മലയാളം ബിഗ് ബോസ് സീസൺ നാലിലെ പ്രധാന മത്സരാർത്ഥികളിൽ ഒരാൾ ആയിരുന്നു ഡോക്ടർ റോബിൻ രാധാകൃഷ്ണൻ. മത്സരത്തിന് ഇടയ്ക്ക് വെച്ച് സഹ മത്സരാർത്ഥിയെ കൈയേറ്റം ചെയ്തതിന്റെ പേരിൽ ഷോയിൽ നിന്ന് പുറത്തു പോകേണ്ടി വന്നെങ്കിലും ഇപ്പോൾ ഡോക്ടർ റോബിന് കൈനിറയെ ആരാധകരുണ്ട്. മലയാളം ബിഗ് ബോസ് ചരിത്രത്തിൽ തന്നെ ഇത്രയും ഫാൻ ബേസുള്ള മറ്റൊരു താരമില്ല എന്നതാണ് സത്യം.
ഇപ്പോൾ ഹിന്ദി ബിഗ് ബോസിലേക്ക് തനിക്ക് ക്ഷണം വന്നെന്ന് വ്യക്തമാക്കിയിരിക്കുകയാണ് റോബിൻ രാധാകൃഷ്ണൻ. ഹിന്ദി ബിഗ് ബോസിലേക്ക് ക്ഷണം ലഭിച്ചെങ്കിലും ഹിന്ദി അറിയാത്തതു കൊണ്ട് പോയില്ല. ആരതി പോകാൻ പറഞ്ഞു. പക്ഷേ, എനിക്ക് ഹിന്ദി സംസാരിക്കാൻ അറിയില്ലാത്തതു കൊണ്ട് പോയില്ല. ഹിന്ദി സംസാരിക്കാൻ അറിയാതെ അവിടെ പോയി എന്ത് ചെയ്യാനാണെന്നും റോബിൻ ചോദിച്ചു. ബിഗ് ബോസിൽ നിന്ന് ഇറങ്ങിക്കഴിഞ്ഞാൽ രണ്ടാഴ്ച കൂടിയേ അതിന്റെ അലയൊലികൾ ഉണ്ടാകുകയുള്ളൂ എന്നാണ് ചിലർ പറഞ്ഞത്. എന്നാൽ അവർക്കുളള ഉത്തരമാണ് ബിഗ് ബോസ് സീസൺ അഞ്ചിന്റെ പ്രമോയിൽ ചെറുതായിട്ട് തന്റെ പേര് വന്നതെന്നും റോബിൻ പറഞ്ഞു. സീസൺ 5ൽ ആരതി ഉണ്ടാകുമെന്ന വാർത്തകളോടും റോബിൻ പ്രതികരിച്ചു. കോൾ വന്നിരുന്നെന്നും പക്ഷേ ഒട്ടും താൽപര്യമില്ലായെന്ന് ആരതി വ്യക്തമാക്കിയെന്നും റോബിൻ പറഞ്ഞു. ഒരു ഓൺലൈൻ മാധ്യമത്തിന് നൽകിയ അഭിമുഖത്തിൽ ആയിരുന്നു റോബിൻ ഇങ്ങനെ പറഞ്ഞത്.
വിവാഹനിശ്ചയ ചടങ്ങിന് പിന്നാലെ തനിക്കെതിരെ വന്ന വിമർശനങ്ങളോടും റോബിൻ പ്രതികരിച്ചു. ഹെൽത്തിയായിട്ട് വിമർശിച്ചാൽ അത് തങ്ങൾ സ്വീകരിക്കുമെന്നും താൻ വിചാരിച്ചതിനും അപ്പുറമായി മനോഹരമായി എൻഗേജ്മെന്റ് നടന്നെന്നും റോബിൻ പറഞ്ഞു. 32 വയസുവരെ വെയ്റ്റ് ചെയ്തതിന് അർഥമുണ്ടായി. ദൈവം തനിക്ക് നല്ലത് കരുതിവെച്ചിരുന്നത് കൊണ്ടാണ് വിവാഹം വൈകിയത്. ”എന്റെ പെണ്ണിനെ പ്രൊട്ടക്ട് ചെയ്യേണ്ടത് എന്റെ ഉത്തരവാദിത്വമാണ്. മൂക്കാമണ്ട സ്റ്റേറ്റ്മെന്റ് തെറ്റായിപോയിയെന്ന് പലരും പറഞ്ഞു. പക്ഷെ ഞാൻ പ്രതികരിക്കും. എന്റെ പെണ്ണിനെയാണ് പറഞ്ഞത്. എന്നെപോലെ പറയാൻ എത്ര സെലിബ്രിറ്റികൾക്ക് ചങ്കൂറ്റമുണ്ട്?” – റോബിൻ ചോദിച്ചു. എൻഗേജ്മെന്റിന് അലറിയത് അത് തന്റെ ഫങ്ഷനായതു കൊണ്ടാണെന്നും അത് വ്യക്തിപരമായ കാര്യമാണെന്നും പറഞ്ഞ റോബിൻ കല്യാണത്തിനും അലറുമെന്ന് പറഞ്ഞു.