Tuesday, August 4

സുശാന്തിന്റെ ഓർമയിൽ ലോക സിനിമ; അവഞ്ചേഴ്സ് ട്രെയ്‌ലറിനെ പിന്തള്ളി ഏറ്റവും കൂടുതൽ ലൈക്കുകൾ നേടുന്ന ട്രെയിലറായി മാറി ‘ദിൽ ബേചാര’

Pinterest LinkedIn Tumblr +

സുശാന്ത് സിംഗിന്റെ വിയോഗം ഏവർക്കും ഞെട്ടലായിരുന്നു. താരത്തിനെ സ്വന്തം ഫ്ളാറ്റിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. വിഷാദ രോഗത്തിന് അടിമയായിരുന്ന താരം ഏറെ നാളുകളായി ചികിത്സയിലായിരുന്നു എന്നും വാർത്തകൾ പ്രചരിക്കുന്നുണ്ട്. എന്നാൽ ബോളിവുഡിലെ ചില പ്രമുഖർ സുശാന്തിനെ ഒതുക്കിയതാണെന്നും ലഭിക്കേണ്ട സിനിമകൾ താരപുത്രന്മാരുടെ മകൾക്ക് വേണ്ടി മാറ്റി കൊടുത്തിരുന്നുവെന്നും ഒക്കെ വാർത്തകൾ ഇപ്പോൾ വരുന്നുണ്ട്. ഏവർക്കും അദ്ദേഹം പ്രിയങ്കരനായിരുന്നു എന്നതിന് തെളിവാവുകയാണ് സുശാന്തിന്‍റേതായി പുറത്തുവരാനിരിക്കുന്ന സിനിമ ‘ദില്‍ ബേചാര’യുടെ പുറത്തെത്തിയ ട്രെയ്‍ലറിനു ലഭിച്ച പ്രതികരണം. ഇന്നലെ പുറത്തിറങ്ങിയിരുന്ന ഇതിനോടകം മൂന്ന് കോടിയിലധികം കാഴ്ചക്കാരും നിരവധി ലൈക്കുകളും ആണ് ലഭിച്ചിട്ടുള്ളത്. യൂട്യൂബിൽ ഇതുവരെ ഇറങ്ങിയ ട്രെയിലറുകളെ എല്ലാം പിന്തള്ളിക്കൊണ്ട് ലോക റെക്കോർഡ് ആണ് നേടിയിരിക്കുന്നത്.

36 ലക്ഷം ലൈക്കുകളാണ് ഇന്‍ഫിനിറ്റി വാര്‍ ട്രെയ്‍ലറിന് ലഭിച്ചിരുന്നതെങ്കില്‍ ദില്‍ ബേചാരയ്ക്ക് ഇതുവരെ ലഭിച്ചത് 70 ലക്ഷം ലൈക്കുകളാണ്. അതേസമയം കൂടുതല്‍ കാഴ്‍ചകള്‍ ഇന്‍ഫിനിറ്റി വാറിനു തന്നെയാണ്. 24 കോടിയോളം കാഴ്‍ചകളാണ് ഹോളിവുഡ് ചിത്രത്തിന്‍റെ ട്രെയ്‍ലറിന് ഉള്ളത്. ഇൗ ചിത്രം സംവിധാനം ചെയ്തിരിക്കുന്നത് അമേരിക്കന്‍ എഴുത്തുകാരനും യുട്യൂബ് കണ്ടന്‍റ് ക്രിയേറ്ററുമായ ജോണ്‍ മൈക്കള്‍ ഗ്രീനിന്‍റെ ‘ദി ഫോള്‍ട്ട് ഇന്‍ ഔര്‍ സ്റ്റാര്‍സ്’ എന്ന നോവലിനെ ആസ്പദമാക്കി നവാഗതനായ മുകേഷ് ഛബ്രയാണ്. സഞ്ജന സംഗിയാണ് സുശാന്തിന്‍റെ നായികയായി ചിത്രത്തില്‍ എത്തുന്നത്. സാഹില്‍ വൈദ്, സ്വാസ്‍തിക മുഖര്‍ജി, ശാശ്വത ചാറ്റര്‍ജി തുടങ്ങിയവര്‍ മറ്റു കഥാപാത്രങ്ങളെ അവതരിപ്പിക്കുന്നു.

“Lucifer”
Loading...
Share.

About Author

Comments are closed.