നിരവധി സിനിമകൾ കൊണ്ട് പ്രേക്ഷകർക്ക് വളരെ പ്രിയപ്പെട്ട നടിയായി മാറിയ താരമാണ് ജൂഹി ചൗള. മലയാളത്തിലെ ഹിറ്റ് ചിത്രം ഹരികൃഷ്ണൻസിൽ കൂടി മലയാളികൾക്കും ജൂഹിയെ വളരെ ഇഷ്ടമാണ്, ഇപ്പോൾ കമ്മൽ കളഞ്ഞു പോയ സങ്കടം ആരാധകരോട് പങ്കുവെച്ചിരിക്കുകയാണ് താരം. പതിനഞ്ച് വര്ഷമായി താന് അണിയാറുള്ള പ്രിയപ്പെട്ട ഡയ്മണ്ട് കമ്മല് നഷ്ടപ്പെട്ടതിന്റെ സങ്കടമാണ് ജൂഹി ആരാധകരെ അറിയിച്ചിരിക്കുന്നത്. മുംബൈ വിമാനത്താവളത്തിൽ വെച്ചാണ് കമ്മൽ നഷ്ടപ്പെട്ടിരിക്കുന്നത്, അത് തിരികെ ലഭിക്കുവാൻ ആരാധകരുടെ സഹായം തേടിയിരിക്കുകയാണ് താരം.
ഇന്ന് രാവിലെ മുംബൈ എയര്പോട്ടിലെ ഗെയിറ്റ് 8 ന് സമീപത്തേക്ക് നടക്കുന്നതിനിടയില് എമിറേറ്റ്സ് കൗണ്ടറിന് സമീപത്തു എവിടെയോ എന്റെ ഡയമണ്ട് കമ്മല് നഷ്ടമായി. അത് കണ്ടെത്താന് ആരെങ്കിലും സഹായിച്ചാല് ഞാന് വളരെ സന്തോഷവതിയാകും. കമ്മല് കിട്ടിയാല് പൊലീസിനെ അറിയിക്കൂ. നിങ്ങള്ക്ക് സമ്മാനം തരുന്നതില് എനിക്ക് സന്തോഷമേ ഉള്ളൂ’ എന്നാണ് ജൂഹി പറഞ്ഞിരിക്കുന്നത്.
കഴിഞ്ഞ പതിനഞ്ചു വർഷമായി താൻ സ്ഥിരം ധരിക്കാറുള്ള കമ്മലാണ് അത്, അത് നഷ്ടപ്പെട്ടപ്പോൾ വല്ലാതെ വേദനയാണ് തനിക്ക് അത് ലഭിക്കുന്നവർ പോലീസിനെ അറിയിക്കണം എന്നാണ് ജൂഹി പറയുന്നത്.