രാം പൊതിനേനി, നഭാ നടേഷ്, നിധി അഗര്വാള് തുടങ്ങിയവര് പ്രധാനവേഷങ്ങളില് എത്തിയ ഐ സ്മാര്ട്ട് ശങ്കര് എന്ന ചിത്രം സൂപ്പർ ഹിറ്റ് ആയിരിക്കുകയാണ്. പ്രശസ്ത തെലുങ്ക് സംവിധായകന് പുരി ജഗന്നാഥാണ് ചിത്രം സംവിധാനം ചെയ്തിരിക്കുന്നത്. ചിത്രം വെറും രണ്ടു ദിവസം കൊണ്ടാണ് 25 കോടിയിലധികം നേട്ടത്തിൽ എത്തിയിരിക്കുന്നത്. 25 കോടിയുടെ നിറവിൽ നിൽക്കുന്ന ചിത്രത്തിന്റെ വിജയാഘോഷത്തിന്റെ വീഡിയോകളും ഫോട്ടോകളും സോഷ്യൽ മീഡിയയിൽ വൈറൽ ആവുകയാണ്. പുരി ജഗന്നാഥിന്റെ സുഹൃത്തും ഗുരുവുമായ സംവിധായകന് രാംഗോപാല് വര്മയും ചിത്രത്തിന്റെ നിര്മാതാക്കളിലൊരാളായ നടി ചാര്മിയും ആഘോഷത്തില് പങ്കെടുക്കാനെത്തിയിരുന്നു.
I am not mad , but #issmartshankar made me mad , so @purijagan and @Charmmeofficial are to blame pic.twitter.com/Sd1gIno1ER
— Ram Gopal Varma (@RGVzoomin) July 20, 2019
വീഡിയോയിൽ സ്വന്തം തലയിലും ചാര്മിയുടെയും സഹപ്രവര്ത്തകരുടെയും ദേഹത്തും ഷാംപെയിന് ഒഴിക്കുന്ന ആര്ജിവിയെ കാണുവാൻ സാധിക്കും. ആര്ജിവി ചാര്മിയെ ആലിംഗനം ചെയ്ത് ചുംബിക്കുന്ന രംഗങ്ങളും അതിലുണ്ട്. എന്നാൽ വീഡിയോ പങ്കുവെച്ചത് മുതൽ വിമർശനവുമായി ആരാധകർ രംഗത്തെത്തിയിരിക്കുകയാണ്. മദ്യപാനത്തെ പ്രോത്സാഹിപ്പിക്കുന്ന തരത്തിലുള്ള ഒരു വീഡിയോ ആണ് ഇതെന്നും ഇങ്ങനെയാണോ ആഘോഷങ്ങൾ നടത്തേണ്ടതെന്നും തുടങ്ങിയ വിമർശനങ്ങളാണ് വീഡിയോ നേരിടുന്നത്. വീഡിയോ പങ്കുവെച്ചത് മോശമായിപ്പോയി എന്ന് പറയുന്ന ആരാധകരുമുണ്ട്.