മലയാള സിനിമയിലെ മുന് നിര യുവ നായകന്മാരില് ശ്രദ്ദേയനായ താരമാണ് ഗോകുല് സുരേഷ്. താരങ്ങളുടെ മക്കളുടെ വിശേഷങ്ങള് എപ്പോഴും സോഷ്യല് മീഡിയ ഇരു കൈയ്യും നീട്ടി സ്വീകരിക്കാറാണ് പതിവ്. സോഷ്യല് മീഡിയയില് വളരെ സജീവമായ ഗോകുലിന്റെ പുതിയ പോസ്റ്റ് ഇപ്പോള് ആരാധകര് ഏറ്റെടുക്കുകയാണ്. നടനും എംപിയുമായ സുരേഷ് ഗോപിയെക്കുറിച്ചാണ് താരത്തിന്റെ പോസ്റ്റ്.
ഏതൊരു മകനെ പോലെ അച്ഛന്റെ മികച്ച പ്രവൃത്തികളെ അഭിനന്ദിച്ചാണ് ഗോകുല് പോസ്റ്റ് ഷെയര് ചെയ്തിരിക്കുന്നത്. തമ്പാനൂര് റെയില്വെ സ്റ്റേഷനില് എം പിയുടെ വികസന ഫണ്ടില് നിന്ന് സ്ഥാപിച്ച പ്ലാസ്റ്റിക് റീസൈക്കിള് മെഷീന് സ്ഥാപിച്ചത് അറിയിച്ചാണ് കുറിപ്പ് പങ്കുവച്ചത്.
മെഷീന്റെ ചിത്രവും താരം പങ്കുവെച്ചിട്ടുണ്ട്. അച്ഛന്റെ പ്രവൃത്തികളില് അഭിമാനം തോന്നുന്നുവെന്നും മാധ്യങ്ങളും ഇവിടുത്തെ നിയമ നിര്മ്മാണം നടത്തുന്നവരും സര്ക്കാരുമെല്ലാം അച്ഛനെ എത്ര കുറച്ച് കണ്ടാലും പ്രഷ്നമില്ലെന്നും അച്ഛന്റെ യോഗ്യതയെ കണ്ട് അഭിനന്ദിക്കാതിരിക്കാന് ആകുന്നില്ലെന്നും നിങ്ങള് എന്നും എന്റെ അഭിമാനമാണെന്നും ഗോകുല് കുറിച്ചു. പ്ലാസ്റ്റിക് പൊടികള് നിക്ഷേപിക്കുമ്പോള് അത് ചെറിയ തരികളായി മാറ്റുന്നതാണ് റീസൈക്കിള് മെഷീന്. പരിസരമലിനീകരണം ഒഴിവാക്കാനും പ്ലാസ്റ്റിക് ഉപയോഗം കുറയ്ക്കാനും റീസൈക്കിള് ചെയ്യാനും ഈ മെഷീന് ഉപകരിക്കുന്നതാണ്.