മലയാളത്തിലെ എക്കാലത്തെയും മികച്ച നായകൻ സുരേഷ് ഗോപിയുടെ മകൻ ഗോകുൽ സുരേഷിന്റെ 27 മത്തെ പിറന്നാളായിരുന്നു കഴിഞ്ഞ മാസം സെപ്തംബര് 29 ന്.പിറന്നാളിന് ഗോകുൽ സുരേഷിന് മഹീന്ദ്ര ഥാർ സമ്മാനമായി നൽകിയിരിക്കുകയാണ് നടൻ സുരേഷ് ഗോപി. ഇന്ത്യയിൽ ഏറ്റവുമധികം ആരാധകരുള്ള വാഹനങ്ങളിലൊന്നാണ് മഹീന്ദ്ര ഥാർ.ഒക്ടോബർ 2 ന് പുറത്തിറങ്ങിയ പുതിയ ഥാർ സ്വന്തമാക്കിയതിന്റെ സന്തോഷത്തിലാണ് ഗോകുൽ സുരേഷ്.
ഏറെ ആഗ്രഹമായിരുന്നു ഥാർ സ്വന്തമാക്കണമെന്ന്.കോളേജിൽ പഠിക്കുമ്പോൾ ഥാർ വാങ്ങിത്തരണമെന്ന് അച്ഛനോട് ആവശ്യപ്പെട്ടിരുന്നു.അന്ന് അച്ഛൻ മേടിച്ചു തന്നില്ല.ഏറ്റവും പുതിയ മോഡൽ ഇപ്പോൾ കിട്ടിയതിൽ സന്തോഷമുണ്ടെന്ന് ഗോകുൽ സുരേഷ് പറഞ്ഞു.തിരുവനന്തപുരത്തുള്ള എസ് എസ് മഹീന്ദ്രയിൽ നിന്നാണ് ഗോകുൽ സുരേഷ് വാഹനം സ്വന്തമാക്കിയത്.
ദുൽഖർ സൽമാനടക്കം നിരവധി സിനിമ താരങ്ങൾ ഗോകുൽ സുരേഷിന് പിറന്നാൾ ആശംസകൾ നേർന്ന് രംഗത്ത് വന്നിരുന്നു.തന്റെ ഏറ്റവും പ്രിയപ്പെട്ട ഗോകുൽ സുരേഷിന് പിറന്നാൾ ആശംസകൾ, ഉയരങ്ങൾ നിങ്ങൾ കീഴടക്കും എന്നാണ് ദുൽഖർ പോസ്റ്റിൽ രേഖപ്പെടുത്തിയത്. താര ജാഡകളൊന്നുമില്ലാതെ മലയാള സിനിമയിലേക്ക് വന്ന ഗോകുൽ സുരേഷ് കുറച്ച് ചിത്രങ്ങളിലെ അഭിനയിച്ചിട്ടുള്ളു എങ്കിലും ഇതിനോടകം തന്നെ പ്രേക്ഷക ശ്രദ്ധ പിടിച്ചുപറ്റിയ നടനാണ്.