നടന്മാരായ മമ്മൂട്ടിയും മോഹന്ലാലും കാണാന് വരണമെന്ന ആഗ്രഹം പറഞ്ഞ് പെരുമ്പാവൂരില് കൊല്ലപ്പെട്ട ജിഷയുടെ അമ്മ. തന്റെ മകള് ക്രൂരമായി കൊല്ലപ്പെട്ടിട്ട് മമ്മൂട്ടിയോ മോഹന്ലാലോ കാണാന് വന്നില്ലെന്ന് ജിഷയുടെ അമ്മ രാജേശ്വരി പറഞ്ഞു. തന്റെ മകളുടെ കഥ സിനിമയാക്കണമെന്നും അതില് തനിക്കൊരു വേഷം നല്കണമെന്നും രാജേശ്വരി പറഞ്ഞു.
മമ്മൂട്ടി സര് വക്കീലാണ്. തന്റെ മകളുടെ കഥ സിനിമയാക്കണമെന്ന് ഒരുപാട് ആഗ്രഹിച്ചിരുന്നു. മമ്മൂട്ടി സിബിഐ ആയിട്ട് ഒരുപാട് പടം പിടിച്ചിട്ടുണ്ട്. അതുപോലെ തങ്ങളെ കൊല്ലുമെന്ന് പറഞ്ഞവരെ സോപ്പിട്ട് സത്യം കണ്ടെത്തി സിനിമയാക്കണമായിരുന്നു. തന്റെ മകളുടെ കഥ സിനിമയാക്കിയാല് ലോകത്തിലെ തന്നെ വലിയ വിജയമാകുമെന്നും രാജേശ്വരി പറഞ്ഞു. ദിലീപാണെങ്കിലും സിനിമയെടുക്കാന് കഴിവുള്ള ആളാണ്. തന്റെ മകളുടെ കഥ സിനിമയാക്കാന് തന്റെയടുത്ത് വരണം. കേസ് മമ്മൂട്ടി തെളിയിക്കണം. മമ്മൂട്ടി വിളിച്ചില്ലെങ്കിലും താന് കാത്തിരിക്കുകയാണ്. അതുപോലെ മോഹന്ലാലും നല്ല പോലെ അഭിനയിക്കുമെന്നും രാജേശ്വരി പറഞ്ഞു.
ഭൂരിപക്ഷം സിനിമകളും യഥാര്ത്ഥ സംഭവവുമായി ബന്ധപ്പെട്ടതാണ്. ചിലതുമാത്രമാണ് നടക്കാത്ത സംഭവങ്ങളെ വച്ച് സിനിമയാക്കുന്നത്. മകളെ വക്കീലായി പഠിപ്പിക്കാന് ശ്രമിച്ച ആളാണ് താന്. കാരണം തനിക്കിത്തിരി വിദ്യാഭ്യാസം കുറവാണെങ്കിലും വിവരമുണ്ടെന്നും രാജേശ്വരി പറഞ്ഞു.ആര്ക്ക് വേണമെങ്കിലും തന്നെ സഹായിക്കാം. ഒരു നേരത്തെ ഭക്ഷണം കഴിക്കാന് ആ സഹായം സ്വീകരിക്കും. താന് കോടികളൊന്നും സമ്പാദിച്ചിട്ടില്ല. എട്ടേകാല് ലക്ഷം കിട്ടി. കുറച്ച് സ്വര്ണം വാങ്ങി എന്നത് ശരിയാണ്. അതിന്റെ ബില്ല് കൈവശമുണ്ടെന്നും ജിഷയുടെ അമ്മ പറഞ്ഞു.