സ്വാഭാവിക അഭിനയത്തിന് ഇന്ന് മലയാളസിനിമയിൽ പകരം വെക്കാനില്ലാത്ത ഒരു പേരായി മാറിയിരിക്കുകയാണ് ഫഹദ് ഫാസിൽ. കുമ്പളങ്ങി നൈറ്റ്സിലെ ഷമ്മി എന്ന കഥാപാത്രത്തെ പ്രേക്ഷകർ നെഞ്ചോട് ചേർത്തത് തന്നെ അതിനുള്ള തെളിവാണ്. മികച്ച നായകന്മാരുടെ നിരയിൽ മുന്നിട്ട് നിൽക്കുമ്പോഴും ഇങ്ങനെയൊരു വില്ലൻ കഥാപാത്രം ചെയ്യാനുള്ള ഫഹദിന്റെ തീരുമാനം തന്നെയാണ് ഏറ്റവുമധികം കൈയ്യടി നേടുന്നത്.
കഴിഞ്ഞ ദിവസം കൊച്ചിയില് സ്വകാര്യചടങ്ങില് ഉദ്ഘാടകനായി എത്തിയ താരത്തെ കാണാന് വന് ജനാവലിയാണ് കാത്തുനിന്നത്. ഉദ്ഘാടനത്തിനുശേഷം കുമ്പളങ്ങി നൈറ്റ്സിലെ തന്റെ പ്രശ്സത ഡയലോഗ് ഫഹദ് ഏറ്റുപറയുകയുണ്ടായി. ആവേശത്തോടെയായിരുന്നു ഫഹദിന്റെ വാക്കുകള് ആരാധകര് ഏറ്റെടുത്തത്. സൗബിൻ സാഹിർ,ഷെയ്ൻ നിഗം,ശ്രീനാഥ് ഭാസി ഒപ്പം ഫഹദ് ഫാസിൽ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് കുമ്പളങ്ങി നൈറ്റ്സ്.മധു സി നാരായണൻ സംവിധാനം നിർവഹിക്കുന്ന ചിത്രത്തിന്റെ തിരക്കഥ ഒരുക്കിയത് ശ്യാം പുഷ്കരൻ ആണ്.ഷൈജു ഖാലിദ് ഛായാഗ്രഹണവും സുഷിൻ ശ്യാം സംഗീതവും നിർവഹിക്കുന്നു.