Thursday, July 2

‘ഐ മിസ് യു ഡാ പൊറോട്ട’ ഇതാണ് നാവിൽ കൊതിയൂറിക്കുന്ന പാട്ട്..! വീഡിയോ

Pinterest LinkedIn Tumblr +

പൊറോട്ട എന്നാൽ മലയാളികൾക്ക് ഒരു വികാരം തന്നെയാണ്. പൊറോട്ടയുടെ കൂടെ ചിക്കനും മുട്ടയും കടലക്കറിയും എല്ലാം ചേർത്തൊരു പിടിത്തം പിടിക്കാമെങ്കിലും മലയാളിക്ക് അന്നും ഇന്നും പ്രിയം പൊറോട്ടയുടെ സ്വന്തം ബീവി ബീഫിനൊപ്പമുള്ള ആസ്വദിച്ചുള്ള കഴിക്കലാണ്. ഇപ്പോൾ തന്നെ വായിൽ വെള്ളമൂറി തുടങ്ങിയല്ലേ? അതേപോലെ നാവിൽ കൊതിയൂറിക്കുന്ന ഒരു പാട്ടാണ് പ്രേക്ഷകർക്കിടയിൽ ഇപ്പോൾ ശ്രദ്ധ നേടിയിരിക്കുന്നത്. ‘ഐ മിസ് യു ഡാ പൊറോട്ട’ എന്ന ഈ ഗാനത്തിൽ ഈ ലോക്ക് ഡൗൺ കാലത്ത് മലയാളികൾ ഏറ്റവും അധികം മിസ് ചെയ്യുന്ന പൊറോട്ട തന്നെയാണ് താരം.

അവെനീര്‍ ടെക്‌നോളജി(AVENIR TECHNOLOGY) ആണ് പൊറോട്ട പാട്ടിന് പിന്നില്‍. സിയ ഉല്‍ ഹഖ്, സച്ചിന്‍ രാജ്, സുധീഷ് കുമാര്‍ എന്നിവര്‍ ചേര്‍ന്നാണ് സംഗീതവും ആശയവും. ഇവര്‍ മൂവരും ചേര്‍ന്നാണ് ഗാനം ആലപിച്ചിരിയ്ക്കുന്നതും. ഇര്‍ഷാദ് എം ഹസന്‍ ആണ് മ്യൂസിക് വീഡിയോയുടെ നിര്‍മാണം. രമേഷ് കാവിലിന്റേതാണ് ഗാനത്തിലെ വരികള്‍. സാമുവല്‍ എബി, സന്‍രാജ് അമൃതം, അഖില്‍ കൃഷ്ണ, നൂറുദ്ദീന്‍, സുനീര്‍ മുഹമ്മദ്, സഹദ് ഉസ്മാന്‍, സെല്‍വിന്‍ വര്‍ഗീസ് തുടങ്ങിയവരാണ് മനോഹരമായ ഈ സംഗീതാവിഷ്‌കാരത്തിലെ മറ്റ് പ്രധാനപ്പെട്ട അണിയറപ്രവര്‍ത്തകര്‍.

“Lucifer”
Loading...
Share.

About Author

Comments are closed.