Thursday, October 22

അങ്കമാലി ഡയറീസിനും ആടിനും പിന്നാലെ ജൂണുമായി ഫ്രൈഡേ ഫിലിം ഹൗസെത്തുന്നു

Pinterest LinkedIn Tumblr +

വിജയ് ബാബുവിന്റെ ഉടമസ്ഥതയിലുള്ള ഫ്രൈഡേ ഫിലിം ഹൗസ് ഒരുക്കുന്ന ചിത്രങ്ങൾ എല്ലാം തന്നെ പ്രേക്ഷകന്റെ ആസ്വാദനത്തെ അതിന്റെ പൂർണതയിൽ അനുഭവിക്കുവാൻ സാധ്യമാക്കുന്നവയാണ്. ആട്, അങ്കമാലി ഡയറീസ് തുടങ്ങിയ ചിത്രങ്ങൾ തന്നെ അതിന് ഉദാഹരണം. ഇപ്പോൾ ഇതാ അവരുടെ പത്താമത്തെ പ്രൊജക്റ്റും അവർ അനൗൺസ് ചെയ്‌തിരിക്കുകയാണ്. ജൂൺ എന്ന് പേരിട്ടിരിക്കുന്ന ചിത്രത്തിന്റെ സംവിധാനം അഹമ്മദ് കബീറാണ്. ജൂലൈ 11ന് ചിത്രത്തിന്റെ ഷൂട്ട് ആരംഭിക്കും. ഫ്രൈഡേ ഫിലിം ഹൗസിന്റെ പേജിലൂടെയാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തു വിട്ടത്.

“ഇക്കാലമത്രയും മികച്ച ഒരുപിടി ടെക്നീഷ്യൻസ് ഉൾപ്പെടെ നൂറിൽപ്പരം പുതുമുഖങ്ങൾക്ക് അവരുടെ ആദ്യ അവസരം നൽകിയ ഫ്രൈഡേ ഫിലിം ഹൗസ് ഞങ്ങളുടെ പത്താമത്തെ പ്രോജക്ടിന്റെ ഫസ്റ്റ് ലുക്ക് പോസ്റ്റർ ഏറെ അഭിമാനത്തോടെ നിങ്ങൾക്കു മുമ്പിൽ അവതരിപ്പിക്കുകയാണ്.

‘ജൂൺ’ എന്ന് പേരിട്ടിരിക്കുന്ന ഈ ചിത്രത്തിലും പരിചിതമായ നിങ്ങളുടെ പ്രിയതാരങ്ങളോടൊപ്പം, ഒരുപിടി പ്രതിഭാധനരായ പുതുമുഖങ്ങളെക്കൂടി മലയാളസിനിമയ്ക്ക് ഞങ്ങൾ സംഭാവന ചെയ്യുകയാണ്.
സമാന്തരമായി പതിനൊന്നാമത്തെ പ്രോജക്ട് ഉടനെതന്നെ ആരംഭിക്കുന്നതും തുടർന്ന് നിങ്ങൾക്ക് അറിവുള്ളതുപോലെ കോട്ടയം കുഞ്ഞച്ചൻ 2, ആട് 3 എന്നീ പ്രോജക്ടുകളും ഉണ്ടായിരിക്കുന്നതാണ്.

ഏറെ സർപ്രൈസുകളുളള ‘ജൂൺ’ ജൂലൈ 11 മുതൽ ഷൂട്ടിംഗ് ആരംഭിക്കുകയാണ്. എക്കാലത്തേയും പോലെ ഏവരുടെയും സ്നേഹസഹകരണങ്ങളും, പ്രാർത്ഥനകളും ഞങ്ങൾക്കൊപ്പമുണ്ടാകണമെന്ന് ആഗ്രഹിക്കുന്നു..
After the super successful “ Angamaly diaries “ and Aadu -2 “ in 2017 , proudly presenting our first production of 2018 .
Good bless”

“Lucifer”
Loading...
Share.

About Author

Leave A Reply