Thursday, August 13

സൂപ്പർ ഹിറ്റായ കാർത്തിക്ക് ശങ്കറിന്റെ ‘ലോക്ക് ഡൗൺ സീരിസിന്റെ’ അടുത്ത എപ്പിസോഡ് നിർമിക്കുന്നത് ഫന്റാസ്റ്റിക്ക് ഫിലിംസ് !! വീഡിയോ ജൂലൈ 11ന് പുറത്ത് വിടും

Pinterest LinkedIn Tumblr +

ചുരുക്കം ചില സിനിമകളിലൂടെ തന്നെ മലയാള സിനിമാ ഇൻഡസ്ട്രിയിൽ ശ്രദ്ധേയമായ സ്ഥാനം നേടിയെടുത്ത പ്രൊഡക്ഷൻ കമ്പനിയാണ് ഫന്റാസ്റ്റിക്ക് ഫിലിംസ്. അജു വർഗീസ്, ധ്യാൻ ശ്രീനിവാസൻ, വിശാഖ് സുബ്രമണ്യം എന്നിവരാണ് ഫന്റാസ്റ്റിക്ക് ഫിലിംസിന്റെ സാരഥികൾ .നിവിൻ പോളി നായകനായെത്തിയ ലൗ ആക്ഷൻ ഡ്രാമ നിർമിച്ചു കൊണ്ടായിരുന്നു ഫന്റാസ്റ്റിക്ക് ഫിലിംസ് സിനിമാ ലോകത്തേക്ക് പ്രവേശിക്കുന്നത്. പിന്നീട് ഹെലൻ, ഗൗതമന്റെ രഥം എന്നീ ചിത്രങ്ങൾ വിതരണത്തിന് എത്തിച്ചും തങ്ങളുടെ സാന്നിധ്യം വീണ്ടും ഉറപ്പിക്കാൻ ഫന്റാസ്റ്റിക്ക് ഫിലിംസിന് സാധിച്ചു. ഇപ്പോൾ പുതിയൊരു ഉദ്യമത്തിന് തുടക്കം കുറിക്കുകയാണ് ഫന്റാസ്റ്റിക്ക് ഫിലിംസ്.

യൂട്യൂബിൽ ചുരുങ്ങിയ കാലം കൊണ്ട് തന്നെ ശ്രദ്ധേയനായ യൂട്യൂബർ ആണ് കാർത്തിക്ക് ശങ്കർ. ഈ ലോക്ക് ഡൗണ് കാലത്ത് തന്റെ അമ്മയോട് ചേർന്ന് ഒരു കോമഡി സീരീസ് കാർത്തിക്ക് ശങ്കർ ഒരുക്കിയിരുന്നു. വലിയ ഹിറ്റായി മാറിയ ഈ സീരിസിന് ജനപ്രീതി വർദ്ധിച്ചതോടെ ഇതിനോടകം എട്ട് ഭാഗങ്ങൾ അദ്ദേഹം ഒരുക്കുകയും ചെയ്തു. ഇപ്പോൾ ഈ സീരിസിന്റെ ഒമ്പതാം ഭാഗം റിലീസിന് തയ്യാറെടുക്കുകയാണ്. ഇത്തവണ പതിവിന് വിപരീതമായി ഫന്റാസ്റ്റിക്ക് ഫിലിംസിന്റെ യുട്യൂബ് ചാനൽ വഴിയാണ് വീഡിയോ പുറത്ത് വിടുക. വളർന്ന് വരുന്ന ഒരു ചെറുപ്പക്കാരന്റെ പരിശ്രമങ്ങളെ ഉയർത്തികൊണ്ടുവരാൻ വേണ്ടിയാണ് ഫന്റാസ്റ്റിക്ക് ഫിലിംസ് ഈ വീഡിയോ നിർമിക്കുന്നത് എന്ന് സാരഥികൾ അറിയിച്ചു. ജൂലൈ 11ന് രാവിലെ 11 മണിക്ക് വീഡിയോ പുറത്ത് വരും

യൂട്യൂബ് ചാനൽ : https://m.youtube.com/c/FuntasticFilms

“Lucifer”
Loading...
Share.

About Author

Comments are closed.