Tuesday, June 18

അജു വർഗീസിന് ഇന്ന് പിറന്നാൾ; ഈ വർഷം അണിയറയിൽ ഒരുങ്ങുന്നത് കൈ നിറയെ ചിത്രങ്ങൾ

Google+ Pinterest LinkedIn Tumblr +
“Lucifer”

ചുരുങ്ങിയ കാലയളവ് കൊണ്ട് കഠിനാദ്ധ്വാനം കൊണ്ട് മലയാള സിനിമാലോകത്തെ കോമേഡിയന്മാരുടെ നിരയിൽ തന്റേതായ ഒരു സ്ഥാനം സ്വന്തമാക്കുവാൻ സാധിച്ച നടനാണ് അജു വർഗീസ്. മലർവാടി ആർട്ട്സ് ക്ലബിൽ നിന്നും തുടങ്ങിയ ആ യാത്ര ഇന്ന് എത്തിയിരിക്കുന്നത് ഒരു പ്രൊഡ്യൂസറിലാണ് എന്നതാണ് ആ യാത്രയുടെ വിജയം. നിവിൻ പോളിയും നയൻതാരയും നായകരാകുന്ന, ധ്യാൻ ശ്രീനിവാസന്റെ പ്രഥമ സംവിധാന സംരംഭമായ ലവ് ആക്ഷൻ ഡ്രാമയിലൂടെയാണ് അജു വർഗീസ് ഒരു നിർമാതാവിന്റെ കുപ്പായമണിയുന്നത്. ഇന്ന് തീയറ്ററുകളിൽ എത്തിയ വിജയ് സൂപ്പറും പൗർണമിയുമടക്കം നീയും ഞാനും, കോടതി സമക്ഷം ബാലൻ വക്കീൽ , സച്ചിൻ , പന്ത്, ജൂൺ, മധുരരാജ , ജാക്ക് & ജിൽ , ലാഡ്‌ , മസ്താൻ ,സായാഹ്ന വാർത്തകൾ , മാർക്കോണി മത്തായി എന്നിങ്ങനെ നിരവധി ചിത്രങ്ങളാണ് അജു വർഗീസിന്റേതായി ഈ വർഷം ഒരുങ്ങുന്നത്.

അജു വർഗീസിനും ഭാര്യ അഗസ്റ്റീനക്കും രണ്ടു ജോഡി ഇരട്ടക്കുട്ടികളടക്കം നാല് കുട്ടികളാണ് – ജുവാന, ഇവാൻ, ജെയ്ക്ക്, ലൂക്ക്. എഞ്ചിനീയറിംഗ് പഠനത്തിന് ശേഷം ഒരു ടെക്കിയായി ജീവിച്ചു തീർക്കേണ്ടിയിരുന്ന ജീവിതത്തിൽ കാതലായ ഒരു മാറ്റം കൊണ്ടുവരുവാൻ അജു വർഗീസ് എടുത്ത ആ തീരുമാനത്തിന്റെ ഫലമാണ് ഇന്ന് അദ്ദേഹം ചെന്നെത്തി നിൽക്കുന്ന ഉയരങ്ങൾ. ഇനിയും ഉയരങ്ങളിലേക്ക് എത്തട്ടെ എന്ന പ്രാർത്ഥനയോടെ [പ്രിയപ്പെട്ട അജു വർഗീസിന് ഒരായിരം ജന്മദിനാശംസകൾ.

“Lucifer”
Share.

About Author

Comments are closed.