ദിലീപിനെ നായകനാക്കി അരുണ് ഗോപി സംവിധാനം ചെയ്യുന്ന പുതിയ ചിത്രമാണ് ബാന്ദ്ര. ചിത്രത്തിന്റെ ഫസ്റ്റ് ലുക്ക് പോസ്റ്റര് ദിലീപിന്റെ പിറന്നാള് ദിനത്തിലാണ് റിലീസ് ചെയ്തത്. മാസ് ലുക്കിലാണ് ഫസ്റ്റ് ലുക്ക് പോസ്റ്ററില് ദിലീപ് പ്രത്യക്ഷപ്പെട്ടത്. ഇപ്പോഴിതാ ചിത്രത്തില് തമന്നയുടെ ക്യാരക്ടര് പോസ്റ്റര് പുറത്തുവിട്ടിരിക്കുകയാണ് അണിയറപ്രവര്ത്തകര്. തമന്നയ്ക്ക് ജന്മദിനാശംസകള് നേര്ന്നാണ് ക്യാരക്ടര് പോസ്റ്റര് പുറത്തുവിട്ടിരിക്കുന്നത്.
തമന്നയുടെ ആദ്യ മലയാള ചിത്രമാണ് ബാന്ദ്ര. രാമലീല എന്ന സൂപ്പര് ഹിറ്റ് ചിത്രത്തിനു ശേഷം അരുണ് ഗോപിയും ദിലീപും വീണ്ടും ഒരുമിക്കുന്ന ചിത്രം കൂടിയാണ് ഇത്. ഉദയകൃഷ്ണ തിരക്കഥ ഒരുക്കിയിരിക്കുന്ന ഈ ബിഗ് ബജറ്റ് ചിത്രത്തിന്റെ നിര്മാണം വിനായക അജിത്ത് ആണ്.
തമിഴ് നടന് ശരത് കുമാറും ബോളിവുഡ് നടന് ദിനോ മോറിയയും ചിത്രത്തിലുണ്ട്. ദിലീപിന്റെ കരിയറിലെ 147-ാം സിനിമയാണിത്. ഷാജി കുമാറാണ് ഛായാഗ്രഹണം. സംഗീതം – സാം സി എസ്, എഡിറ്റിംഗ് – വിവേക് ഹര്ഷന്, പ്രൊഡക്ഷന് ഡിസൈനര് – നോബിള് ജേക്കബ്, കലാസംവിധാനം – സുബാഷ് കരുണ്, സൗണ്ട് ഡിസൈന് – രംഗനാഥ് രവി, വസ്ത്രാലങ്കാരം – പ്രവീണ് വര്മ്മ. ആക്ഷന് രംഗങ്ങള്ക്ക് ഏറെ പ്രാധാന്യമുള്ള ചിത്രത്തില് മൂന്ന് പേര് ചേര്ന്നാണ് സംഘട്ടനങ്ങള് ഒരുക്കുന്നത്. അന്പറിവ്, ഫിനിക്സ് പ്രഭു, മാഫിയ ശശി എന്നിവരാണ് ആക്ഷന് കോറിയോഗ്രാഫര്മാര്.