2003-ൽ പുറത്തിറങ്ങിയ ശങ്കർ സംവിധാനം ചെയ്ത തമിഴ് ചിത്രം ബോയ്സിലൂടെ നമ്മൾ മലയാളികൾക്കും സുപരിചിതയായ താരമാണ് ജനീലിയ. കുട്ടിത്തം നിറഞ്ഞ സംസാരവും കുസൃതിനിറഞ്ഞ അഭിനയവും ഉള്ള താരത്തെ ഏവർക്കും ഇഷ്ടമാണ്. അന്നത്തെ സൂപ്പർ-ഡ്യൂപ്പർ ഹിറ്റുകളിൽ ഒന്നായിരുന്ന ബോയ്സ് യുവാക്കളുടെ ഇടയിൽ ഒരുപാട് കോളിളക്കം സൃഷ്ടിച്ച സിനിമയാണ്.
ആദ്യമായി അഭിനയിച്ചത് ഹിന്ദി ചിത്രത്തിൽ ആണെങ്കിലും പിന്നീടങ്ങോട്ട് താരം ശ്രദ്ധ നേടിയത് സൗത്ത് ഇന്ത്യയിലാണ്. വിജയ് നായകനായ സച്ചിൻ, അല്ലു അർജുന്റെ ഹാപ്പി, ജയംരവി നായകനായ സന്തോഷ് സുബ്രമണ്യം അതുപോലെ മലയാളത്തിൽ ഉറുമി എന്നീ സിനിമകളിലൂടെ മലയാളികളുടെ പ്രിയപ്പെട്ട താരമായി മാറാനും ജനീലിയ്ക്ക് സാധിച്ചു. 2012-ൽ ബോളിവുഡ് നടൻ റിതേഷ് ദേശ്മുഖായി വിവാഹിതയായ താരം വിവാഹശേഷം അഭിനയജീവിതത്തിൽ നിന്നും പിന്മാറുകയായിരുന്നു. ഇരുവർക്കും രണ്ട് ആൺമക്കൾ ആണുള്ളത്. ഇപ്പോഴിതാ ഈ കഴിഞ്ഞ ദിവസം ഡോക്ടർസ് ഡേയിൽ ഭർത്താവ് റിതേഷിനൊപ്പം മരണശേഷം അവയവങ്ങൾ ദാനം ചെയ്യാൻ ഒരുങ്ങിയിരിക്കുകയാണ് താരം.
സമൂഹമാധ്യമങ്ങളിലൂടെ ആണ് ഈ വിവരം ഇരുവരും പുറത്തുവിട്ടത്. ‘ജീവിതം എന്നത് ഒരു സമ്മാനമാണ്. ആ സമ്മാനം ആർക്കെങ്കിലും നൽകാൻ സാധിക്കുന്നതാണ് ഏറ്റവും വലിയ സമ്മാനം..’ അതിനാൽ ഇതിൽ അണിചേരാൻ നിരവധി ആളുകൾ മുന്നോട്ടുവരണമെന്നും ഇവർ ആവശ്യപ്പെടുന്നുണ്ട്. ഇരുവരും നന്നായി ആലോചിച്ച് എടുത്ത തീരുമാനമാണ് ഇതെന്നും അവർ പറയുന്നു. തീരുമാനത്തിന് മികച്ച പിന്തുണയാണ് ആരാധകരിൽ നിന്നും ലഭിക്കുന്നത്. ഇരുവരെയും അഭിനന്ദിച്ച് നിരവധി ആളുകളാണ് കമന്റുകൾ ഇട്ടിട്ടുള്ളത്.
There is no greater gift to someone than ‘The Gift Of Life’. @genelia & me have pledged to donate our organs. We urge you all to join this great cause and be part of ‘The Life AfterLife’. pic.twitter.com/dq4flMSxT6
— Riteish Deshmukh (@Riteishd) July 1, 2020