇങ്ങനെ ഒരു ദുരനുഭവം ഉണ്ടായപ്പോൾ അത് അച്ഛനമ്മമാരുടെ അടുക്കൽ തുറന്നു പറയേണമെന്ന് തനിക്കറിയില്ലായിരുന്നു എന്താണ് സംഭവിക്കുന്നത് എന്നുള്ള തിരിച്ചറിവ് ഉണ്ടാകാത്തതിലാനാണ് അങ്ങനെ സംഭവിച്ചത്. സമൂഹത്തിൽ ഏറെ കുറെ പേരും ഇത്തരം സാഹചര്യങ്ങളിൽ കൂടി കടന്നുപോയിട്ടുള്ളവരാണെന്നും ഇത്തരം അനുഭവങ്ങൾ കുട്ടികൾ നേരിടേണ്ടി വരുന്നത്…

Read More

മലയാളത്തിലെ മുന്‍നിര താരങ്ങളെപ്പോലും മറികടന്ന് പ്രണവ് മോഹന്‍ലാല്‍ ആദിയില്‍ നേട്ടം കൊയ്യുന്നു. തന്റെ ആദ്യ നായക ചിത്രത്തില്‍ത്തന്നെ 50കോടിയിലേറെ കലക്ഷന്‍ നേടിയാണ് ആദി നൂറു ദിവസം പിന്നിടുന്നത്. ജിത്തു ജോസഫ് സംവിധാനം ചെയ്യുന്ന 9ാമത്തെ ചിത്രമാണ് ആദി. ആദി എന്ന കഥാപാത്രത്തെ സത്യസന്ധതയോടെ അവതരിപ്പിക്കാന്‍ പ്രണവിനായി എന്നതാണ് ചിത്രത്തിന് പ്രേക്ഷക ശ്രദ്ധ നേടിക്കൊടുത്തത്. അസാധ്യമായ മെയ്‌വഴക്കത്തോടെയുളള പാര്‍ക്കൗര്‍ പ്രകടനങ്ങള്‍ ആസ്വാദ്യമായി. ലെന, അനുശ്രീ, അദിതി രവി(അലമാര ഫെയിം) എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത് സതീഷ് കുറുപ്പ് ആണ്. സിദ്ദിഖ് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഷിജു വില്‍സണ്‍, ഷറഫുദ്ദീന്‍, നോബി എന്നീ യുവ താരങ്ങളും പ്രണവിനൊപ്പം ചിത്രത്തില്‍ അണിനിരക്കുന്നുണ്ട്. അനില്‍ ജോണ്‍സണ്‍ ആണ് ചിത്രത്തില്‍ പശ്ചാത്തല സംഗീതം ഒരുക്കിയിരിക്കുന്നത്. അയൂബ് ഖാന്റെ ചിത്രസംയോജനവും സിനിമയുടെ മുതല്‍ക്കൂട്ടാണ്. സതീഷ് കുറുപ്പാണ് ആദിയുടെ ഛായാഗ്രഹകന്‍.

Read More

അച്ഛനും ചേട്ടനും തെളിച്ച പാതയിലൂടെ സംവിധാനരംഗത്തേക്ക് കാലെടുത്ത് വെക്കുന്ന ധ്യാൻ ശ്രീനിവാസന്റെ ആദ്യ സംരംഭമാണ് നിവിൻ പോളിയും നയൻതാരയും നായകരാകുന്ന ലൗ ആക്ഷൻ ഡ്രാമ എന്ന ചിത്രം. ശ്രീനിവാസന്റെ എക്കാലത്തെയും മികച്ച ചിത്രങ്ങളിൽ ഒന്നായ വടക്കുനോക്കിയന്ത്രത്തിലെ നായകരായ ദിനേശന്റെയും ശോഭയുടെയും പേരാണ് ഈ ചിത്രത്തിലെ നായകനും നായികക്കും ഇട്ടിരിക്കുന്നത്. രണ്ട് മാസത്തിനുള്ളിൽ ചിത്രീകരണം ആരംഭിക്കുമെന്നാണ് റിപ്പോർട്ടുകൾ. അതിനെക്കാളേറെ സന്തോഷം പകരുന്ന ഒരു വാർത്ത ചിത്രത്തിന്റെ സാറ്റലൈറ്റ് അവകാശം റെക്കോർഡ് തുകക്ക് ഏഷ്യാനെറ്റ് സ്വന്തമാക്കി എന്നുള്ളതാണ്. ചിത്രീകരണം തുടങ്ങുക പോലും ചെയ്തിട്ടില്ലാത്ത ഒരു ചിത്രത്തിന് ലഭിക്കുന്ന ഈ സ്വീകാര്യത ഒരു നല്ല ചിത്രം തന്നെ പ്രേക്ഷകർക്ക് ലഭിക്കുമെന്ന പ്രതീക്ഷകൾക്ക് കരുത്ത് പകരുന്നു. ധ്യാൻ ശ്രീനിവാസൻ തന്നെ തിരക്കഥയൊരുക്കുന്ന ചിത്രം സ്പൂഫ് ഗണത്തിൽ പെട്ട ഒരു റൊമാന്റിക് കോമഡി ആയിരിക്കുമെന്നാണ് റിപ്പോർട്ടുകൾ. ഫന്റാസ്റ്റിക് ഫിലിംസിന്റെ ബാനറിൽ വിശാഖ് സുബ്രഹ്മണ്യവും അജു വർഗീസും ചേർന്നാണ് ചിത്രം നിർമിക്കുന്നത്. അജു വർഗീസും ചിത്രത്തിൽ നല്ലൊരു വേഷം കൈകാര്യം…

Read More