Thursday, October 29

സംഘര്‍ഷം ഒഴിവാക്കാന്‍ ഇവര്‍ സ്വീകരിക്കുന്ന മൗനം, പറ്റുമെങ്കില്‍ മൗനപാഠ്യവിഷയത്തിന്റെ അധ്യാപകരാക്കണം : ഹരീഷ് പേരടി

Pinterest LinkedIn Tumblr +

മലയാള സിനിമ ഇന്‍ഡസ്ട്രിയില്‍ ഏറ്റവും അധികംആരാധക പിന്‍ബലമുള്ള താരങ്ങളാണ് മോഹന്‍ലാലും മമ്മൂട്ടിയും. സമീപകാലത്ത് മലയാള സിനിമയില്‍ ഉയര്‍ന്ന പൊട്ടലിലും ചീറ്റലിലും ഇവര്‍ രണ്ടു പേരും കാണിക്കുന്ന മൗനം തന്നെ അതിയശിപ്പിക്കുകയാണെന്ന് നടന്‍ ഹരീഷ് പേരടി സോഷ്യല്‍ മീഡിയയില്‍ കുറിക്കുന്നു. മഹാനടനാവാനുള്ള അടിസ്ഥാന യോഗ്യത ശരിക്കും ഇത്തരം മഹാമൗനങ്ങളാണെന്ന് താന്‍ തിരിച്ചറിയുകയാണ്.എല്ലാത്തിലും കേറി അഭിപ്രായം പറയുന്ന തന്നോടൊക്കെ ഇപ്പോള്‍ സ്വയം പുച്ഛം തോന്നുവെന്നും അദ്ദേഹം പോസ്റ്റിലൂടെ തുറന്നെഴുതി.

ശ്രീനാരയാണ സര്‍വകലാശാലയില്‍ മൗനം ഒരു പാഠ്യ വിഷയമായി മാറ്റുകയാണെങ്കില്‍ അവിടെ ഇവര്‍ രണ്ടുപേരും അതിഥി അധ്യാപകരായി പ്രവര്‍ത്തിക്കണമെന്നും കാരണം സംഘര്‍ഷങ്ങളും കൊലപാതകങ്ങളും ഒന്നുമില്ലാത്ത ഒരു പുതിയ കേരളത്തെ നമുക്ക് നിഷ്പ്രയാസം വാര്‍ത്തെടുക്കാന്‍ സാധിക്കുമെന്നും അദ്ദേഹം എഴുതി.

കുറിപ്പ് വായിക്കാം:

ഇവര്‍ രണ്ടു പേരോടുമുള്ള എന്റെ ആരാധന ദിവസവും കൂടിക്കൂടി വരികയാണ്…ഏതൊരു പ്രശനത്തിലും സംഘര്‍ഷം ഒഴിവാക്കാന്‍ വേണ്ടി ഇവര്‍ സ്വീകരിക്കുന്ന മൗനം..അത് നമ്മള്‍ കണ്ടൂ പഠിക്കേണ്ടതാണ്…മഹാനടനാവാനുള്ള അടിസ്ഥാന യോഗ്യത ശരിക്കും ഇത്തരം മഹാമൗനങ്ങളാണെന്ന് ഞാന്‍ തിരിച്ചറിയുന്നു…എല്ലാത്തിലും കേറി അഭിപ്രായം പറയുന്ന എന്നോടൊക്കെ എനിക്ക് പുച്ഛം തോന്നുന്നു…പുതുതായി തുടങ്ങിയ ശ്രീനാരയാണ സര്‍വകലാശാലയില്‍ മൗനം ഒരു പാഠ്യ വിഷയമായി മാറ്റുകയും അവിടെ ഇവര്‍ രണ്ടുപേരും അതിഥി അധ്യാപകരായി എത്തുകയും ചെയ്യതാല്‍ സംഘര്‍ഷങ്ങളും കൊലപാതകങ്ങളും ഒന്നുമില്ലാത്ത ഒരു പുതിയ കേരളത്തെ നമുക്ക് നിഷ്പ്രയാസം വാര്‍ത്തെടുക്കാന്‍ പറ്റും…

“Lucifer”
Loading...
Share.

About Author

Comments are closed.